سعر صرف الليرة مقابل الدولار 9-5-2012

[مجرد إنسان]

اقتباس: المشاركة الأصلية كتبت بواسطة amh_sy    بس عجب هاد التقليد وين رح يوصلنا؟؟؟؟

يمكن يوصلنا نصير متل إيران ، شو بعرفك !
الدولار ب 15000 ريال

والدولة تدعم 90% من الشعب ب 50 الى 100 دولار شهريا (هي ما رح نشوفا عنا لانو السرقات مهولة)

[ahmadmmmmm5]

اقتباس: المشاركة الأصلية كتبت بواسطة مجرد إنسان    عملية التدخل كلفت المركزي 3 مليار دولار خلال الفترة الاولى من الازمة عندما لم يكن صعود اسعار الصرف سريعا أبدا وذلك حسب تصريحات ميالة والمسؤولين الاقتصاديين عنا .. ومو حاسس تغير شي كتير بذكاء المركزي لحتى يصير أكبر مخ اقتصادي بالسوق ولو استورد تجربة من وين ما كان ، لو زبطت عند غيرنا ما كانوا اسمن دول عالم ثالث ودول نامية وإيران ما كان الدولار اليوم عندا بساوي 15000 ريال ايراني مع انها هي التي تسير سياساتنا الاقتصادية ونقلدها تقليدا اعمى !

عملية التدخل السابقة كانت خطأ مليون بالمية لما ضل محافظ سعر الصرف لفترة خمس أشهر على نفس السعر لكن عملية التدخل الحالية هي العملية الأنجح و هي العملية التي لن تكلف المركزي دولار واحد ( الحاجة ام الإستيراد) و الفكرة و العملية بكاملها مستورد مية بالمية
على كل حال أخي فراس هذه العملية لن تنجح للأبد ولكن أستطيع أن أؤكد لك وبخبرتي المتواضعة بأنها ناجحة على المدى القصير
مع أجمل التحيات لك

[مجرد إنسان]

اقتباس: المشاركة الأصلية كتبت بواسطة salam l    بيصير فيهم متل اللي اشترى سهم سورية الدولي الاسلامي ب 1750... ومتل اللي اشترى الدولار ب 100...... بيضل عايش وعم ياكل ويشرب وينام.... بس بيكون خسر شوية مصاري.... وعوضه على الله... وبتكون اغلبية الناس استفادت... وهاد الحكي بينطبق على الدولار... أحب على قلبي شوفه ب 50

ههههههههههه
الله يسامحك يا أخت سلام ، بدك تشمتي فينا !
بالدولار وبالذهب كمان ..
بس طمني حالك تحت ال 63 اليوم ما عاد ينزل (سعر العرض) ^_^
ويمكن بأخر الشهر تحت ال 65 ما يعود ينزل كمان (يكون سعر العرض الجديد) :p
اللي بيشرب من كاس مر لازم يدل الناس مشان ما يشربوا منو :p
مو يشمت بالناس

الله يجبر خاطر الناس اللي خسرت دم أبنائها وأهلها بنصرهم على من ظلمهم
ويجبر خسارة كل اللي خسروا إن كان بالاسهم او بالدولار او بالذهب او بالعقارات أو بالليرة !

[د.أبو محمد]

اقتباس: المشاركة الأصلية كتبت بواسطة مجرد إنسان    يمكن يوصلنا نصير متل إيران ، شو بعرفك ! الدولار ب 15000 ريال والدولة تدعم 90% من الشعب ب 50 الى 100 دولار شهريا (هي ما رح نشوفا عنا لانو السرقات مهولة)

شو عمتحكي الدولة بدها توزع مصاري مفكرك حالك بسويسرا
الوضع عنا متل واحد فقير عيفان حالو بيتو بالاجار و يادوب ملاقي اللقمة
و قدام الناس مطقم على آخر طرز كأنوا امبراطور
وهاد حال المركزي
يعني من برا هالله هالله
ومن جوا يعلم الله

[د.أبو محمد]

اقتباس: المشاركة الأصلية كتبت بواسطة مجرد إنسان    ههههههههههه الله يسامحك يا أخت سلام ، بدك تشمتي فينا ! بالدولار وبالذهب كمان .. بس طمني حالك تحت ال 63 اليوم ما عاد ينزل (سعر العرض) ^_^ ويمكن بأخر الشهر تحت ال 65 ما يعود ينزل كمان (يكون سعر العرض الجديد) :p اللي بيشرب من كاس مر لازم يدل الناس مشان ما يشربوا منو :p مو يشمت بالناس الله يجبر خاطر الناس اللي خسرت دم أبنائها وأهلها بنصرهم على من ظلمهم ويجبر خسارة كل اللي خسروا إن كان بالاسهم او بالدولار او بالذهب او بالعقارات أو بالليرة !

امييين

[ahmadmmmmm5]

أخي الكريم
إذا قلنا مات المريض بمرض القلب هل هذا يعني أن فقط مرض القلب الذي أمات المريض فقط فمرض القلب هو السبب الرئيسي و لكن هناك أسباب أخرى و عند كلامي عن الكتلة النقدية فهي فعلا زائدة ولكنها ليست السبب الوحيد لزيادة الأسعار أنا وضحت كلامي بمعادلة و أنا سأقنعك بكلامي
كل سنة بتزيد الموازنة العامة للدولة ما سئلت نفسك ولا مرة هذا السؤال( زيادة الموازنة العامة للدولة يعني ضخ كمية كبيرة من النقود داخل الاقتصاد يعني إيرادات الدولة أكبر من نفقاتها يعني الدولة عم تنفق أكثر مما عم تاخذ) ليش كل سنة عم تزيد
لإنوا عم يتم عملية التمويل بالعجز يعني بعملية التحريض ( زيادة الكتلة النقدية) حتى يتم زيادة الإنتاج وهذا حال كل دول العالم الثالث و أنا مستعد لمناقشة هذا الموضوع في السيربون أو بأي جامعة أوروبية و على نفقتي الخاصة إذا بتحب

[مجرد إنسان]

اقتباس: المشاركة الأصلية كتبت بواسطة فراس السكري    اقتباس: المشاركة الأصلية كتبت بواسطة ahmadmmmmm5 مع احترامي لمعلوماتك مين قلك في نقص بسيولة الليرة بالعكس التضخم الحاصل هو نتيجة لزيادة السيولة النقدية طبعا في الاقتصاد عنا معادلة يجب المحافظة عليها هي الكتلة السلعية = الكتلة النقدية ضرب سرعة دوران النقود وعند خلل هذه المعادلة يعني ثبات الإنتاج (الكتلة السلعية) و زيادة الكتلة النقدية سيؤدي إلى زيادة الأسعار وحصول التضخم فالمسؤول عن الكتلة النقدية هو البنك المركزي انشالله تكون الفكرة مفهومة يبدو النقاش محتدم بما فيه كفاية واعتذر لعدم تواجدي في هذا الموضوع اولا الشكر لجميع من ابده وجهة نظر في الموضوع واخص بالشكر لاخ نضال اما بالنسسبة لاخ احمد في معادلتك تحمل المسؤولية الكبيرة لارتفاع الاسعار للمصرف المركزي اي انك تقول لقد طرح كميات كبيرة من النقود لايستوعبها السوق مما جعل الاسعار تطير طبعا على حسب المعادلة المذكورة هذا الكلام اخطر مما سبق زيادة الكتلة النقدية دون مبرر يفقد النقود قيمتها رغم اننا لا نرى هذا على ارض الواقع ولكننا نرى تحسن واضح في سعر الصرف فنتيجة الكلام اذا على قولك سعر الدولار وهمي لايعبر عن الحقيقة الموجودة على الارض وان قلت غير ذلك فانك تخالف كلامك مية بالمية فاي نظرية تقول انها صح هذا الكلام نقلته من صفحة الدولار السابقة قبل ما ادخل اي نقاش معك ارجو منك عندما تكلم عن امر ونتوسع به لاتدخل وترجع الى البداية لتغير المجهول كان حديثنا عن الكتلة النقدية اي المركزي انا قلت هناك شح سيولة وانت ذكرت العكس ان السيولة الزائدة هي التي ادت للتضخم وهذا الكلام المقتبس من رايك فسؤالي هناك شح سيولة او كثرة اعتمد

أخي فراس : لن تجد إجابة واضحة من أي جهة وقد سألت سابقا سؤالا واحدا ..
من الذي يكذب : المركزي أم المركزي ؟!
حول معلومات الاحتياطي والذهب المتناقضة المقدمة منه نفسه !
قام بطل حدا يرد ..
وأحلى مثل اليوم قرأتو : من يكذب مرة واحدة هو كاذب دائما !
Once A Liar, Always A Liar
ومصرفنا المركزي : صار متل قصص الاطفال تبع الراعي الكذاب والذئب !
بضل كذاب

[مجرد إنسان]

اقتباس: المشاركة الأصلية كتبت بواسطة ahmadmmmmm5    عملية التدخل السابقة كانت خطأ مليون بالمية لما ضل محافظ سعر الصرف لفترة خمس أشهر على نفس السعر لكن عملية التدخل الحالية هي العملية الأنجح و هي العملية التي لن تكلف المركزي دولار واحد ( الحاجة ام الإستيراد) و الفكرة و العملية بكاملها مستورد مية بالمية على كل حال أخي فراس هذه العملية لن تنجح للأبد ولكن أستطيع أن أؤكد لك وبخبرتي المتواضعة بأنها ناجحة على المدى القصير مع أجمل التحيات لك

ركز يا أخي : أنا اسمي أبو سفيان ^_^
والبركة بأخونا فراس الله يبارك فيه وبعمرو

[shereen]

اقتباس: المشاركة الأصلية كتبت بواسطة amh_sy    شو عمتحكي الدولة بدها توزع مصاري مفكرك حالك بسويسراbig grin الوضع عنا متل واحد فقير عيفان حالو بيتو بالاجار و يادوب ملاقي اللقمة و قدام الناس مطقم على آخر طرز كأنوا امبراطور وهاد حال المركزي يعني من برا هالله هالله ومن جوا يعلم الله

او متل واحد فلس وطردوه من الشغل بس كرمال مرتو والجيران مايشمتو فيه ضل كل يوم ينزل بطقم مرتب ويركب سيارتو ويرجع بوقت الغدا كانو راجع من الشغل وهوة كان فعليا قاعد على القهوة وعم يتدين من رفقاتو مشان مايصغر بعيون مرتو بس لايمت لح يضل مخبي ؟؟؟؟

[Salam L]

اقتباس: المشاركة الأصلية كتبت بواسطة مجرد إنسان    ههههههههههه الله يسامحك يا أخت سلام ، بدك تشمتي فينا ! بالدولار وبالذهب كمان .. بس طمني حالك تحت ال 63 اليوم ما عاد ينزل (سعر العرض) ^_^ ويمكن بأخر الشهر تحت ال 65 ما يعود ينزل كمان (يكون سعر العرض الجديد) :p اللي بيشرب من كاس مر لازم يدل الناس مشان ما يشربوا منو :p مو يشمت بالناس الله يجبر خاطر الناس اللي خسرت دم أبنائها وأهلها بنصرهم على من ظلمهم ويجبر خسارة كل اللي خسروا إن كان بالاسهم او بالدولار او بالذهب او بالعقارات أو بالليرة !

شكرا على المحاضرة الاخلاقية بس برأي الأفضل توفرها لنفسك...
ماحدا عم يشمت فيكم... بس اذا في ناس شارية الدولار بمية مو منطقي تتمناه يطلع وتخرب البلد...مشان هو مايخسر كم ليرة....

وبصراحة مافهمت شو بتقصد بجملة انو اللي بيشرب من كاس المر لازم يدل الناس ..الخ... يعني مثلا انا عم شجع الناس تبيع؟ تشتري؟؟ تبدل شي بشي؟؟ كلامك غير منطقي نهائيا...

بس واضح انك فهمت كلامي بطريقة غريبة....