سعر صرف الليرة السورية مقابل الدولار ليوم الإثنين 15-10-2012 في السوق السوداء ‏

[GoldMan$]

بعد ما تم تأكيد نفي القرار وتكذيبه ... تأكدت شوي من الملف اللي سحبته اليوم من النت ...

في فرق بنوع الخطوط المطبوعة على الورقة وممكن جدا تكون مطبقة تطبيق واضحة ..

بس لو ما تم النفي والتكذيب ما حدا بيخطرلوا انو هالوررقة ما رسمية ....

[Romeo]

الدولار في حلب
شراء : 75
مبيع : 76
متوفر

[متابع اردني1]

اخواني قلت هذا الكلام قبل بيوم (الاحد14/10/2012)وقلت ان هذا الاسبوع اسبوع ال74 فعلا لن يبقى للسعر اي مقاومه وسيبدأ اسبوع ال75 والله اعلم وسوف نصل لمرحله كل يوم سعر ولكن بعد اسبوعين على الاقل
وخلي الاخ ابراهيم يطلع ويحكي يلي بده اياه

[tarek]

يا اخي انا اتشاءم من حكي الاخ ابراهيم يعني كل ما بيحكي بنط الدولار تلات اربع ليرات

[mak]

اقتباس: المشاركة الأصلية كتبت بواسطة د وهيب    السلام عليكم تقول المصادر ان سوريا تعوم على اكبر حقل نفطي وغازي في العالم يتم اكتشافه. وان سوريا لايوجد عليها ديون ستكون درة العالم واغنى دولة في العالم دون منازع. الغرب والشرق بلا اخلاق .يرغب بتقاسم الثروة. بتدمير سوريا والتخلص من كل مرتزقته التي رباها طيلة السنين الطويلة. قصة الاعلام والفبركة مؤقته ستنتهي بعودة انتخاب اوباما او في السابع من الشهر القادم. الغرب لايتحمل حرب جديدة يريدون المشاركة في حقل النفط والغاز الذي تعوم سوريا عليه. اتفاقية جنيف تتوج الاسد زعيما للشرق كما توج محمد على زعيما لمصرفي اتفاقية لندن. فلا تخشوا هبوط الليرة او ارتفاعها تستطيع الدولة ان تستدين من اي دولة . خزائن العالم مفتوحة للحكومة السورية اقل من شهر يتغير اتجاه السهم فلا تقنطوا هذا ماسمعته

لسا مصدق كلام أعضاء مجلس التصفيق ...بأن بشار يجب أن يكون رئيس للعالم!!!......حاجة بقا ....الزلمة احترقت ورقتو...و عم يدور على مخرج مشرف.....و سوريا حرقوها و نهبوها و صار عليها دين عشرين سنة للأمام.....و لسا بتقلي لا تخشوا هبوط الليرة
بعدين الثروة النفطية بسوريا مو شي جديد ...بس الجديد انو قاربت على النفاذ و الشعب ما استفاد منها شي ....يعني مستوى المواطن عنا بحسب الناتج القومي لسوريا لازم يكون احسن من قطر...بس شوف هن وين و نحن وين ...وشوف انت وين....يعني لو كان الوضع هون منيح كنت انت و ناس كتير متلك تركو البلد و طلعوا يفيدوا الدول الأجنبية العدوة بخبراتون ؟!!!...والله حكي بيجنن

[aksk]

مع احترامي للدكتور وهيب لكن هذه الفكرة المضحكة من العيب ان تصدر من (دكتور)

[mhdamer]

حبايبنا القرار صحيح مية بلمية
ومتاكد انو القرار تعمم على كل المصارف بسوريا
فكيف عم تجدبوا علينا وتقولو مو مزبوط
شو لعبة الشغلة
ولا عنا كل شي بصير

[فراس السكري]

السلام عليكم
على فكرة سعر الدولار سيبقى متمركز بهذه الفترة على هذا السعر كما اوضحت سابقا وهو 72الى 75 وسعر البنك سيتابع ارتفاعه ولكن بسرعة اكبر مما سبق وللذي يسال هذا افضل حل لياخذ الدولار سعره الحقيقي يكفي ماوصلنا اليه

[د وهيب]

اقتباس: المشاركة الأصلية كتبت بواسطة mak    لسا مصدق كلام أعضاء مجلس التصفيق ...بأن بشار يجب أن يكون رئيس للعالم!!!......حاجة بقا ....الزلمة احترقت ورقتو...و عم يدور على مخرج مشرف.....و سوريا حرقوها و نهبوها و صار عليها دين عشرين سنة للأمام.....و لسا بتقلي لا تخشوا هبوط الليرة بعدين الثروة النفطية بسوريا مو شي جديد ...بس الجديد انو قاربت على النفاذ و الشعب ما استفاد منها شي ....يعني مستوى المواطن عنا بحسب الناتج القومي لسوريا لازم يكون احسن من قطر...بس شوف هن وين و نحن وين ...وشوف انت وين....يعني لو كان الوضع هون منيح كنت انت و ناس كتير متلك تركو البلد و طلعوا يفيدوا الدول الأجنبية العدوة بخبراتون ؟!!!...والله حكي بيجنن

الله يسامحك
بتصدق صدق مابصدق انت حر.
لكن انا لست من مجلس التصفيق.
انا خرجت تعلمت من خبرات الخارج .
استفدت علما ومالا .
وأخلصت لبلدي الذي ولدت به ولبلدي الثاني الذي منحنى العلم والسلام والفرصة في المغترب.
وعندما تدمر البيئة الحاضنة للارهاب ويسود السلام في البلاد قد نعود ونبنيها.
انتهى النفط ام لم ينتهي لا يعنيني.
نتمنى الخير للبلد والسلام للجميع.وان يتعاون اهل البلد لبلسمة جراحهم.

[mak]

اقتباس: المشاركة الأصلية كتبت بواسطة فراس السكري    السلام عليكم على فكرة سعر الدولار سيبقى متمركز بهذه الفترة على هذا السعر كما اوضحت سابقا وهو 72الى 75 وسعر البنك سيتابع ارتفاعه ولكن بسرعة اكبر مما سبق وللذي يسال هذا افضل حل لياخذ الدولار سعره الحقيقي يكفي ماوصلنا اليه

المشكلة هنا......ما هو السعر الحقيقي للدولار؟....75...85....100 ؟ أكثر؟......كان هناك نقاشات سابقة كثيرة عن دول كثيرة انهارت عملتها و هنا الخوف ....و الحل لن يكون لا بادعم ولا بالتعويم....الحل هو بالقضاء على الأسباب و ايجاد المخرج السياسي المناسب للأزمة و عدم توهم القدرة على القضاء على كل شيئ من أجل شخص أو أشخاص