د.أبو محمد

روى الترمذي وابن ماجه عن عائشة رضي الله عنها قالت: قال رسول الله صلى الله عليه وسلم:( خيركم خيركم لأهله، وأنا خيركم لأهلي)

Eng. Hassan

__________________

ابراهيم طاهر

ياجماعة عم تهرب الناس من النار الى الجحيم
ياجماعة اسعار العقارات وهمية جدا" بسوريا ان كان بالدولار ام بالليرة السوري
منزل على نهر الراين اطلالة 110 متر سوبر اول ديلوكس كراج للسيارات تدفئة مجانية تسخين طاقة ذرية حياة اجتماعية رائعة صداقات جميلة من الطرفين سعادة هائلة و فرص عمل مولات خدمات كأن الجنة الموعودة تطور حضارة فقط سعر المنزل 40 الف دولار مع عرض شراء سيارة رينو 2011 بنصف القيمة

ابراهيم طاهر

يا لطيف شو السعادة عندكم ايها السوريين غالية الثمن لشو اسعار هذه العقارات ولا يوجد خدمات ولا حضارة ولا سعادة ولا امل لكان سيارة سعرها 5000 دولار من المصنع تباع بسورية 30000 دولار لكان منزل وسط سبعة ملايين ليرة يشترى خمسة منازل في وسط اوربة والله الفساد الى الطناب وقسم يصلي وقسم يصفق والكل في فلك يسبحون . متفق عليه من الشباب
وهذا ذروة الفساد في سورية

د.أبو محمد

ياأخي نحن مانا عايشين بنهر الراين نحن عايشين بسوريا ونحن بلدنا ما منتركا لو صار العقار بمئات الملايين
بعدين انا لو يصحلي بيت بأميركا ب 10000 دولار و متله بسوريا ب 1000000 دولار باخد اللي بسووريا هادا اذا معي طبعا بكفي انه نحن عايشين ببلد بستمع فيه الأذان 5 مرات باليوم في أي نقطة بهالبلد فلا تقلي تطور و صداقات و علاقات مثلية و شاذة أنا عشت بأوربا و أمريكا ماشفت أحلى و أحسن من الوطن العربي بشكل عام
بدي أسألك بعد كل هالميزات العظيمة اللي قلتها انت بتحسن تربي ولدك أو بنتك ببلاد الغرب
حاج تقلي تطور

mak

حسب المبلغ ....اذا واحد معتر أو من عامة الشعب و قلب مصاريه كلها دولار و ذهب ...بيظن رح يسعوا بالجزدان أو شي اونصة بالجيبةالصغيرة....أما الحيتان فلا تخاف عليهم مصاريهم صارت برا من زمان و سحبو دولارات عشرة آلاف كل شهر بسعر 48 باسماء كل الموظفين و العمال يللي عندهم (و عد على عشرات آلاف)......بالنسبة لحكيك للأسعار بحاول أتأكد ...بس الشي يللي ارتفع اكيد هو الاجار بسبب زيادة النازحين من بقية المحافظات ...بس اذا شعلت بالشام و حلب ما بعرف وين رح ينزحو الناس....على كلن قصة أنو سورية بخير و الأزمة انتهت يللي عم نسمعها من سنة ما تغيرت بس على الأرض أكيد الأزمة ما انتهت و للأسف شكلا كل مالا لورا...و غليان الشارع في دمشق و حلب بازدياد ....حتى لو تمنينا العكس ..فإن دفن الرأس بالرمل و السماع لقناة الدنيا و بعض الأبواق ما رح يغير شي من الواقع بس احتمال يطنبر كم واحد و يسببلون خسارة ما تبقى من تحويشة العمر.....على كلن في كتير ناس ماتت و عم تموت الله يرحمهن و أكيد أرواحهن أغلى من أي شي تاني....بس هاد لا يعني أن لا نتخذ الأسباب و نفكر بعقلنا الذي و هبنا اياه الله لمحاولة الخروج بأقل الخسائر الممكنة ...لأنو ما بعد الضيق الا الفرج

د.أبو محمد

بالعكس السعادة عنا بالبيوت الفقيرة أكتر من البيوت الغنية روح اسأل حتى الموت عنا فرح لأنو في سبيل الله (انتو بتفرحوا بالموت شي؟؟؟؟)
روح الله يخليلك نهر الراين ونحن عمنستنا نهر الكوثر بإذن الله الواحد الأحد

Big H

اقتباس:

المشاركة الأصلية كتبت بواسطة د.أبو محمد قال شو حلوا أزمة الخبز انزلوا شوفوا المخابز و المشاجرات اللي عمتصير أمامهن وقال شو أمام الفرن الربطة ب 50

السلام عليكم ...
أول البارحة كان عدد المصطفين أمام الفرن الكائن بمنطقة ركن الدين وتحديداً بساحة شمدين
حوالي 80-90 شخصاً بين رجل وامرأة ... أما البارحة فالعدد أصبح حوالي 20 شخصاً ...
الكحل أحسن من العمى ... والله يفرج الكرب عنا جميعاً ...

tareq555

كل البنوك اللي بسوريا هي بنوك مستقلة وليست فروع لبنوكها الام ولا يمكن الايداع في سوريا وسحبها من الخارج ولكن يمكن ارسالها عن طريق حوالة مصرفية

__________________

ابراهيم طاهر

يا اخي لا تترك بلدك بس اتقي الله في اسعار العقارات فساد ونهب وصلاة ولله , كيف هي عم تزبط معكم ياعالم , عقلي ماعم يستوعب الامور الجنونية النصابة