سعر صرف الدولار مقابل الليرة السورية يوم الخميس2012/12/27 في السوق السوداء

[مجد]

اقتباس: المشاركة الأصلية كتبت بواسطة najm    وليش هيك صاير بمصر ؟

اخي نجم لصوص مصرلايريدون ان تستقر مصر لانهم سيسالون من اين لك هذأ لذلك هم يهمهم ان تستمر الازمه اوعدم الاستقرار اطول وقت ممكن ويحاولون بث الاشاعات ومحاربة اي هدوء

[najm]

اقتباس: المشاركة الأصلية كتبت بواسطة f.alkhatib    البعض ينصح بالشراء و البعض ينصح بالبيع و اخر يعول عل اداء المركزي و تجار السوق... و انا ماني عرفان شو اعمل . انا بدي اشتري للحفاظ عل قيمة العملة و لليس للتجارة او المضاربة . و لكن المبلغ الذي املكه لا يتحمل الخسارة لانها سوف تكون قاسية !!!!!!!!!!!!!!!!!!!! مشتت لا اعرف اي نقطة اختارها للدخول و لمحافظة عليها !!

ما كون محلك بتوجه لشراء الذهب في الوقت الراهن ولا تاخود على كلامي مجرد رأي .

[Jack Pot]

اقتباس: المشاركة الأصلية كتبت بواسطة shereen    اخر سعر كان 94 بالشام(الساعة 8) واللي كاتب 88-90 هادا سعر تخيلي بحت

شكراً عل إطراء ، بس حابب قول أول شي إنو كلشي صرافة و السوق كلّو بيسكر الساعة 6 مساءاً ، و السعر تم الإغلاق بسعر 90 مبيع 88 شراء و أنت سألتي عل 8 ما بضل غير يلي بدو يستحكم و يحمي السوق لأنو حابب يطلع متل ما بيقولو لحسة أصبع ، على كل يوم السبت قريب جداً و المي بت كذب الغطاس

[Salam L]

اقتباس: المشاركة الأصلية كتبت بواسطة F.alkhatib    البعض ينصح بالشراء و البعض ينصح بالبيع و اخر يعول عل اداء المركزي و تجار السوق... و انا ماني عرفان شو اعمل . انا بدي اشتري للحفاظ عل قيمة العملة و لليس للتجارة او المضاربة . و لكن المبلغ الذي املكه لا يتحمل الخسارة لانها سوف تكون قاسية !!!!!!!!!!!!!!!!!!!! مشتت لا اعرف اي نقطة اختارها للدخول و لمحافظة عليها !!

أخي الكريم... وجعك هو وجعنا كلنا...

صدقني انا بعرف ناس هون شخصيا... وبدنا متل مابدك تماما...

صدقني شو ماعملنا عم نخسر... عم نخسر وطن كامل...

المهم هلق برأي انو تبلش شوي شوي...

القرار الاول هو عدم ابقاء ليرة... هاد امر مافي حدا تقريبا بيختلف عليه...

القرار التاني هو شو تعمل بالمصاري...

اذا كتار توزيع... دهب ... دولار... عقار ويفضل برات سورية وبلا مناطق امنة بلا بطيخ.....

اذا قلال مو حرزانين التوزيع...

انا شخصيا مابحب الدهب.. لكتير اسباب.. الدولار بيعه وقت الضرورة اسهل وحمله بظل هيك ظروف كمان يمكن اسهل والله اعلم...


هلق بقي السؤال اذا بدك تشتري دولار.. ايمتى بدك تدخل...


قدامك هون رأيين...

ناس بتقلك رح يكسر كتييير...

وناس بتقلك رح يولع فوق المية....

طيب بالعقل والمنطق وبدون تأثيرات دعاية المركزي.... بالوقت الجاية كلنا بنعرف انو بلحظة اذا صار فوضى بدمشق رح يرتفع السعر كتيير.....لا تحسب حساباتك بس وفقا لانتظار تدخل المركزي... بدك تسال حالك طيب واذا اختفى المركزي بليلة مافيها ضو قمر شو بيصيير؟؟؟؟؟؟؟

طيب قديش احتمال ينزل تحت ال 90؟؟ او تحت ال 85؟؟؟

بطريقة تانية... لنقول مثلا انو احتمال يرجع لل 85 هو كذا بالمئة%...
واحتمال انو يثبت على التسعين او يرتفع فوق المية هو كذا بالمئة%.....

انت بقى على حسبك احساسك ورؤيتك بدك تعبي الفراغات بهي النسبة....

ووقت تتعبى معك رح تعرف ايمتى تدخل لحالك... بدون ماحدا يقلك....
وفيك تتبع الشراء على مراحل... كمان ممكن يكون مفيد..

وفي خيار اضافي انو تجرب تشتري يورو من التجاري... هيك ممكن لبين مايصحلك دور بالتجاري بتدرس وضع السعر وهلق الك مصلحة تشتري فيه... وممكن تاخد دور لأكثر من شخص حسب المصاري...


وبالنهاية... كلنا هون خسرانين كتير مرات... وممكن كتير نكون رح نطق بس مافي باليد حيلة... انا الخسائر عم تلاحقني من ارنة لارنة من سنتين لهلق....

[dodireg]

سورية الأخيرة عربياً في مؤشر الارتباط بالاقتصاد العالمي
"المؤشر يقيس الترابط العالمي في بلدان العالم، كما يقيس ويحلل عمق ومدى تدفقات المهاجرين والسياح ورأس المال، والمقصود برأس المال هو الاستثمارات الأجنبية المباشرة، بالإضافة إلى تجارة البضائع والخدمات في تلك البلدان"

[xzone]

ياشباب على شو سكر السوق الدولار بحلب
ارجو الافادة اذا تكرمتو

[مجد]

اقتباس: المشاركة الأصلية كتبت بواسطة salam l    أخي الكريم... وجعك هو وجعنا كلنا... صدقني انا بعرف ناس هون شخصيا... وبدنا متل مابدك تماما... هتصدقني شو ماعملنا عم نخسر... عم نخسر وطن كامل... المهم هلق برأي انو تبلش شوي شوي... القرار الاول هو عدم ابقاء ليرة... هاد امر مافي حدا تقريبا بيختلف عليه... القرار التاني هو شو تعمل بالمصاري... اذا كتار توزيع... دهب ... دولار... عقار ويفضل برات سورية وبلا مناطق امنة بلا بطيخ..... اذا قلال مو حرزانين التوزيع... انا شخصيا مابحب الدهب.. لكتير اسباب.. الدولار بيعه وقت الضرورة اسهل وحمله بظل هيك ظروف كمان يمكن اسهل والله اعلم... هلق بقي السؤال اذا بدك تشتري دولار.. ايمتى بدك تدخل... قدامك هون رأيين... ناس بتقلك رح يكسر كتييير... وناس بتقلك رح يولع فوق المية.... طيب بالعقل والمنطق وبدون تأثيرات دعاية المركزي.... بالوقت الجاية كلنا بنعرف انو بلحظة اذا صار فوضى بدمشق رح يرتفع السعر كتيير.....لا تحسب حساباتك بس وفقا لانتظار تدخل المركزي... بدك تسال حالك طيب واذا اختفى المركزي بليلة مافيها ضو قمر شو بيصيير؟؟؟؟؟؟؟ طيب قديش احتمال ينزل تحت ال 90؟؟ او تحت ال 85؟؟؟ بطريقة تانية... لنقول مثلا انو احتمال يرجع لل 85 هو كذا بالمئة%... واحتمال انو يثبت على التسعين او يرتفع فوق المية هو كذا بالمئة%..... انت بقى على حسبك احساسك ورؤيتك بدك تعبي الفراغات بهي النسبة.... ووقت تتعبى معك رح تعرف ايمتى تدخل لحالك... بدون ماحدا يقلك.... وفيك تتبع الشراء على مراحل... كمان ممكن يكون مفيد.. وفي خيار اضافي انو تجرب تشتري يورو من التجاري... هيك ممكن لبين مايصحلك دور بالتجاري بتدرس وضع السعر وهلق الك مصلحة تشتري فيه... وممكن تاخد دور لأكثر من شخص حسب المصاري... وبالنهاية... كلنا هون خسرانين كتير مرات... وممكن كتير نكون رح نطق بس مافي باليد حيلة... انا الخسائر عم تلاحقني من ارنة لارنة من سنتين لهلق.... frown11

كلامك صحيح تماما

ولكن انت استاذة بالخسارة

هههه

[مجد]

يسالني الكثيرين من المصريين عن صور الدمارفي سورية صحيحة اقول لهم هي كلها كذب هي مجسمات باستديوهات في قطر
وبالاحجام الطبيعيه .شوبدي قول لهم قولوا لي

[حكم جركو]

ليس السؤال المهم كيف أو هل أنخفض الدولار مقابل الليرة لسعر 94 أوالى اقل من ذلك؟؟

السؤال الأهم : كم سيبقى صامداً عند هذه الأرقام؟؟؟

وعندها يتضح فيما إذا كان الهبوط لحظي أم حقيقي...

[najm]

مقايضة العملات بالذهب اسلوب يتبعه أكثر المضاربين خبرة وحتى محافظ وبنوك ودول عند تخبط سوق العملات الرئيسية ومنها الدولار وهو الملاذ الامن وكثير من المحللين يروا بأنه صاعد صاعد .
بحالتنا اذا تراجع سعر الدولار وارتفع الذهب تعدل الخسارة او تسوى باعتبار نحنا شارين ليرة من زمان واذا تابع الدولار الصعود وتجاوز حاجز ال 100 وارتفع سعر الذهب عالميا بيصير الربح ربحين .
وأعني بالربح نقيض الخسارة حتى لا يفسر كلامي خطأ .