سعر صرف الليرة مقابل الدولار 2-5-2012

[باسل غ]

اقتباس: المشاركة الأصلية كتبت بواسطة mouayad    شو ليش اليوم كسر السعر هل تم طرح كمية من قبل المركزي

كتب الاسبوع الماضي الية تدخل المركزي بعد اشاعه بيع احتياطي الذهب ونفيها من المركزي

(( المركزي كل يوم عنده نشرة خاصه لشركات الصرافه وهو ملزم بها لاخر اليوم ))

تقوم شركات الصرافه البيع متقيده باسعار النشره الخاصه وترسل كشف حساب لكل المبالغ

مع صوره عن هوية الشاري وتصريح بالشراء موقع من قبل الشاري ويقوم المركزي بالشراء

من شركات الصرافه بنفس سعر نشرة التدخل

وتكون مرابح شركات الصرافه العموله 0.002

[ابو عمار]

مساء الخيرات والليرات سعر الدولار في دمشق الآن68,75شراء و69،25 بيع

[ابو عمار]

ليششششششششششششششش عم تتآخر مششششششششاركاتي؟؟؟

[متابع اردني1]

اقتباس: المشاركة الأصلية كتبت بواسطة mak    أعتقد ان شهر رمضان سيكون فرصة للدولة للحفاظ على انخفاض سعر الدولار, حيث ان اغلب الناس المتوسطةحولت مصاريها دولار للحفاظ على قيمتها , و الدولة ..عفوا ...التجار ولاد (الحلال) ......رفعوا أسعار كلشي و نزلو سعر الدولار!...يعني يللي كان عامل حسابو يصرف 200$ بالشهر لسوري مشان يمشي اموره, صار بدو يصرف 400$, و برمضان رح يزيد المصروف و كمان التجار (ولاد الحلال) ما رح يروحو فرصة جرم المواطن اكتر و اكتر...و بغطاء من الدولة....طبعا لأن هذا سيضطر الناس يبيعوا دولارات أكتر و هيك بينزل سعروا.....طبعا كل شي رح يكون من رقبة المواطن و لمصلحة الحيتان...وبس يخلصوا من هالطبقة المسكينة يللي حولت لدولار مشان تحافظ على قيمة ما عندها ما رح يصفى دولار غير مع الحيتان يللي اساسا مو سائلين و غالبا دولاراتون صارت برا ..و عندها الله يكون بالعون هاد طبعا اذا ما انفجر البالون قبل رمضان...الله يستر

هاد الحكي مزبوط بس ما بعرف انو هالناس اللي عم تحكي عنها اللي معها دولار وبدها تصرفوا كم يشكلون نسبه في المجتمع السوري ممكن يكون مليون نسمه فقط معهن بالمتوسط 1000دولار توفير(شقى العمر) يعني كتير ممتاز راح ينزل على السوق شي مليار دولار خلال شهر .اخي بتحكي وكانه ألازمه امبارح صارت وانو الناس لسا معهاه الدولار وعلى فرض الدولارمعها راح تتنازل عنه منشان هالشهر لانه الهن نفس ياكلو ويشتروا وينبسطو .كل شئ جائز
الله يجيب الخير للجميع

[Bader Halab]

معظم الناس اللي بعرفون شارين دولر وبالغالي كمان ما عم يبيعو.... عبخلو ليرجع عالي وبقولو انو هنن شارينو للاحتياط مو للمتاجرة وهاد حقون ١٠٠٪
اما الناس اللي منقول عنون انو سياسة قطيع، فهنن عبارة عن مجموعة من الاشخاص اللي ما كانو بيعرفو شي اسمو مضاربة وهلق صار بدون يدخلو عل سوق وباعتقادون انو بدون يحققو ارباح (طبعاً الناس اللي عبتححل حاليا واللي صارت تاخد بالاعتبار الاخبار ووضع السوق وعم تحاول تتعلم المضاربة ليسو من هذه الفئة)
فلذلك انا ما بتوقع تنكت المليار دولار بالسوق متل ما تفضل الأخ الأردني.. الناس عنا ما بتتخلى عن دولاراتا بسهولة للخسارة

[متابع اردني1]

اقتباس: المشاركة الأصلية كتبت بواسطة expert    شو يا جماعة ليش متوترين والله انا ماهاجمتك بالعكس بحترم تحليلاتك و بستفيد منها وانا ما عم قول انو الدولار رح ينزل متل الاخ ابراهيم طاهر الفرق انو انا شايف انو رح ينزل على المدى القريب ورح يطلع كتير على المدى البعيد عند الانتهاء من طبع العملة بروسيا وحتى لو اختلفت معك بالراي موضروري تعتبر رايي خزعبلات وانا ما عم قول انو انت عم تبصر بالفنجان انا عم احكي عن ناس تانية عم تتخانق مع غيري (ابراهيم طاهر)على سبيل المثال اسف ان صدرك لا يستطيع استيعاب اي نقاش وانك تظن ان من يفكر بطريقة غير ريقتك تفكيره خزعبلات على كل حال موضوع الحاجز النفسي موضوع مثبت عند الانسان والناس بتحب تحفظ الارقام البسيطة يعني سعر الدهب وصل ل3000 بيعلق الرقم بذهن الناس وما بتفكر بالفراطة ولما بيصير 4000 كمان بيعلق بذهنا ولما واحد بيثبت سعر دولار بيقول ثبتولي اذا وصل 68 وما حدا بيقول ثبتولي على 68.15 انا هيك بعرف من تجربتي البسيطة

اخي انا لم اقصد ان كلامك خزعبلات بل كان قصدي النجوم وفنجان القهوه والاحلام هي الخزعبلات ولكن كلامك سليم بالنسبه لي الاعصاب متوتره ههههههههه وانا من قبل والان معجب بتحليلك ونقاشك
ولم اقصد الاهانه واتمنى الخير للجميع وانا ذكرت سابقا ما يهمنا بالدرجه الاولى هو المواطن السوري
وان كل انسان يحلل من الزاويه الموجود فيها وهذا يعني ان النقاشات ان كثرت واختلفنا بالطرح سوف يعطي الصوره كامله من جميع الزوايا.وبالتالي يمكن رسم المشهد بشكل كامل بصوره اكثر واقعيه.
انشالله ما يجيب الدولار نهايتنا
انشالله جميعا اخوان...سلامي الحار لك

[Bader Halab]

اقتباس: المشاركة الأصلية كتبت بواسطة mouayad    شو ليش اليوم كسر السعر هل تم طرح كمية من قبل المركزي

ما بظن انو المركزي طرح اي كمية لانو السوق اصلاً مو بحاجة وفيو كميات منيحة بتكفي للمحافظة على السعر. وهاد بيطرح سؤال واستفسار مهم انو ليش المركزي ما بضخ دولار بالسوق بهيك اوقات وبينزل السعر.
طبعا اعتقد انو الجواب واضح للجميع وهو انو البنك يريد هذا السعر ويحافظ على المجال 65-75 حالياً

[العملة حديد]

سعر الدولار في حلب الساعة الرابعة
شراء68.65
مبيع69.05

[NetPro]

اقتباس: المشاركة الأصلية كتبت بواسطة ابراهيم طاهر    بقصد يكفي من امثالك مضاربة بقوت الفقراء بعدين عندما الانسان يفقد انسانيته من اجل المال ويينافق على الله مثل العذراء التي تفقد عذريتها معقول المال عمى على عيونك واصبحت وحش تأكل مال حرام ارجو من القسم الديني في المنتدى تحديد موقف الله من المضاربة السريعة بالدولار

من قال لك أنه أمثاله عميضاربو بقوت الفقراء

ابراهيم احترم نفسك ولا عاد تخبص مع العالم

اسمع يا ابني انت واحد مخك أفصع وشرحوا لك 100 مرة بوجهة نظر اقتصادية أسباب ارتفاع الدولار بس مافي خواص (على فكرة أنا ما عاد كثير استغربت لأن أمثالك كلهم هيك)

ثم يا صاحب البصيرة يلي عيونك ما انعمت لسا أرجو أن ترى ما حولك وتوجه مثل هذا الخطاب لأصحاب القتل (قتلة الأطفال) بدل أن تلاحق مشاركي المنتدى بمشاركات سخيفة

بعد هي المشاركة اذا صار عندك مشكلة شخصية معي ما عندي مشكلة راسلني عالخاص ونتفاهم برا المدرسة

ملاحظة: إذا بيهمك رأي الدين (أشك بذلك) فبحب قلك المضاربة مو حرام. الاحتكار هو الحرام.
والمضاربة لا ترفع السعر وكل عمره في مضاربة بكل مواد الدنيا ورغم ذلك تراها
ترتفع بمسار صاعد وتنخفض بمسار هابط وتسير بمسار أفقي.

مشان الله النفط مو كل عمره بيضاربو فيه ؟؟؟؟ ليش ما ارتفع
مافي خواص مخ مسكر

[NetPro]

اقتباس: المشاركة الأصلية كتبت بواسطة mkakhia    اخي الكريم هل من الممكن تعطيني رقم هاتف او عنوان من يعمل بهذا المجال( الفضة ) وهل يشتري ويبيع على سعر الاونصة العالمي مع الشكر علما بأني مقيم في دمشق مع دجزيل الشكر

اخي الكريم
راسلني عالخاص ما بعرف ليش ما قدرت ابعت لك رسالة