سعر صرف الليرة مقابل الدولار7-6-2012 في السوق السوداء

[متابع اردني1]

اخ expert ما اشبعنا منك اليوم وين ولا زي القمر.......لا يكون بعدك مصدوم...........فعلا حاسس حالي بمجره اخونا ابراهيم طاهر اندروميدا ما في حدا............حتى صاحب المجره مانو هون...........يا جماعه وينكم.....!!!!!!!!!

[shereen]

اقتباس: المشاركة الأصلية كتبت بواسطة متابع اردني1    اخوان مني شايف حدا اليوم الخميس الناس عطلت من بكير ولا الحذف اخذ شغله (طبعا بمزح)مش شايف مشاركات فعلا الجنه بلا ناس ما بتنداس؟؟؟؟؟

والله يااخي فينك تقول الكل مصدومين دهب سقط 29 دولار اليوم ويورو طلع حتى عالميا بالعكس صاير الامور وعندك داخليا الدولار الى الهاوية وعندك تبع الامم المتحدة عم يفكرو كيف يانقذو الشعب السوري من دون مايدايقو حدا

[eng.mdkh]

السحلول بدمشق عم يبيع بسعر 68.75 و المبلغ مفتوح..
المهم أنو سألتو شلون بدك تبيعني أكتر من عشرة آلاف ؟؟؟؟ مو على أساس ما بيصير؟؟
فجاوبني أنو هاد القرار التغى من زمان.

هاد يللي صار ... طبعاً و الحذر واجب.

[متابع اردني1]

اقتباس: المشاركة الأصلية كتبت بواسطة shereen    والله يااخي فينك تقول الكل مصدومين دهب سقط 29 دولار اليوم ويورو طلع حتى عالميا بالعكس صاير الامور وعندك داخليا الدولار الى الهاوية وعندك تبع الامم المتحدة عم يفكرو كيف يانقذو الشعب السوري من دون مايدايقو حدا

اخت شيرين والله مشاعرنا تقطعت من الذي نشاهده الله يفرجها عليكم بس الواحد بحاول يهرب من شغله لشغله منشان ينسى بس اكيد هالجرائم ما بتنسا

[shereen]

وافقت الحكومة في جلستها الأخيرة على السماح لجميع منشآت القطاع الخاص باستيراد الغاز المنزلي عبر الدول المجاورة بناء على اقتراح وزارة النفط.

وكانت الحكومة قررت في وقت سابق السماح لبعض الصناعيين باستيراد مادة الغاز على حسابهم، وبطرقهم الخاصة، بعد أن امتنعت شركات النقل الأوروبية عن توريد الغاز لسورية متأثرة العقوبات الاقتصادية.

ويأتي قرار الحكومة في ظل تصاعد أزمة الغاز في البلاد التي أثرت على قطاعات مختلفة وعلى معيشة المواطن السوري بشكل مباشر، والتي تمثلت بندرة مادة الغاز في الأسواق، وارتفاع أسعار الاسطوانات إن وجدت.


عرفتو ليش ماعاد في غاز سمحو للتجار باستيراده يعني صار رقبتنا كالعادة بايد التاجر ومعروف من هللق مين بدو يستوردو

[العملة حديد]

السوري كسر
السوق في حلب الان
69،20
69،35
متوفرررر

[العملة حديد]

ممكن تنوير دمشق اذا لحق حلب

[د.أبو محمد]

اقتباس: المشاركة الأصلية كتبت بواسطة متابع اردني1    اخوان مني شايف حدا اليوم الخميس الناس عطلت من بكير ولا الحذف اخذ شغله (طبعا بمزح)مش شايف مشاركات فعلا الجنه بلا ناس ما بتنداس؟؟؟؟؟

والله يا أخونا النشمي اليوم جرحنا كبير و مالنا نفس للحكي سامحنا و ادعو لنا

[المغتربة]

القضاء اللبناني يدعي على "عناصر من الجيش السوري" بتهمة قتل مصور تلفزيون "الجديد"

ادعى مفوض الحكومة اللبنانية لدى المحكمة العسكرية القاضي صقر صقر، اليوم الخميس، على "عناصر من الجيش السوري وعلى من يظهره التحقيق " بتهمة قتل المصور التلفزيوني اللبناني علي شعبان ومحاولة قتل زملاء له بإطلاق النار عليهم قصدا في نيسان الماضي.

وذكرت "الوكالة الوطنية للإعلام" الرسمية اللبنانية أن "الادعاء جاء إثر إحالة النائب العام التمييزي القاضي سعيد ميرزا التحقيقات التي أجريت في الشمال في قضية مقتل شعبان ومحاولة قتل زملائه الى القاضي صقر".
وكان المصور التلفزيوني في قناة الجديد علي شعبان لقي مصرعه, منتصف الشهر الماضي, في منطقة وادي خالد الحدودية الشمالية مع سورية بإطلاق نار من الجانب السوري على سيارة كان يستقلها مع فريق تلفزيوني, وفقا لقناة الجديد.
وكانت كل من السلطات اللبنانية والسورية فتحت تحقيقا في الحادثة لتبيان ما حصل ومحاولة منع تكراره

[osama alshibli]

يا شباب الرجاء المساعدة انو احسن بضاعة دولار ذهب