نقاش حول بلاد للهجرة والسفر ....

[حسان]

اقتباس: المشاركة الأصلية كتبت بواسطة iass    صديقي محمد. إذا مصر على سوريا. فالخيارات أغلى بكتير من غير بلدان. حاليا أجور المنازل كتير كبيرة. وقطاع الخدمات بانحدار. وغلاء أسعار فاحش. الحلول ضمن البلد. دمشق. مساكن برزة مسبق الصنع. بس بشك تلاقي بيت للأجار فيها. باب توما والقصاع. المهاجرين. مشروع دمر. عدرا العمالية. هي كلها مناطق عم بيصير فيها مشاكل من فترة لفترة. هلق الخيارات الخارجية. ماليزيا. الجزائر. مصر. لبنان. تركيا. المصروف بتراوح شهريا بين ال1000 لل1500 دولار بحسب كبر العائلة. طبعا لبنان هي الحل الأقرب، بس الأغلى. بتترواح أجار البيوت فيها بين ال600$ بالشهر. حتى ال1500 دولار بالشهر. حسب المنظقة. فيك تاخد سيارتك من سوريا. وباقي المصاريف أرخص من الشام( باستثناء الخبز) ماليزيا: المصروف بحدود الألف وخمسمية دولار شهريا. بمنطقة منيحة. الجزائر: ما بيتجاوز المصروف الألف دولار شهريا. تركيا: ما ضروري تروح على استنبول أو أنقرة. في مناطق الأسعار فيها بتتراوح بين ال500$ لل900 دولار الأجارات. ومصاريف الأكل والشرب طالما عم تطبخ بالبيت فكل شي رخيص. مصر. أجارات البيوت بحدود ال30000 ألف لل50000 ليرة. بمناطق ممتازة. طبعا إذا ما بدك تسكن بالقاهرة. الأسعار بتنزل للنص. هي كلها دراسات عملتها بنفسي منشان عائلتي. طبعا يمكن تحس أنو غالي. بس أول الشي. المناطق والأجارات والبيوت. هي تعادل الأجارات بمناطق راقية. غير هيك. خلينا نفكر بسيناريوهات غياب الخدمات. في حال مثلا انقطع الخبز. أو الكهربا. أو المياه. أو أي شي.

كل مبشوف انو عنا بالبلد صرنا بنحكي بها الطريقه بحزن حزن شديد...
بس هنا يخطر لي سؤال لفائده الاخوه الذين قَرَروا الرحيل :
ماهي المده التي ستغيب فيها..
وهل ستكفي مواردك لها مهما طالت مع فرض الاسوء (يجب الحساب مع الاسوء دائما)..
هي حسبة مجهول بمجهول..ولاتنس ان معك كل العائله..
مع تمنياتي ان تأتي الايام بالافضل دائما.

[iass]

اقتباس: المشاركة الأصلية كتبت بواسطة حسان    كل مبشوف انو عنا بالبلد صرنا بنحكي بها الطريقه بحزن حزن شديد... بس هنا يخطر لي سؤال لفائده الاخوه الذين قَرَروا الرحيل : ماهي المده التي ستغيب فيها.. وهل ستكفي مواردك لها مهما طالت مع فرض الاسوء (يجب الحساب مع الاسوء دائما).. هي حسبة مجهول بمجهول..ولاتنس ان معك كل العائله.. مع تمنياتي ان تأتي الايام بالافضل دائما.

أخي حسان. ما حدا بيرحل ليعمل سياحة. أكيد الواحد عم يرحل لأسباب عديدة. خصوصي مع العائلة. وخصوصي لذوي الموارد القليلة. يلي وقف شغلو بشكل نهائي. وراح محلو. وراحت مصاريه. مع عدم وجود خدمات ببعض المناطق. عم يضطر يروح على مناطق تانية. وكتير من القطاعات انتهت وكتير ناس عم يصرفو من الخميرة يلي عندهن. قرار الرحيل إشكالي. والحقيقة كلمالها فرص السفر عم تقل بشكل كبير. وعم تكون الخيارات على دول سيئة. بس ما عادت أسوأ من هون. لازم تقرا المستقبل خلال ست تشهر لسنة. شو الوضع. وشو الخيارات. ولوين رايحين. وتاخد قرارك. تذكر أنو سعر الدولار لا يزال مستقر. حتى الآن. وتذكر أنو لسة في عند الناس شوية خير عم يتقاسمو لقمتهن مع يلي ترك بيتو وما معو مصاري.
بدك تسأل حالك شو بدو يصير وقت ما بيعود في مصاري بالبلد. وقتها. رح يصير فيك انو عم تموت ببلدك. أحسن ما تموت ببلد الغريب. مع أنو ببلد الغريب فيك تربح ورقة يانصيب وتقدر تدبر حالك بشغل. بس ببلدك رح يكون الوضع صعب. والسيناريوهات المتوقعة للبلد هي الصومال ويوغوسلافيا والشيشان وأفغانستان( إيام الحرب الأهلية).

[مجرد إنسان]

اقتباس: المشاركة الأصلية كتبت بواسطة iass    بمصر. عندك أجارات من 300 جنيه وأنت طالع. حسب المنطقة. مدينة نصر. بتلاقي ب3000 جنيه. بالداون تاون بتلاقي بخمس تالاف. ما تسمع كتير ليلي بيهولك كتير بهاد الموضوع. في ضواحي حوالين القاهرة رخيصة وممتازة. بس بدك مين ياخدك عليها ويدورك فيها. أما سماسرة التكاسي والسياح هدول يلي بيجيبولك أسعار خيالية بمناطق سيئة. الجزائر. الحقيقة أنا ما عندي حدا بالجزائر. بس من فرنسا عرفت. أنو معدل أجور المنازل والأسعار بحدود الألف دولار للألف يورو بالشهر. فرص العمل جيدة بالقطاع الحر بكل هي الدول باستثناء ماليزيا. ليبيا ما بعرف. المغرب ما بعرف. على فكرة. عم أكتشف أنو الدول العربية عم تصير بغلاء أوروبا الشرقية. نسيت قلك. أنو في شب سوداني خبرني أنو في 5000 سوري موجودين بالخرطوم. وبيشتغلو بالتجارة. وقلي أنو الخرطوم أرخص بكتير من الشام. هلق بقيان دولة واحدة ما بدها فيزا كمان. هي تنزانيا. بس ما بعرف هي شو الوضع فيها.

تنزانيا فيها عمل ولكن الامن فيها ضعيف ، واللغة العربية التي لدينا مفيدة جدا ف50% من سكانها مسلمون ونسبة جيدة منهم تفهم العربية ، والاجور رخيصة مقارنة ببقية الدول المذكورة ولكن ليس فيها الرفاه المطلوب

[najm]

موضوع الهجرة يحتاج الى مشقة وتخطيط طويل
يبداء باختيار البلد التي تنوي الهجرة اليها
هل تحتاج الى فيزا .. فيزتها سهلة ؟
طيب ان دخلتها كم تكاليف المعيشة وهل تسمح لي قوانينها بالعمل صعبة .. وان سمحولي اشتغل شغلي بيكفي اصرف على نفسي وعائلتي وخصوصا اني مو مواطن واكيد مارح يحاسبوني متل ما بيحاسبوا ابن البلد لان الافضلية له ..
هل يتوفر لدي
شهادة
لغة
خبرة

معارف في تلك البلد
وكمان بدي ضل لحالي بدون العائلة كذا سنة لبين ما اسس شي وبعدين جيبهم لعندي هاد اذا كنت فقير
الغني انسى ما عندو مشكلة
واذا كنت متوسط الدخل وعندك بيت ومحل وسيارة ممكن تخاطر بكل شي وتبيعهم بسعر رخيص بي هي الايام الصعبة ويا اما بعدين بترجع بتشتري بدالهم يا اما بترجع على الحديدة انت وحظك .
خيار النزوح للناس المعدمين اصعب شي مخاطر الهرب 1 الذل عند البلد المضيف 2 وسمعنا انو بتركيا عم ينهانوا وينضربوا ويتقنن عليهم بالمأكل والعلاج والمشرب والسكن وبالبنان والاردن اسوء وهي تقارير من الاجئين انفسهم لهيك أقول الصبر احسن شي وهاد رأي .

[مجد]

اقتباس: المشاركة الأصلية كتبت بواسطة iass    أخي حسان. ما حدا بيرحل ليعمل سياحة. أكيد الواحد عم يرحل لأسباب عديدة. خصوصي مع العائلة. وخصوصي لذوي الموارد القليلة. يلي وقف شغلو بشكل نهائي. وراح محلو. وراحت مصاريه. مع عدم وجود خدمات ببعض المناطق. عم يضطر يروح على مناطق تانية. وكتير من القطاعات انتهت وكتير ناس عم يصرفو من الخميرة يلي عندهن. قرار الرحيل إشكالي. والحقيقة كلمالها فرص السفر عم تقل بشكل كبير. وعم تكون الخيارات على دول سيئة. بس ما عادت أسوأ من هون. لازم تقرا المستقبل خلال ست تشهر لسنة. شو الوضع. وشو الخيارات. ولوين رايحين. وتاخد قرارك. تذكر أنو سعر الدولار لا يزال مستقر. حتى الآن. وتذكر أنو لسة في عند الناس شوية خير عم يتقاسمو لقمتهن مع يلي ترك بيتو وما معو مصاري. بدك تسأل حالك شو بدو يصير وقت ما بيعود في مصاري بالبلد. وقتها. رح يصير فيك انو عم تموت ببلدك. أحسن ما تموت ببلد الغريب. مع أنو ببلد الغريب فيك تربح ورقة يانصيب وتقدر تدبر حالك بشغل. بس ببلدك رح يكون الوضع صعب. والسيناريوهات المتوقعة للبلد هي الصومال ويوغوسلافيا والشيشان وأفغانستان( إيام الحرب الأهلية).

كيفك اخي اياس .
يعني احلى شئ انه كلامك واقعي وبعيد عن المبالغات وعن العواطف .يعني ممكن الواحد الان يستطيع
يسافربعدين مافيه يسافر.وانا من سنة قال لي زميلي اردني تعال للاردن بعدين يغلقواالحدود قلت له ساسافر حين يصبح الوقت مناسب.ولكن الوقت سبقني واغلقواالحدود للعائلات .بصراحة خيار الاردن افضل من مصر بسبب انه حين تمشي بعمان تحس حالك ماطلعت من بلدك وممكن تشتغل بالاردن هذه ميزة ممتازة .في مصر يختلف الوضع تماما من الصعب انك تشتغل .الا تاسس مشروع .وايضا البيئة بشكل عام تختلف عن سورية

.

[مجد]

اقتباس: المشاركة الأصلية كتبت بواسطة najm    موضوع الهجرة يحتاج الى مشقة وتخطيط طويل يبداء باختيار البلد التي تنوي الهجرة اليها هل تحتاج الى فيزا .. فيزتها سهلة ؟ طيب ان دخلتها كم تكاليف المعيشة وهل تسمح لي قوانينها بالعمل صعبة .. وان سمحولي اشتغل شغلي بيكفي اصرف على نفسي وعائلتي وخصوصا اني مو مواطن واكيد مارح يحاسبوني متل ما بيحاسبوا ابن البلد لان الافضلية له .. هل يتوفر لدي شهادة لغة خبرة معارف في تلك البلد وكمان بدي ضل لحالي بدون العائلة كذا سنة لبين ما اسس شي وبعدين جيبهم لعندي هاد اذا كنت فقير الغني انسى ما عندو مشكلة واذا كنت متوسط الدخل وعندك بيت ومحل وسيارة ممكن تخاطر بكل شي وتبيعهم بسعر رخيص بي هي الايام الصعبة ويا اما بعدين بترجع بتشتري بدالهم يا اما بترجع على الحديدة انت وحظك . خيار النزوح للناس المعدمين اصعب شي مخاطر الهرب 1 الذل عند البلد المضيف 2 وسمعنا انو بتركيا عم ينهانوا وينضربوا ويتقنن عليهم بالمأكل والعلاج والمشرب والسكن وبالبنان والاردن اسوء وهي تقارير من الاجئين انفسهم لهيك أقول الصبر احسن شي وهاد رأي .

بس اخي نجم يمكن في بعض الاهانة بدول الجوار بس ببلدنا في قتل واغتصاب وقصف عشوائي واهانة واعتقال وما ادراك ما الاعتقال وفي ذبح بالسكاكين.والناس هجرت بمئات الالوف .اذا الدولة عنا ماعم تغيث اللذين نزحوا من مدنهم .فلا نعتب على احدبعدها

[مجد]

اقتباس: المشاركة الأصلية كتبت بواسطة netpro    وفي ضاحية قدسيا آمنة. سؤال حبيبي: الجزائر الأجارات بكم وشو وضع فرص العمل ؟ مصر سمعت انه الأجار المفروش بمناطق معدومة بالقاهرة وبيت 70 متر وعفش سيء بـ 50ألف وشو وضع فرص العمل؟ عندك فكرة عن ليبيا أجار مصروف معيشة وفرص العمل؟[/right]

في مصر الاجار بالقاهرة .مدينة 6 اكتوبر (القاهرة الجديدة ) وهي تقريبا بمساحة مدينة دمشق يمكن اكبر. اجار البيت المفروش فيها بحدود 2000جنيه حوالي 340دولار.وهي مثل ضاحية قدسيا بالتخطيط وايضا تشبهها ب ان كثير من الشقق غير مسكونة .

[حكم جركو]

اقتباس: المشاركة الأصلية كتبت بواسطة iass    أخي حسان. ما حدا بيرحل ليعمل سياحة. أكيد الواحد عم يرحل لأسباب عديدة. خصوصي مع العائلة. وخصوصي لذوي الموارد القليلة. يلي وقف شغلو بشكل نهائي. وراح محلو. وراحت مصاريه. مع عدم وجود خدمات ببعض المناطق. عم يضطر يروح على مناطق تانية. وكتير من القطاعات انتهت وكتير ناس عم يصرفو من الخميرة يلي عندهن. قرار الرحيل إشكالي. والحقيقة كلمالها فرص السفر عم تقل بشكل كبير. وعم تكون الخيارات على دول سيئة. بس ما عادت أسوأ من هون. لازم تقرا المستقبل خلال ست تشهر لسنة. شو الوضع. وشو الخيارات. ولوين رايحين. وتاخد قرارك. تذكر أنو سعر الدولار لا يزال مستقر. حتى الآن. وتذكر أنو لسة في عند الناس شوية خير عم يتقاسمو لقمتهن مع يلي ترك بيتو وما معو مصاري. بدك تسأل حالك شو بدو يصير وقت ما بيعود في مصاري بالبلد. وقتها. رح يصير فيك انو عم تموت ببلدك. أحسن ما تموت ببلد الغريب. مع أنو ببلد الغريب فيك تربح ورقة يانصيب وتقدر تدبر حالك بشغل. بس ببلدك رح يكون الوضع صعب. والسيناريوهات المتوقعة للبلد هي الصومال ويوغوسلافيا والشيشان وأفغانستان( إيام الحرب الأهلية).

والله ياأبوسام:

ضاقت ولما أستحكمت حلقاتها فرجت وكنت أظنها لا تفرج

عسى ربك أن يفرج عن عباده ويحل عسيرها على أهون سبب .....

مازلت أرى نوراً في نهاية النفق ...وآراه قريباً إن شاء الله

[سوري وطني]

اقتباس: المشاركة الأصلية كتبت بواسطة iass    أخي حسان. ما حدا بيرحل ليعمل سياحة. أكيد الواحد عم يرحل لأسباب عديدة. خصوصي مع العائلة. وخصوصي لذوي الموارد القليلة. يلي وقف شغلو بشكل نهائي. وراح محلو. وراحت مصاريه. مع عدم وجود خدمات ببعض المناطق. عم يضطر يروح على مناطق تانية. وكتير من القطاعات انتهت وكتير ناس عم يصرفو من الخميرة يلي عندهن. قرار الرحيل إشكالي. والحقيقة كلمالها فرص السفر عم تقل بشكل كبير. وعم تكون الخيارات على دول سيئة. بس ما عادت أسوأ من هون. لازم تقرا المستقبل خلال ست تشهر لسنة. شو الوضع. وشو الخيارات. ولوين رايحين. وتاخد قرارك. تذكر أنو سعر الدولار لا يزال مستقر. حتى الآن. وتذكر أنو لسة في عند الناس شوية خير عم يتقاسمو لقمتهن مع يلي ترك بيتو وما معو مصاري. بدك تسأل حالك شو بدو يصير وقت ما بيعود في مصاري بالبلد. وقتها. رح يصير فيك انو عم تموت ببلدك. أحسن ما تموت ببلد الغريب. مع أنو ببلد الغريب فيك تربح ورقة يانصيب وتقدر تدبر حالك بشغل. بس ببلدك رح يكون الوضع صعب. والسيناريوهات المتوقعة للبلد هي الصومال ويوغوسلافيا والشيشان وأفغانستان( إيام الحرب الأهلية).

كلام رائع يعبر عن هموم المواطن السوري ( مؤيد و معارض و حيادي )
حسب اعتقادي أن أغلب المشاركين هنا لديهم خميرة جيدة تساعدهم في التنقل و المعيش
و لكن هناك الكثير ممن لا يمتلكون ثمن الطعام و لا خميرة عندهم و بعضهم فقد المأوى و لم يبقى أمامهم خيار سوى المخيمات رغم الذل و الإهانة و هنا يأتي دور المقتدر ليساعد هؤلاء الناس و يحتسب أجره عند الله.
اللهم عجل بانتهاء الأزمة السورية لما فيه خير الشعب السوري

[najm]

اقتباس: المشاركة الأصلية كتبت بواسطة سوري وطني    كلام رائع يعبر عن هموم المواطن السوري ( مؤيد و معارض و حيادي ) حسب اعتقادي أن أغلب المشاركين هنا لديهم خميرة جيدة تساعدهم في التنقل و المعيش و لكن هناك الكثير ممن لا يمتلكون ثمن الطعام و لا خميرة عندهم و بعضهم فقد المأوى و لم يبقى أمامهم خيار سوى المخيمات رغم الذل و الإهانة و هنا يأتي دور المقتدر ليساعد هؤلاء الناس و يحتسب أجره عند الله. اللهم عجل بانتهاء الأزمة السورية لما فيه خير الشعب السوري

الخير موجود والبخل موجود وكل واحد وهو اصله رأينا خلال الازمة الوجوه الحقيقية للبشر لكن والحمد لله اغلبهم اصيل جنب بيتي يوجد جمعية خيرية عدد المتبرعين فيها اكثر من المحتاجين برغم كثرتهم ولقد رأيت شاب يوميته لا تزيد عن 300 ل يحمل صندوق بطاطا ليتبرع به لناس لا يعرفهم اتمنى ان تكون نفس الصورة في باقي المناطق واظنها كذالك .