سعر صرف الليرة مقابل الدولار 5-5-2012

[expert]

اقتباس: المشاركة الأصلية كتبت بواسطة amh_sy    ليش الملك في مرة توقع شغلة و ما طلعت صح اخي انا احبك في الله اخوك ابو محمد

اخي اول شي
احبك الله الذي احببتنا فيه
تاني شي على ذكر ملك : والله كلنا مشتاقين للاخ ملك ومشاركاته .....
انشاء الله يكون جميع السوريين بخير الصالح منهم والطالح
بس انشاء الله الطالح بيلاقي عقاب و محاكمة عادلة وبيندك بالسجن
واذا بتلقبني ملك بتكون عم تضحك علي .............هههه يللا رح مشيها
والله انا عادي واحيانا بتزبط توقعاتي وكتير احيان ما بتزبط
بس النفس الامارة بالسوء بتخليني اذكركم بالمرات يللي عم تصيب فيها.... وانسى يللي عم تخيب
شكرا لكل المشاركين

[مجرد إنسان]

وين التصويت على الدولار ؟
صعود أو هبوط
المتوقع أن يرتفع سعر المركزي الى حدود 65 في نهاية الشهر ، هذا المتوقع الواقعي الوحيد
واذا الكل عم يحضر لساعة الصفر ، ان كانوا مع او ضد معناها رح تتصاعد الاحداث اكثر مما هي عليه

أسأل الله سبحانه أن ينصرنا على من بغى علينا ، نصرا عزيزا ويهدينا صراطا مستقيما، ويؤمننا في أنفسنا وأهلينا وأموالنا، ويكشف الغمة عنا، إنه ولى ذلك والقادر عليه.

[MERO]

اقتباس: المشاركة الأصلية كتبت بواسطة amh_sy    توقعات من أحد الصرافين المخضرمين ان الدولار سيحقق ارتفاعا كبيرا امام الليرة السورية هذا الشهر وسيكسر حاجز ال80 والله أعلم

اقتباس: المشاركة الأصلية كتبت بواسطة العملة حديد    هناك توقعات من أهم صراف في حلب بأن الدولار سيخترق حاجز ال65 نزولا خلال نهاية هذا الشهر والله أعلم

هدول الاتنين الصرافين أكيد نسوان وأكيد ضراير

اقتباس: المشاركة الأصلية كتبت بواسطة shereen    اهلين اخي اكسبرت والله بصراحة لفت نظري اليوم عدة اخبار اول شي مؤتمر مصالحة بحمص يمكن قللو طابع عشائري وكان اغلبهم فرحانين وعم يحكو انو الاحداث خلص وبلشت المصالحة تاني شي المعارضة السورية المحلية عم بتطالب بالحل الامني مشان يقمعوها لفت الأمين العام لحزب الإرادة الشعبية السوري قدري جميل في حديث لـ"nbn" الى أننا "مسرورون بالتعددية داخل المعارضة"، مشيرا الى ان "السياسة دخلت الى المجتمع السوري من بابها العريض"، مؤكدا ان "درجة النشاط السياسي هي التي تحرك الاحزاب". واشار الى ان "الحل الامني يجب ان يكون جزء من المنظومة السياسة الشاملة"، معتبرا ان "المطلوب هو ان يرتبط الحل الامني بالحل السياسي". تالت شي قال احمد فوزي مبارح انو خطة كوفي عنان على المسار الصحيح وقال عنان انو المهمة 3 شهور مابتكفي طالب بتمديدها لسنة فاتجاه الوضع الدولي التهدئة الشديدة وكان شيء لم يحدث وهاد يمكن بينزل الدولار لحدوده الدنية في من جهة اخرى المعارضة الخارجية عم تتحدث انو في القريب العاجل لح يتم حسم المعركة بس كيف وشلون ماحدا بيعرف وهادا شي ممكن يخلي الدولار يقفز فشورايكم ؟؟؟

بس سنة بدو السيد عنان ... اي شو بدو يوحد الأمة العربية بركي
طب نروح ننتحر اشرف وارحم

[expert]

بالنسبة للوضع تبع ساعة الصفر
صار سمعنا من هالحكي كتير..... وكل مرة بيطالعوا اشاعة بدها شي لترين سم هاري لحتى الواحد ينصطل و يصدقها
والموضة الجديدة انو يللي (مع ) عم تجيهم ايعازات يطالعوا اشاعات (انو المعارضة عم تقوى وتزيد بالارهاب)
منشان الناس تخاف ويغلى الدولار......
المركزي بده يرفع السعر باي طريقة..... طبعا بايعاز من فوق
حتى التصريح من حوالي اسبوع ( الرئيس الأسد : الأزمة في سورية لا تزال في بدايتها والموقف الدولي ايجابي باستثناء قطر و السعودية و تركيا "عكس السير25-4-2012")على عكس تصريحاته هو ومستشاريه السابقة تبع (خلصت) بتصب بنفس الفكرة .....
المركزي عم يبييييييييع ويللي بيبيييييع بريد بضاعته تغلى
بس ما عم تزبط معه والتجار فهمانين اللعبة وعم يصير العكس ...... لحتى تصل الطبعة من روسيا ويعدها ولعت اللاسعار
هاد رايي الشخصي ..... يللي عم اكرره دايما و يللي الكل مل منه قد ما عدت وسالت فيه

[احمداحمد]

السعر الان شراء68.5مبيع 68.10

[العملة حديد]

السعر الآن حلب الساعة 4:55
شراء:68.2
مبيع:68.4
متوفرررررررررر

[فراس السكري]

2012-05-05

عيار 21 (1 غرام) :
3150
ليرة سورية
عيار 18 (1 غرام) :
2700
ليرة سورية
الليرة الذهبية (عيار 22) :
26700
ليرة سورية
الليرة الذهبية (عيار 21) :
25500
ليرة سورية
الفضة الخام المحلي (1 غرام) :
66.76
ليرة سورية

[د.أبو محمد]

اقتباس: المشاركة الأصلية كتبت بواسطة expert    اخي اول شي احبك الله الذي احببتنا فيه تاني شي على ذكر ملك : والله كلنا مشتاقين للاخ ملك ومشاركاته ..... انشاء الله يكون جميع السوريين بخير الصالح منهم والطالح بس انشاء الله الطالح بيلاقي عقاب و محاكمة عادلة وبيندك بالسجن واذا بتلقبني ملك بتكون عم تضحك علي .............هههه يللا رح مشيها والله انا عادي واحيانا بتزبط توقعاتي وكتير احيان ما بتزبط بس النفس الامارة بالسوء بتخليني اذكركم بالمرات يللي عم تصيب فيها....big grin وانسى يللي عم تخيب شكرا لكل المشاركين

لأ انا عمأحكي عنجد والرجال تعرف بالأفعال مو بالأقوال

[د.أبو محمد]

لما شكي لأمير المؤمنين عمر بن الخطاب رضي الله غلاء اللحم قال لهم ارخصوه قالو كيف ياأمير المؤمين قال بتركه
ونحن لنا في رسول الله صلى الله عليه و سلم و صحابته اسوة حسنة
لذلك الدولار مارح ينزل لأنو ماحدا عميتركه وكل العالم عمتشتره
ولا شو رأيكن؟؟؟؟؟؟؟؟؟؟؟

[د.أبو محمد]

اقتباس: المشاركة الأصلية كتبت بواسطة العملة حديد    هناك توقعات من أهم صراف في حلب بأن الدولار سيخترق حاجز ال65 نزولا خلال نهاية هذا الشهر والله أعلم

هاد الصراف أكيد عايش بأمريكا عشو الدولار بدو يرخص عالوضع الأمني المستقر ولا على الرخص الفاحش اللي عايشين فيه ولا عدعم الدول اللي أصلا الدولار فيها خسر أكتر من ضعف قيمته الأساسية انا برأيي رح يرجع لل50 او لل40 ازبط