سعر صرف الليرة مقابل الدولار 31-5-2012 في السوق السوداء

[عمر الرفاعي]

بس حاد يخبرني ..
وينو هاد يلي قال أن بدو يبيع الدولار بـ /60/ إذا وصل للــ /70/ ..
لأنو كان واثق أنو السعر لم يتجاوز اللـ/70/ لأكتر من سنة ... حاجة ضحك ع العالم
والله لنشوف أرقام فلكية من اليوم ورايح ... ومشان تتطمنوا حتى لو دخل المركزي ماعاد يمشي الحال
سبق وقلت وقال الكثيرون أن هذا التدخل لن يدوم وأن دام سيفقد المصداقية ويفلت السوق منو ولو حط مليون عقوبة ......
لأن المركزي من كوكب ونحن بكوكب أخر

[باسل غ]

اقتباس: المشاركة الأصلية كتبت بواسطة العملة حديد    انا اعتقادي ان المركزي سيجبر الصرافين ع الاتزام بسعر التدخل بالعفية بالزور بالحلال بالحرام بالوعود بالتهديدات سيفعل ذلك والله اعلم

يعني شو بده يعمل معهم مثلا

من اول مبارح ما التزموا بنشرة التدخل وقالوا للمركزي بل العقوبات وشراب ميتها

الامور طلعت من ايد المركزي بكل المقايس

[العملة حديد]

اقتباس: المشاركة الأصلية كتبت بواسطة باسل غ    يعني شو بده يعمل معهم مثلا من اول مبارح ما التزموا بنشرة التدخل وقالوا للمركزي بل العقوبات وشراب ميتها الامور طلعت من ايد المركزي بكل المقايس

معك حق اخي باسل
بس ما رح يليقا المركزي ع حالو
رح تكون معركة كسر عضم بيناتون

[الأدهم]

اقتباس: المشاركة الأصلية كتبت بواسطة العملة حديد    انا اعتقادي ان المركزي سيجبر الصرافين ع الاتزام بسعر التدخل بالعفية بالزور بالحلال بالحرام بالوعود بالتهديدات سيفعل ذلك والله اعلم

أنا أعتقد أن إذا عمل هاد الحكي مع الزيادة الكبيرة بالطلب وعدمخ التدخل الصريح في السوق السوداء ح يصير فينا السيناريو التالي:

• رح يصير عنا تسعيرة من المركزي (التسعيرة النظامية) وكلياتنا منعرف أن متل قلتها
• تسعيرة التدخل + 2 بالألف عمولة كمان ح تصير متل قلتها لأن مارح تتطبق بظل الزيادة الكبيرة في الطلب.
• تسعيرة سوق سودة يلي فيو أي انسان يشتري منها بدون شروط

وقد ماهدد وحكا ومدري شو شركات الوساطة رح تتعامل بالسوق السودة لأنها مربحة أكثر
ومتل ماشفنا بأول الأزمة المركزي سكر مدري كم شر كة وساطة وهددن مشان التعامل بالسوق الودة وبالأخير تمو يشتغلو فيها

بعدين إذا كان المركزي هو نفسو بدو السعر يطلع مشان يصرف شوية دولارات لسوري مارح يعاقب الشركات

إلا إذا كانت نيتو صافية والله أعلم

[الطير المهاجر]

في عالم الاقتصاد لا يصح الا الصحيح
و محاولة السيطرة على سعر الدولار بسن القوانين و العقوبات لن تجدي نفعا" على المدى الطويل

[محمد s]

2012-05-31

عيار 21 (1 غرام) :3100
ليرة سوريةعيار 18 (1 غرام) :2657
ليرة سوريةالليرة الذهبية (عيار 22) :26300
ليرة سوريةالليرة الذهبية (عيار 21) :25200
ليرة سوريةالفضة الخام المحلي (1 غرام) :
ليرة سورية

[GoldMan$]

ما بعرف اذا كلامي دقيق بس الوضع على الارض متوتر جدا وحتى عنا باللاذقية اللي بالنادر عم نسمع مشاكل الناس كتير متوترة وخايفة ليش ما بعرف
لهيك مالو مصحلة المركزي يدخل بهيك اوقات لانو الطلب زاد نتيجة الخوف وهيك المركزي رح يخسر من احتياطيه بسرعة متل تدخله السابق اتأخر لحتى هدئت الامور على الارض قليلا
لهيك رح يفكر المركزي كتير قبل ما يتدخل بكميات كبيرة ممكن يتدخل بكم مليون يوميا مشان الاسعار ما تطلع بسرعة جنونية والله اعلم ....

[خالد @]

اقتباس: المشاركة الأصلية كتبت بواسطة عمر الرفاعي    بس حاد يخبرني .. وينو هاد يلي قال أن بدو يبيع الدولار بـ /60/ إذا وصل للــ /70/ .. لأنو كان واثق أنو السعر لم يتجاوز اللـ/70/ لأكتر من سنة ... حاجة ضحك ع العالم والله لنشوف أرقام فلكية من اليوم ورايح ... ومشان تتطمنوا حتى لو دخل المركزي ماعاد يمشي الحال سبق وقلت وقال الكثيرون أن هذا التدخل لن يدوم وأن دام سيفقد المصداقية ويفلت السوق منو ولو حط مليون عقوبة ...... لأن المركزي من كوكب ونحن بكوكب أخر

انا معك بهاد الحكي بس كمان في احتمال كبير تكون لعبة من المركزي مع التجار مشان يكملو على السيولة يلي بايد العالم والله اعلم . بس بلوقت الحالي في طلعة لانو الشباب قررو يستمر الاضراب ليوم السبت .

[المغتربة]

السلام عليكم
كأنه اليوم في توتر زايد شوي بالوضع في شي جديد وسؤالي خصوصا بالشام طبعا اذا بتقدروا تحكوا بعرف الحكي صعب شوي

[باسل غ]

اقتباس: المشاركة الأصلية كتبت بواسطة المغتربة    السلام عليكم كأنه اليوم في توتر زايد شوي بالوضع في شي جديد وسؤالي خصوصا بالشام طبعا اذا بتقدروا تحكوا بعرف الحكي صعب شوي

في عريس من اخوانا المسيحيه رح يزفوا اكابر اهل الشام