سعر صرف الليرة السورية مقابل الدولار ليوم الخميس 27-9-2012 في السوق السوداء

[tarek]

اقتباس: المشاركة الأصلية كتبت بواسطة Romeo    حكيك سليم وأنا معك بهالشي والمشكلة اني متابع الأسواق وعرفان انو التوقعات بتقول اونصة الذهب رايحة لل 2000$ لأخر السنة بس الحكومة عنا كل يوم بقرار شكل والله العظيم احترت بربكن مو شي بحيير

انا متلك تصرفات المركزي ما عمبتخليني اعرف اشتغل على الاونصة لهيك حطيت في بالي لكل مرحلة زمنية نطاق بيع وشراء ففي المرحلة الحالية عندي بيع من فوق مستوى 3500 والشراء من تحت 3500 يعني فرضا وصل سعر الدولار لل 65 ووصلت سعر الاونصة لل 2000 رح يبقى سعر الغرام 3500 تقريبا

[hesham]

اقتباس: المشاركة الأصلية كتبت بواسطة barbie    نسيت قلكن أن الهرم عم يوزع دولار اليوم بس هي الشركة نظامية ومحترمة ماشية عالدور بس الدور طويييييييييييييل

شكرا للمديح بالشركة
هذه الشركة تعنيني

[NetPro]

اقتباس: المشاركة الأصلية كتبت بواسطة romeo    ياشباب بدي نصيحتكن أنا عندي كم غرام ذهب ومحتار بيعهن ولا خليون والسبب اني خايف يدخل المركزي ويضخ دولار وبالتالي بنزل غرام الذهب شي 200 ليرة وأنا أحق فيون بقا شو قلتو

أخي مثل ما بتعرف وعمتنصح العالم الذهب من هون لشهر طالع مقابل الدولار

هلأ انت عمتدخل عنصر ثالث عالمعادلة وهو السوري.
هلأ أنا توقعي سيبقى الدولار خلال الفترة القادمة ضمن هذه الحدود 70 - 75
وبطبيعة الحال إذا نزل الدولار مقابل الليرة وطلع الذهب مقابل الدولار فانت مو خسران
ارتفاع الذهب وثبات الدولار مقابل السوري = ربحان
ارتفاع الذهب و ارتفاع الدولار مقابل السوري = ربحان (وهو المرجح برأيي)
ارتفاع الذهب وهبوط الدولار = مو خسران
هبوط الذهب وارتفاع الدولار = مو خسران
هبوط الذهب وهبوط الدولار مقابل الليرة = خسران

يعني احتمال خسارتك بحال اشتريت ذهب هو 1 من أصل 5 احتمالات = 20% علماً أن نسبة تحقق الاحتمالات غير متساوية.
يعني احتمال هبوط الدولار مقابل الليرة + احتمال هبوط الذهب مقابل الدولار هو احتمال ضعيف جداً