سعر صرف الليرة مقابل الدولار3-6-2012 في السوق السوداء

[خالد @]

والله المنتدى صاير بيرفع الضغط بدي ئول للكل الشبيحة يلاقو شي مكان تاني حاجة والله ملينا من هي السخافة حترمو العالم انو بتفكر لعما ماعاد في خجل كذب كذب حتى تصدق مشان الله هاد المنتدى اقتصادي يعني مو لازمو تشبيح وياريت من الادارة تشوف يلي حكيو واسعارو عم تكون لصالح اي طرف او مالو علاقة بموضوع الدولار والاقتصار يعطو انذار مابطل الكذب عملو عليه حظر ويريحونا منو وشكرا

[د.أبو محمد]

اقتباس: المشاركة الأصلية كتبت بواسطة العملة حديد    صاير محروق من اول الازمة 1550 مدرسة من قبل الاوادم ما غيرون تبعون.... انا بقول من هلا لاخر الازمة ما بيضل ولا مدرسه مانا محروقة الله ينعم علينا بالامن والامان

اذا وقفت الشغلة عالمدارس مو مشكلة لأنو المباني بترجع بتتعمر
بس اذا ماتو اللي عميعمروها؟؟؟؟؟؟؟؟؟؟؟؟!!!!!!!!!
شو استفدنا من البناء

[باسل غ]

70______________70.40

حلب متوفر

[العملة حديد]

متل ما قل اخونا باسل انا بتشكرك كتير
السوق حسن بحلب
٧٠،٢٠
٧٠،٦٠
متوفرررر

[مجرد إنسان]

اقتباس: المشاركة الأصلية كتبت بواسطة f.hajhasan    الجمعة صباحا بعد صلاه الصبح أبي راجع من صلاه الصبح لأن متعود يصلي بالجامع دايما وبشوف براس حارتنا كيس زبالة شكلو غريب وبراسو في ساعة عم تضوي محطوط بين محل وبيت المحل ماأضرب يوم الإضراب والبيت الناس فيه عم يتظاهرو (يعني الله أعلم مين مستهدفين) وأبي ركض ركض عند جارتنا يلي الها معارف مع الأمن والمخابرات دق عليها وفيقها وقلها أن في عبوة ناسفة بأخر الحارة ب 5 دقايق كل الحارة فاقت وصارو الأمن بأخر الحارة وتأكدو أن يلي بالكيس عبوة ناسفة وتمينا ناطرين الوحدات الهندسية لتجي تفككو وكلياتنا ع أعصابنا بأي لحظة ممكن العبوة تنفجر فينا مابقدر أوصفلكن شعور الخوف ونحن ناطرين مرقت ساعة !!! ساعتين !!!!! تلاتة وإذ بتجي سيارة تويوتا بيضا بتفكك العبوة بأقل من دقيقة وبتاخدا معا وبتمشي بس يعني مو معقول الصبح خبرناهن السساعة 4 وشوي ما إجو ل 7 إلا ربع هي ومخبرتن جارتنا يعني واثقين أن في عبوة ناسفة طيب إذا انفجرت وروحت عالم مو بكونو شركا في الجريمة شو هالفساد واصل لهون الله لا يسامح المقصرين

هناك فرق بين الفساد والتآمر !

[عمار]

اللاذقية الان بيع 70 شراء 71

[مجرد إنسان]

اقتباس: المشاركة الأصلية كتبت بواسطة yara991979    مجهولون يحرقون محلين إثنين في حي الحيدرية بحلب بسبب خرقهم لإضراب دعا إليه ناشطون معارضون للحكومة

عناصر أمنية تكسر أقفال المحلات المغلقة وتسرق محتوياتها لمنعها ومنع البقية من الاضراب المدني

[GoldMan$]

اقتباس: المشاركة الأصلية كتبت بواسطة العملة حديد    متل ما قل اخونا باسل انا بتشكرك كتير السوق حسن بحلب ٧٠،٢٠ ٧٠،٦٠ متوفرررر

شو نازل السعر.. الله يبعت الخير .. هي العادة بس اشتري بينزول السعر وبس احتاج مبلغ وبيع بعد دقائق بيطلع السعر يالله منيح ما اشتريت كمية محرزة ... احيانا عم اشتري عالخفيف مشان الصراف ما يلحقني بالشحاطة من كتر الاسئلة بشكل يومي

[الباشا المهندس]

اقتباس: المشاركة الأصلية كتبت بواسطة العملة حديد    صاير محروق من اول الازمة 1550 مدرسة من قبل الاوادم ما غيرون تبعون.... انا بقول من هلا لاخر الازمة ما بيضل ولا مدرسه مانا محروقة الله ينعم علينا بالامن والامان

ما بعرف منين جايب هالاحصائية الغريبة .. ولا شو دخلها بموضوع اقتصاد البلد ..

بس قبل ما نحكي عن حرق المدارس .. بعتقد من الأولى إنو نحكي من حرق اقتصاد البلد وخصصه لحساب ثلة قليلة من تحالف رجال الأعمال وضباط الأمن والجيش .. ومين حرق العلم والثقافة ببلد صار شرطي السير يطالع بالحرام رواتب عشر أساتذة جامعة . مين حرق الريف السوري ولقمة الفقير .. ومين حرق الاخلاق ببلدنا وحولها لأكثر بلد مرتشي وفاسد في العالم العربي بعد العراق ..

أنا بتمنى من اللي عمحاول ينقل صورة مغايرة للحقيقة بالذات للشي الصاير فيه يتذكر إنو الناس ما بتصدق كل شي يقال .. نحنا ولاد البلد وما بدنا مين يخبرنا بعد 45 سنة شو اللي وصلنا لهون ..

[مجرد إنسان]

اقتباس: المشاركة الأصلية كتبت بواسطة محمد s    من فعلها اي كان ومهما كانت صفته فهو انسان مجرم ويجب ان يعاقب لان كل محل تعيش منه اكثر من عائلة وقطع الاعناق ولا قطع ارزاق

أخي محمد : شو وصلنا لكل هالفساد بالبلد غير هالكلام ؟
لما موظف كان يرتشي ويسرق ويشوفه الادمي عم يسرق ما يخبر عنو ويقول هالكلام ... ويا ريتو ما قصر فيه وقطع رزقو وخبر الدولة تقطع ايدو كمان .. بس للأسف نتيجة الصمت صرنا اليوم شوفة عينك .
الصواب هو : قطع الأرزاق ولا قطع الأعناق .
تخيل بدال ما يقولوا للناس اغلقوا المحلات ، يقتلوا من لا يخرج معهم بالمظاهرات متل جماعة المسيرات ، على مبدأك ، وقتا شو رح يكون رأيك ؟
لا شيء أغلى من دماء البشر !