سعر صرف الليرة مقابل الدولار 14-5-2012

[mak]

اقتباس: المشاركة الأصلية كتبت بواسطة eng. Hassan    ممكن حدا يحطلنا بورصة أسعار (أناني) الغاز بالسوق السورية !!!

دمشق قبل قليل ...1250 واصلة

كانت على اساس 1200 بس بين ما وصلتشكلو شاور عقلاتو و طلب 1250

[ابراهيم طاهر]

مرحبا" بكم
انا كنت بزيارة لاحد الاسرة الفقيرة كانت عم بتموت من الجوع بسبب الغلاء وهذه اسرة من الاسر الجائعة السورية
ارجوا من كل الناس العمل على دعم الليرة السورية لتخفيض سعر صرف الدولار لعل الاسعار تعود للسابق وتشبع اطفال سورية والله على مااقول شهيد

[ALHAKIM]

اقتباس: المشاركة الأصلية كتبت بواسطة ابراهيم طاهر    مرحبا" بكم انا كنت بزيارة لاحد الاسرة الفقيرة كانت عم بتموت من الجوع بسبب الغلاء وهذه اسرة من الاسر الجائعة السورية ارجوا من كل الناس العمل على دعم الليرة السورية لتخفيض سعر صرف الدولار لعل الاسعار تعود للسابق وتشبع اطفال سورية والله على مااقول شهيد

روح قول للدولة تحافظ على أسعار السلع وتكافح الغلاء لأنو الدولار ب 68.5 يعني نزل كتير كتير و ما عاد الشماعة يلي بيعلقو عليها إرتفاع الأسعار
جرب غيرها

[العملة حديد]

اقتباس: المشاركة الأصلية كتبت بواسطة ابراهيم طاهر    مرحبا" بكم انا كنت بزيارة لاحد الاسرة الفقيرة كانت عم بتموت من الجوع بسبب الغلاء وهذه اسرة من الاسر الجائعة السورية ارجوا من كل الناس العمل على دعم الليرة السورية لتخفيض سعر صرف الدولار لعل الاسعار تعود للسابق وتشبع اطفال سورية والله على مااقول شهيد

باذن الله يا اخي سعر الدولار رح ينزل
المركزي قوي اكتر ما بنتصور

[expert]

يا جماعة حدا يسكت الاخ
انا رح انطح راسي بالحيط..........
هلق اذا كل الناس دعموا الليرة هل هاد الشي رح يرخص جرة الغاز ويوفر الكهرباء ويبني البيوت المدمرة؟؟؟؟؟؟؟؟؟؟

[El Dmashqi]

اقتباس: المشاركة الأصلية كتبت بواسطة العملة حديد    باذن الله يا اخي سعر الدولار رح ينزل المركزي قوي اكتر ما بنتصور

بيجوز أصدك البنك المركزي العراقي أو الإيراني .؟

[om@r]

انا بالي الاخ الاول والاخ تاني شخص واحد
طلع كل اخ لحال

اقتباس: المشاركة الأصلية كتبت بواسطة expert    يا جماعة حدا يسكت الاخ انا رح انطح راسي بالحيط.......... هلق اذا كل الناس دعموا الليرة هل هاد الشي رح يرخص جرة الغاز ويوفر الكهرباء ويبني البيوت المدمرة؟؟؟؟؟؟؟؟؟؟

[Eng. Hassan]

اقتباس: المشاركة الأصلية كتبت بواسطة mak    دمشق قبل قليل ...1250 واصلة كانت على اساس 1200 بس بين ما وصلتشكلو شاور عقلاتو و طلب 1250

يعني الحمد لله لقيت ب 1250
أنا صرلي من الصبح عم بتصل مع كذا واحد وما عم يردو ورحت لعندون مسكرين !!!


ممكن يلي بيعرف وين متوفر يعطيني الرقم مشكور...

[مجرد إنسان]

الله يقويك يا دولار ^_^
طلع الدولار أقوى من الذهب :(
وشكلو رح يغير لونه ويبطل لونه اخضر ويقلبها أصفر

[expert]

المفروض يللي قلبه على البلد
بدال ما يضيع وقته بهالمنتدى تبع مصاصي الدماء
يروح يبلغ التموين على بياعين الغاز يللي سببوا برفع اسعار كل انواع الطعام الجاهز من الفلافل والفطاير الى الفروج المشوي ......
واذا التموين ما رد عليك
اطلاع لعندهم بتكسي وخدهم بتكسي لعند المحتكرين بركي بيشمعولهم المحل وبسحبوا منهم رخصة بيع الغاز
على كل حال انا حاولت قبلك
بس طلع التموين اخد حصته من بياعين الغاو وعم يشارك بمص دماء الشعب
دود الخل منه وفيه
والعيب بيللي فوق
وطول ما عم نحاول نحل مظاهر المرض لن ننجح بشفاء المريض