سعر صرف الليرة مقابل الدولار 24-9-2012 في السوق السوداء

[Barbie]

نسيت قلكن أن طبعاً إذا بتعرفلك شي حدا بشركة الصرافة دغري بمشوك

ومو بس عالسريع
ومعك فوق ال 5 ألاف

[GoldMan$]

اقتباس: المشاركة الأصلية كتبت بواسطة Barbie    إمبارح كان في بيع بالشركات التالية: مونيتا 500 للشخص الواحد بيكو 500 للشخص الواحد الشعار للصرافة 500 للشخص الواحد المتحدة 1000 للشخص الواحد شام 1000 للشخص الواحد الأدهم 500 للشخص الواحد بس طبعاً الوقفة متل الشحادين ع طابور الدولار

معلومات هامة .. شكرا..$

بس متل ما قلتي سابقا 500 $ بفرق 2.5 ليرة عن السوق السوداء فيها 1250 ليرة
واذا 1000$ فيها 2500 ليرة بتستاهل نطرة للي ما عندو شغل

[Barbie]

اقتباس: المشاركة الأصلية كتبت بواسطة GoldMan$    معلومات هامة .. شكرا..$ بس متل ما قلتي سابقا 500 $ بفرق 2.5 ليرة عن السوق السوداء فيها 1250 ليرة واذا 1000$ فيها 2500 ليرة بتستاهل نطرة للي ما عندو شغل

أنا هاد يلي بدي إحكيه

تخيلو الخميس كان في فرق 6 ليرات للدولار الواحد
يعني ب 500 دولار كان المربح شي 3 آلاف
طبعاُ مو كل الناس بتقدر تستحمل الدور والوضع الذي لا يطاق عطابور الدور إلا إذا كان عاطل عن العمل



أنا مثلا إذا بيعطوني الدولار ب 60 ليرة مابوقف هي الوقفة لأن شغلي ماشي ومالي مضطرة
بس إذا عطوني ياه ب 50 بفكر بالموضوع

[louis_16th]

اقتباس: المشاركة الأصلية كتبت بواسطة Barbie    نسيت قلكن أن طبعاً إذا بتعرفلك شي حدا بشركة الصرافة دغري بمشوك ومو بس عالسريع ومعك فوق ال 5 ألاف

و نحنا ولاد البطة السودا .. لازم نروح نشتري من السوق السودا بفرق 3 او 4 ليرات !!!

[$ABOUD]

اقتباس: المشاركة الأصلية كتبت بواسطة barbie    أستاذ عبود أنا بحترم رأيك بس مو كل الناس يلي صافة عالدور هن بدن يسافرو أغلب الناس عاملة الدولار شغلتها وعملتها يعني بتاخد الدولار بسعر المركزي بتروح بتبيعو بالسوق السودا طبعاً في ناس صافة مشان تسافر ولكن النسبة قليلة بالمقارنة طبعاً أنا معك بقصة البطر لأن الواحد بيقدر يبيع الدولار بأحسن من سعر المركزي بحدود ال 3 ليرات ف أكيد مافي بطر

طول عمرنا السوريين شاطرين بالسوق والشغل والأنتاج والحربئة ... الله كبير ويجازي اللي وصلنا لهون . شكرا باربي لمرورك الطيب

[M3Maher]

اقتباس: المشاركة الأصلية كتبت بواسطة barbie    أنا هاد يلي بدي إحكيه تخيلو الخميس كان في فرق 6 ليرات للدولار الواحد يعني ب 500 دولار كان المربح شي 3 آلاف طبعاُ مو كل الناس بتقدر تستحمل الدور والوضع الذي لا يطاق عطابور الدور إلا إذا كان عاطل عن العمل أنا مثلا إذا بيعطوني الدولار ب 60 ليرة مابوقف هي الوقفة لأن شغلي ماشي ومالي مضطرة بس إذا عطوني ياه ب 50 بفكر بالموضوع big grin

يعني بفهم من كلامك يا باربي إنك مستعدة للنطرة والبهدله والتدفيش وشي كم نعره
مشان تاخديلك كم دولار بخمسين ليره
هززززززلللللللللتتتتتتتت

[Barbie]

اقتباس: المشاركة الأصلية كتبت بواسطة $aboud    طول عمرنا السوريين شاطرين بالسوق والشغل والأنتاج والحربئة ... الله كبير ويجازي اللي وصلنا لهون . شكرا باربي لمرورك الطيب

القصة أن القانون وتطبيقو غلط بغلط
يعني كأن قصدا بطلعو قانون ناقص ليخلو الناس تلتف عليه

بصراحة الوضع لا يطاق
إمبارح صديقي بدو يشتري دولار لأن بدو يسافر وماقدر يحصل غير شوي
ووقف متلو متل الشخص يلي بدو يسترزق من قصة الدولار
مع أن معو التيكيت ومعو الفيزا

بس بدي قول شغلة
يلي إتضرر بهالأزمة وقاعد لا شغلة ولا عملة حلال عليه يسترزق من هالقصة
لأن أصلا يلي سن القانون عملو ليلتف عليه
ف معلش خلي هالمعترين يسترزقو أحسن ماياخدوها كلن هدول الفاسدين

[Barbie]

اقتباس: المشاركة الأصلية كتبت بواسطة M3Maher    يعني بفهم من كلامك يا باربي إنك مستعدة للنطرة والبهدله والتدفيش وشي كم نعره مشان تاخديلك كم دولار بخمسين ليره هززززززلللللللللتتتتتتتت

أصلاً ماتاكل هم
دور البنات غير دور الشباب ومارح أكل لا نعرة ولا دفشة ولا شي

بعدين شفت الدولار صار ب 50 وشفتني واقفة عالطابور

[rana-h]

البنك المركزي 67.83
67.42
ليرة سورية سعر السوق - دمشق 72
71
ليرة سورية سعر السوق - حلب 73
72
ليرة سورية

[GoldMan$]

اقتباس: المشاركة الأصلية كتبت بواسطة barbie    أصلاً ماتاكل هم دور البنات غير دور الشباب ومارح أكل لا نعرة ولا دفشة ولا شي بعدين شفت الدولار صار ب 50 وشفتني واقفة عالطابور big grin

في شغلة حابب ذكركم فيها انو اول الشهر قرب والللي اشترى 10 الاف وخايف يشتري اكثر مشان القاتون تبع ال10 الاف رح ينطر لاول الشهر ويرجع يشتري 10الاف مرة تانية ورح ترجع الازمة على الطوابير امام مكاتب الصرافة ....؟؟؟؟