SyrianWolf

اقتباس:

المشاركة الأصلية كتبت بواسطة Salam L ماحدا جرب يشتري من التجاري لحتى يخبرنا بشكل قطعي عن الاجراءات؟

اقتباس:

المشاركة الأصلية كتبت بواسطة Salam L لانو في فرق ليرتين تقريبا بينه وبين سعر البيع بالسوق السوداء!

بس لأعمل update, يللي فهمتو أنو 100$ بينحطوا وديعة 3 أشهر. وإذا الواحد أصر/ألح أنو يسحبون من هلأ فبياخدون 90$ (يعني 10% غرامة بس بيقبضهون دولار مو سوري).

إذا هالحكي صحيح وإذا الواحد اشترى 5000$ وبدو يسحب الـ 100$ فوراً فبيقبض 4990$ وبالتالي سعر الدولار عملياً صار:

((5000*81.6*1.002)+500)/4990=82 ل.س/$

الـ 500 رسوم فتح حساب وحباشات وخلافو...

__________________

SyrianWolf

اقتباس:

المشاركة الأصلية كتبت بواسطة tareq555 بدك تفتح حساب وبدك تودع المبلغ وتاني يوم بتاخد الدولار ولازم تترك بالحساب 100 دولار وديعة لمدة 3 اشهر واذا بدك تسحبهن قبل 3 اشهر بينخصم منك عمولة 10 دولارات طبعا السعر اللي عم يبيع عليه التجاري 81.6 وعمولة 2 بالالف

كأنو منسقين مع بعض .

تطابق الحديث صديقي معناها الحكي مظبوط.

__________________

fearless

مرحبا حبيت اضع وجهة نظري بخصوص ما تفضل به الأخ ( أدم ) بالنسبة للعرف في السوق السورية أنه على الدوام هنالك توافق بين تجار السلعة الواحدة من أجل الربح بأكبر قدر ممكن من خلال توحيد سعر المبيع أو الشراء
على سبيل المثال لا الحصر إذا كانت سلعة زراعية و تنتج في موسم معين يتفق عدد من التجار على سعر معين مع وضع هامش صغير و غالباً ما يكون السعر جائراً على المزارع.
أما إذا كانت السلعة للبيع كذلك الأمر يحددون سعر خاص للبيع
و في كلتا الحالتين يكون هنالك ( حوت ) أو مجموعة مغلقة تتحكم بالسعر فلا تستطيع شراء أو بيع هذه السلعة خارج شروطهم
تجربة مستمرة منذ أكثر من 15 عام و الله يعين[/quote]


مثال بسيط عن السلع الزراعية واستغلال المزارع

فلاح زارع لفت كانوا عم يشتروا منو الكيلو بـ 3 ليرات و الاسبوع الماضي تجار سوق الهال قالوا لمزارعي اللفت انو السوق اكتفى مابقا تنزلوا لفت هالفترة
لكن للمفارقة سعر كيلو مخلل اللفت بالسوق بالأيام الأخيرة 100 ل.س بعد أن أقل من هيك بكتير !!!
والمعروف انو صناعة المخلل مابتحتاج إلا لتكاليف إضافية بسيطة كتير كتير والفلاح قريب كتير من دمشق والطريق آمن تقريبا ومافي كلفة نقل عالية
فليش عم يتضاعف سعر المادة 33 ضعف و لمين عم يروح هالمربح كلو ؟

GoldMan$

GoldMan$

Salam L

اقتباس:

المشاركة الأصلية كتبت بواسطة syrianwolf بس لأعمل update, يللي فهمتو أنو 100$ بينحطوا وديعة 3 أشهر. وإذا الواحد أصر/ألح أنو يسحبون من هلأ فبياخدون 90$ (يعني 10% غرامة بس بيقبضهون دولار مو سوري). إذا هالحكي صحيح وإذا الواحد اشترى 5000$ وبدو يسحب الـ 100$ فوراً فبيقبض 4990$ وبالتالي سعر الدولار عملياً صار: ((5000*81.6*1.002)+500)/4990=82 ل.س/$ الـ 500 رسوم فتح حساب وحباشات وخلافو...

وعلى فرض الواحد اشترى الفين دولار مو خمسة.. بيطلع المبلغ النهائي اكبر مو هيك؟

انا عقلي بطل يشتغل اليوم

حدا يحسبلي ياها الله يرضى عليكن ههه

__________________

GoldMan$

وهاد المطلوب ...

المطلوب الواحد يتعقد ويتكركب ويبطل يفكر يروووح يشتري من التجاري وبقول لحالو الواحد مثلا 5000$ اذا فرق بالسوق ليرة مثلا ...
اي بدفع الفرق وبروووح بشتريهم من السوق السوداء اريح بلا معاملة بلا وقت ضايع بلا بطيخ بلا سين وجيم ....

لهاللحظة انا شايف هالتدخل متل قلتووووو....

Salam L

اقتباس:

المشاركة الأصلية كتبت بواسطة goldman$ big grin وهاد المطلوب ... المطلوب الواحد يتعقد ويتكركب ويبطل يفكر يروووح يشتري من التجاري وبقول لحالو الواحد مثلا 5000$ اذا فرق بالسوق ليرة مثلا ... اي بدفع الفرق وبروووح بشتريهم من السوق السوداء اريح بلا معاملة بلا وقت ضايع بلا بطيخ بلا سين وجيم ....big grin لهاللحظة انا شايف هالتدخل متل قلتووووو....

انا شايفة انو خلص الدولة رجعت ثبتت السعر بحدود ال80 متل ماثببته من فترة بحدود ال 70.. السعر عجبها وبيناسبها هيك.... والنكتة صارت تبيع عليه كميات كمان..


هلق بقى نتيجة التدخل الحقيقي رح تظهر وقت السوق السوداء بيرفع السعر لل 85 مثلا.. وقتها شو بيعمل التجاري والعقاري والمركزي..عباقرة هذا الزمن وجهابذة هذا العصر!!


لنشوف... ياخبر بفلوس بوكرة يبقى ببلاش..

__________________

Salam L

ومعلش حدا يعذب حاله ويحسبلي حق 2500 دولار من التجاري قديش بيطلعوا.. وبدون ال 500 تبع فتح الحساب ههه

__________________

abo-mhmad

الغاية من التدخل وقف ارتفاع الدولار مو تنزيلو
بس كمان شكلو ما مشي الحال