عدم الثقه

[أبو تيم]

السلام عليكم........
لماذا لاتوجد ثقه بين المصارف الحكوميه والمواطن.؟
علما أنا ذهبت لأشتري 5000يورو.....بس غيرة رأيي ؟
بعد يلي شفتو ع باب بنك فرع 16 يلي بلميساة

[aboalfawares]

اقتباس: المشاركة الأصلية كتبت بواسطة أبو تيم    السلام عليكم........ لماذا لاتوجد ثقه بين المصارف الحكوميه والمواطن.؟ علما أنا ذهبت لأشتري 5000يورو.....بس غيرة رأيي ؟ بعد يلي شفتو ع باب بنك فرع 16 يلي بلميساة

وعليكم السلام
واضح انك ضربت على الوجع حيث القائمة تبدا باولا" وتكاد لاتنتهي
اولا": قرارات ارتجالية ...مبهمة .. مزاجية ..انتهازية.. لادارة ليس لها خبرة لانها عينت بناء على اتصالات ومعارف وليس عن علم و لن نقول تجربة لانو ما في عنا تجارب والخبرات بتطير لخارج البلد لنفس السبب وضف ما شئت
ثانيا": الموظف الذي يعد البنك ملكا" له وهو يؤدي الخدمة رغما" عنه وليس رغبة منه
ثالثا": تتعلق بان واسطة هذا الموظف لم تكن قوية لتعيينه مدير او اكثر فهو ذو امكانية اكبر من مكانه
وقائمة طويللللللللللللللللة
هذا اللي شفتو عند شرائي 1000$ العام الماضي من العقاري واللي شفتو كتير

[SyrianWolf]

ثقة شو أخ أبو تيم؟؟!!... ماهنن قاصدين "يصدموك" حتى تغير رأيك. لكن مدينة متل الشام ومسموح الشراء من 3 فروعة "بس" للمصرف التجاري, مع أنو البركة في ألو على علمي شي 20 فرع إذا مو أكتر.

ثقة شو أخ أبو تيم, ثقة شو .

[abu mhd]

تدخل البنك المركزي بالسوق من باب تعا ولا تيجي

يعني نحنا عم نعطي 5000 يورو بس لكل طويل عمر
او تعتبر جائزة للي مازال مصمم على التسجيل رغم العقبات و البهدلة و الشرحشة تبع التوزيع

ذكروني وقت كنا نوقف طابوووووووووووووووور على دور المؤسسة لناخد 2 كيلو تفاح بالكيس و بلا تنقاية وانت وحظك
لا لسه لابقلكم تنقوا تفاح اصفر و احمر هههههههه

[عابر مجيب]

والله حتى ما نعمم ، بتذكر كان في مدير للمصرف التجاري بالمزة للأسف ما بحفظ الأسماء ، الله يوفقوا وين ما كان هلأ ( كان سنة 2000 ) بتشعر انو كان فطحل زمانو .
المشكلة مو بالأفراد ، بالتعليمات اللي بتجي من فوق ، وأغلبها بمشورة ناس من تحت .
عويصة بس الواحد يفكر فيها بيستنتج اللي ما عرفت اوصفو .
لقربها كنا في شركة قطاع عام طويلة وعريضة ، بس كنت لاحظ عنا واحد فصعون الكل بيخافوا منو وبيعملولو ميت حساب . وبيسلموا عليه وبيقولولو أهلا بالعكيد .
أنا كنت اتحاشاه لأنو ما بدي منو شي وكان يعملي حساب ويتضبضب .