محمد s

للعلم ان المشروع جديد (50000) وحده هو سكن ادخار وليس سكن شبابي

__________________

وائل77

وصلتني معلومات بان المؤسسة قد تضطر لالغاء الاكتتاب بعد عزوف المواطنين عن التسجيل على الشقق ففي بعض المحافظات لم يبلغ عدد المكتتبين العشرة
عموما الموضوع قيد الدراسة وساكون معكم بما سيتجد ان شاء الله

كانو

تعلم المواطن السوري دروساً عديدة في الماضي فمشروع بهذا الحجم والتخطيط والتنفيذ بأيدي سوري لن ينجز قبل 25 سنة
لهذا فشل الاكتتاب فشلا ذريعاً
إضافة الى الظروف الحالية فمن بنى شقة تهريب لم تكلفه أكثر من مليون وهي داخل المدينة
سلامات يا مخططين

عابر مجيب

المشروع مسلوق سلق ، ومن كتر مانفخوا تحته ، انطفأ الغاز ، واصلا ما محضرين المواد ولا عارفين شو الطبخة ، بس حطوا المي بالطنجرة ، وحضروا البهارات .
لا مخططات ، لا شيء واضح ، بتسأل بيقولولك لنشوف تيسيرات الله ! بس مشروع بيطير العقل ومعتمد تقنية المدن الخضراء ، طاقة شمسية وطاقة رياح ، يمكن هي الرياح اللي طفت النار !
مبالغات فوق الحد ، ناس سكنوا بالوهم، وناس توظفوا بالمشروع وطبعا وهم ووعود خلبية .
من كبر ( بتشديد الباء ) الحجر ما ضرب .
ما حدا مصدق واللي صدق عم يعيش سعادة الحلم وعم يكذب على حالو .
الغريق بيتعلق بقشة ، معذور .

محمد s

اتصلت اليوم بالسيد سهيل عبد اللطيف مدير مؤسسة الاسكان في دمشق وتحدثت معه عن قرعة فقال لي نحن ننتظر توجيهات مجلس وزارء يمكن ان نمدد تسجيل لمدة شهر ووممكن ان نقوم بالقرعة وهذا يحدده توجيهات التي قد تأتينا من مجلس وزراء والمدة متوقعة للتمديد او القرعة تحتاج الى اسبوعين تمنياتي للجميع بالتوفيق

__________________

iass

هادا بيدل أخي محمد. أنو قديش مو فارقة معهن أموال الناس ولا وقتها. يعني الناس يلي جمدت مصاريها من شهر وشوي لهلق. ناطرين القرعة يلي ما لازم تصير أساسا لأنو يلي سجلو أقل من عدد الشقق. وصار بدهن توجيهات مجلس الوزراء يلي هو تسيير اعمال ويمكن ما تتشكل الحكومة قبل شهر. وبدهن شي شهرين بس ليتعلمو كيف يعملو الكتب الرسمية. يعني راحتلها شي 3 تشهر. وبعد 3 تشهر يا قرعة يا بيمددو . معناتها كالعادة. يلي بياكلها بهالبلد. يلي بيثق بالدولة وبمؤسساتها. متل ما وثقنا أنو ما رح يتركو سوق البورصة ينهار. ومتل ما صدقنا أنو هالكذابين رح يعملو الصندوق. ومتل ما صدقنا أنو في مصاري للصندوق مرصودة بوزارة المالية. يعني هنن مصرين بكل مافيهن من قوة. أنو المواطن يفقد الثقة فيهن. ونحنا ما كنا نتعلم ونفهم.:confu sed2:: confused2:

NetPro

اقتباس:

المشاركة الأصلية كتبت بواسطة iass ناطرين القرعة يلي ما لازم تصير أساسا لأنو يلي سجلو أقل من عدد الشقق.:confu sed2:: confused2:

لك صحي والله مشان شو القرعة إذا عدد الي سددوا أقل من عدد الشقق

__________________

iass

عابر مجيب

سبحان الله ، شو هالطبع الغريب !
الجماعة عملوا مشروع من أفضل المشاريع ، ليحفظوا أموالنا عندهم ، لينيروا الأفق المظلم للمواطن ، اعطونا حلما بمنزل نتخيله كالبيوت في المنتجعات السويسرية ، مناطق لا ماء فيها ولم يثنيهم ذلك عن المضي قدما ، مشروع بلا كوادر وتغاضوا، مشروع بلا دراسة ولا تكلفة تقديرية ولا حتى تفاصيل فنية حول التقنية الخضراء السادة أو المخططة ربما ، صحيح هو أكثر كلفة ! ولكنه صديق للبيئة وقد تعارفا منذ أيام طفولتهم الأولى .
والآن كل هذا الجهد ولا يعجبكم !
عندما حاولوا المضي بالخطوات الادارية الرزينة المتتالية لا يعجبكم !
الخطوة الأولى : تلفيق قصة مشروع
الخطوة الثانية : جمع المال
الخطوة الثالثة : إجراء قرعة لاختيار عدد من المتقدمين المحظوظين .( ليست مشروطة بزيادة العدد )
الخطوة الرابعة : تشكيل ادارة فنية ، توظيف لجان ، تشكيل ورشات من نجار وحداد وعمال من حملة الكريكات والمعاول ، ، لجنة مشتريات مع شاحنة قلاب ( سيكس وييل ) يعني أم ست دواليب ، لتأمين متر قياس ، شاقول ، طبشورة عدد3 ، قلم رصاص عدد 2 ، ماعون ورق . بيدون ماء مع خيشة للتبريد ، براد شاي وكاسات ، كيلو سكر حر ، غاز ، العمى مافي غاز ! يلا حطب من خشب نجارة مستهلك .
لا زلنا في الخطوة الرابعة لأنها الأهم ، يتم البدء بالحفريات حسب تقدير العمال مع مراعاة اتجاه القبلة لاستغلال الشمس شتاءا ، يتم اكمال البناء والدهان وتمدد الكهرباء ظاهريا وتدهن بالأخضر ، يتم استلام الدفعات من المشاركين أولا بأول ومن يتخلف يقوض بناءه ويحرم من الحقوق المدنية ، يتم تركيب باب الزقاق ، ويسلم المفتاح للمحاسب ، وينتهي المشروع .
والآن كيف سنصل إلى الخطوة الرابعة وقد شرحت لكم باختصار عن مدى أهميتها ! نعم كيف الوصول إلى تلك الخطوة ؟
يجب المرور بالخطوة التالته أولا . القرعة جزء لا يتجزأ من المشروع ، ولم يبين الشارع ( الشارع = يعني المشرع للقوانين مو الطريق أو الحارة ) الحالات التي تستوجب إلغاءها

أخيرا يجب أن نكون أكثر وعيا عند مواجهة حوار الطرشان في أمور ثانوية ، خصوصا أننا نرى حوارا دوليا للطرشان ، تنبهت بعض القنوات وأضافت محاورا بلغة الاشارة دون جدوى.

iass

أنا عدي فكرة مذهلة منشان ما يحتارو كتير. يوزعو البيوت على المكتتبين كنوع من العقوبة. يعني يلي مسجل على بيت بيطلعلو شي عشر بيوت. وبدو يدفع كاش. وإلا مصيرو السجن أو مصادرة أملاكو إذا كان عندو أملاك. خليه يكون عبرة لمن اعتبر.

شو بدك بالحكي. شعب عم يرفس بالنعمة.