سعر صرف الليرة مقابل الدولار 31-5-2012 في السوق السوداء

[متابع اردني1]

اقتباس: المشاركة الأصلية كتبت بواسطة mak    قبل قليل أحد أقربائي اشترى من صراف 2000 دولار بأقل من 69 (أي بسعر التدخل) و لكن بواسطة وألف بوسة إيد....و قلي في ثلاثة قبلو عم يشتروا كلون واسطات (يعني عن طريق حدا معرفة)....و الصرافة اليوم أخدوا دولارات من البنك بسعر التدخل لهيك مضطرين يبيعوهن و يجيبوا هويات و توقيع الناس يللي اشترت (رح حسن الظن و قول مشان الصراف ما ياخدون لجيبتو و ينام عليهم ) ...يعني في بيع بسعر التدخل بس مو لمين ما كان....اذا بيضل البنك بيطرح ممكن يحافظ على سعرو...بس اذا بيوقف يوم واحد رح ينط السعر متل اليوم و أكتر....و على كلن طالما البيع بالواسطة سعر السوق السوداء رح يرتفع أكتر

حتى لو استمر المركزي بالضخ فلا اتوقع ان يستمر طويلا وخاصه بعد الفتره الطويله والتي فعلا استنزفت ما لديه من الدولار وخاصه ان السوق ما راح يكفي حاله متل ما شفنا بالفتره الماضيه ,واذا استمرت حركه الشراء هذه في بدايه الاسبوع القادم فاتوقع الارتفاع والوصول ل 75 في نهايته وتسجيل عتبه جديده.

[GoldMan$]

اقتباس: المشاركة الأصلية كتبت بواسطة nadeemscs    رح شوف وردلك خبر. بس كمان رجاء من يلي بيعرف اي واحد باللاذقية عندوا سعر كويس يخبرني.

اسف على التأخر بالرد على مشاركتك
أخي انا من اللاذقية والاسعار اللي عم تنحط هون بالمنتدى مظبوطة وباللاذقية رح تلاقي دائما اعلى بفارق ربع الى نصف ليرة يعني البارحة الصارفيين كانوا عم يبيعوا ب 72
مافي شي اسمو صراف سعروا كويس الا اذا في بيناتكم تعامل سابق وشبه يومي
بدك تسأل كل الصرافيين قبل ما تبيع او تشتري وهي شغلة ما صعبة مشوار تمشاية بيمشي الحال
لقلك بنك بيمو ما ببيعك شي مدام انت بتروح على بنك بيمو مقابل بنك بيمو على الشارع العام على الزاوية في صراف ( نسيت اسمو ) وقبله بعكس السير على الشارع الرئيسي شي 200 متر في صراف ( حنيفة) واذا بتتمشى شوي باتجاه شارع هنانو بمنتصفه في صراف ( الجانودي) وبآخر الشارع في صراف ( متياس ) واذا بتطلع على شرارعع القوتلي شي 300 متر على زاوية سوق الذهب ( الساعي )
واذا بعد كل هاد قلتلي السعر 69 بدي زت حالي وانتحر
عم امزح اذا بتحب اي مساعدة انا متواجد اغلب الاوقات على صفحة المنتدى
...

ونسيت شغلة مهمة اذا الشباب كتبوا السعر بحلب او دمشق مثلا 70,10 - 70,60
لحالك لازم تعرف السعر باللاذقية 70 شراء بيع 71 هون الصرافيين ما بيرحموا بيششتروا برخيص وببيعوا بالغالي

[Eng. Hassan]

اقتباس: المشاركة الأصلية كتبت بواسطة باسل غ    الله يسعد مساك اخي ابو عدنان انا بنصحك ما تفتح حساب ولاا باي بنك بسوريا ويسلموا على مجهدوك بكتابة الاسعار ايها الصادق الامين

يسعد مساك اخي باسل
هلئ صادق ماشي الحال أما الصادق الأمين !! فما حبيتها منك بنوب

[mak]

الآن مباشرة على التلفزيون السوري نتائج التحقيق الأولي لمجزرة الحولة....طبعا لجنة سورية

رئيس اللجنة العميد الركن قاسم جمال سليمان

[Eng. Hassan]

اللهم صلي على سيدنا محمدٍ الصادق الوعد الأمين وعلى آله وصحبه أجمعين

[samer11]

الدولار اندكس 83.14

[mak]

رئيس لجنة التحقيق العميد الركن قاسم جمال سليمان

[عابر مجيب]

اقتباس: المشاركة الأصلية كتبت بواسطة ماهر ابو عدنان    مشكور اخي ابراهيم بس تاكدت بإذن الله السعر متوفر بي ساحة المرجة تحديدا متوفررررررررررر شراء 70.50 مبيع 71 - 71.25 ماحدى جوابني على سؤالي اي بنك بتنصحوني غير بنك البركة ولكم جزيل الشكر

يمكن الدولي للتجارة والتمويل يكون التاني .
المشكلة على بطء النت بيكسل الواحد يجاوب ولما بيكون متأخر بالصفحات بيقول يمكن جاوبوه ، ولما بيصل للآخر بيكون نسي المطلوب أو ما عاد لقى المداخلة ، ما بالعادة الشباب يقصروا مع حدا .

[GoldMan$]

شباب شكلو رجع وقف الفيس بوك ولا صاير دوراموا مع الموظفيين للساعة 3 وبعدين بيسكر ههههه

[عابر مجيب]

اقتباس: المشاركة الأصلية كتبت بواسطة f.hajhasan    أرجو من المشرفين إزالة الرقابة عن مشاركاتي لأن أنا والله سنفورة الحلوة مابزعل حدا

أنا بشهد
ما بيقولو رب أخ لك لم تلده أمك ،أخ كبير شوي .