عادل العمر

الاخوة الاعزاء خبراء السوق
اسعد الله اوقاتكم بكل خير
هذي اول مشاركه لي ولدي كم سؤال بخصوص الاشتراك بسوق الاسهم السوري للاوراق الماليه
1- هل يسمح لغير السوريين " العرب " بالتداول في سوق الاسهم السوريه.
2- كم الحد الادنى المسموح بالتداول .
3- هل يمكنني فتح حساب ومحفظه وانا في بلد آخر عن طريق تحويل مبلغ المراد التداول به .
4- وهل يمكنني التداول عبر النت وهل الشغله مضمونه .
دمتم بود

economic opinion

صباح الخير أخونا عادل العمر وأهلاً بك وبمشاركاتك في منتدانا سيرياستوكس
رح حاول أخي العزيز أن أجيب على أسئلتلك بما أعرفه بشكل لا يقبل الجدل أو الخطأ أما الشي يلي عندي شك فيه فرح قللك إني مو متأكدة منو


أول شي السوق السورية اسمها سوق دمشق للأوراق المالية وهاد موقعها أخي
www.dse.sy


1- يسمح لغير السوريين بالشراء في السوق السورية لكن ضمن شروط معينة ونسب محددة لملكية الأجانب تختلف بحسب الشركة يلي ناوي تشتري فيها ونسبة تملك الأجانب فيها في الفترة الحالية
الحد الأعلى لملكية الأجانب في البنوك المدرجة كلها حالياً لازم ما تكون أكتر من 60%

هون أخي بتلاقي الشركات المدرجة بسوق الأوراق المالية ومعلوماتها العامة

http://www.dse.sy/user/?page=issuers_company


للأسف لا يوجد على موقع البورصة النسبة المسموح بها للأجانب في كل شركة لكن تستطيع الحصول على هذه المعلومة من الوسيط المالي، وهون أخي بتلاقي أسماء شركات الوساطة المرخصة من هيئة الأوراق المالية والعاملة حالياً بالسوق، بيهمك تشوف شركة عندها نشاط التداول لحسابه وحساب الغير على الأقل

http://www.dse.sy/user/?page=service_company





وهي أخي تعليمات إدخال وإخراج الأموال للإستثمار بالبورصة

http://www.banquecentrale.gov.sy/mon...cmc-538-ar.pdf



2- مافي حد أدنى أخي فيك تشتري لو سهم واحد

3- أعتقد فيك تفتح حساب لو كنت خارج البلد عن طريق شركة الوساطة وفيك تعطي أوامر البيع والشراء عن طريق الهاتف أو الإيميل أو الفاكس


4- لا يوجد تداول عبر الإنترنت بمفهوم Internet trading بس فيك تتابع معنا الجلسة بالموقع هون ومن خلال الشاشة يلي حاططها السوق على موقعو بالضغط على "الأسعار الفوريه " الموجودة بالصفحة الرئيسية لموقع البورصة وهي لينك

http://www.dse.sy/trading/market_wat...673252e490f736


"ما ظبط اللينك أخي فوت عالصفحة الرئيسية www.dse.sy بعدين اضغط آخر بند بالقائمة يلي بيمين الشاشة اسمو "الأسعار الفورية" بتشوف الشاشة live وقت التداول وشاشة الإغلاق خارج أوقات التداول "




أتمنى إني كون فدتك وإذا عندك أي أسئلة إضافية أو في شي مو واضح فتكرم عينك منجاوبك دغري

روان

__________________

عادل العمر

economic opinion
الف شكر اختي العزيزه على الرد الجميل وعلى ارفاق الروابط
دمت بود