سعر صرف الدولار مقابل الليرة25-4-2012 بالسوق السوداء

[محمد s]

السعر الان 68.25 شراء بيع 68.5

[د.أبو محمد]

انا برأيي المتواضع جدا لازم واحد يتريث شوي بهالوقت و خاصة بالبيع الا اذا كان عميبيع في سبيل العمل اللي ممكن يجبله اكتر من الانتظار و برأيي انو مقياس البلد هو سوق العقارات اللي شفنا انو ارتفع بحدود ال 50 الى 95% حسب المكان طبعا بغض النظر عن البناء المخالف لأنو اصلا آيل للسقوط بأي لحظة لذلك اسعاره حسب العرض و الطلب انا بستغرب ليش نحن عمنربط حالنا بسعر الدولار مع انه هو أقل شي تغيرا ولا شو رأيكن

[GoldMan$]

اقتباس: المشاركة الأصلية كتبت بواسطة syria19799    ياشباب فكروا بمنطق شوي الله يخليكم مشان لاتروحوا فلوسكم هون وهون وتقولوا بدنا نضارب هل الازمة التي تعيشها سوريا شبيهة بوقت ازمة مقتل الحريري هل هي اصغر ام اكبر ام صغيرة كتير ام اكبر بكثير على هذا فقط ولااود ان ادخل بأمور اكثر فقط للمعلومة وقت مقتل الحريري سعر الدولار بالمصرف المركزي 59 والآن بحدود 62 هل الازمة فرقها 3 ليرات فقط اخي الكريم قبل ان تفكر بالبيع او بالشراء اقرأ هذا التعليق وبعدها قرر لاتتسرع ففي العجلة الندامة وضعت لك امر واحد فقط لتبني عليه من بين الف امر وانت على هالاساس بامكانك ان تبني استراتيجيتك الواضحة ياأمة أقرأ لماذا لانقرأ

كيف صارت معك هي ثلاث ليرات ؟؟؟؟
وبعدين كيف عم تشبه الازمتين ببعض شكلك عايش برات البلد ؟؟؟؟
زعيم الليرة بالمركزي قبل الازمة الحالية كانت 47 واليوم حوالي 62 يعني فرق 15 لير مايقارب 32% - من قيمة العملة بالمركزي ... فيا ريت تفسر وجهة نظرك اكتر مشان النقاش يكون افضل ؟؟؟

[syria19799]

اقتباس: المشاركة الأصلية كتبت بواسطة a_khateeb82    كيف صارت معك هي ثلاث ليرات ؟؟؟؟ وبعدين كيف عم تشبه الازمتين ببعض شكلك عايش برات البلد ؟؟؟؟ زعيم الليرة بالمركزي قبل الازمة الحالية كانت 47 واليوم حوالي 62 يعني فرق 15 لير مايقارب 32% - من قيمة العملة بالمركزي ... فيا ريت تفسر وجهة نظرك اكتر مشان النقاش يكون افضل ؟؟؟

ماعم قلك شو كان سعر الدولار قبل الازمة عم قلك سعر الدولار وقت المعمعة اللي صارت بعد مقتل الحريري وقت اللي ارتفعت فيه قضية مقتل الحريري للمحكمة الدولية يعني راجع سعر الدولار بوقتا انا بالسعودية وقتا رفقاتي حولوا الريال اللي هوي 3,75 دولار سعر ثابت ب 16 ليرة ولاتقلي شو دخل هي بهي لأنو كل الدخل لهي بهي وبقلك كمان قصة من فترة لما صار الدولار ب 105 ليرة كمان رفقاتي حولوا الريال ب 31 وكان اعلى سعر وصلوا الريال يعني بشوية حسبة وقتا كان الدولار ب 116 ليرة وعليها وكمان بقلك قصة ترى الناس بدها تبيع بيوتا وسياراتا بسوريا عم حكيك على الناس اللي هون برا اي برا يعني لاتواخذوني بها الكلمة سوريا وان شاء الله لاء سوريا ماعاد يقوم لها قايمة ولا بعشر سنين ومين هاد اللي مستغني عن عشر سنين من حياتو يمكن تقول متشائم بس والله ماني متشائم على قد ماسمعت قصص وتحليلات يعني يااخي الشوارع اللي بدها تزفيت بسوريا لأنو شفت طرطرة الشوارع بدها ميزانية دولة لسنة كاملة يعني الوضع مابيبشر بنوب وشاكر مرورك

[Eng. Hassan]

اقتباس: المشاركة الأصلية كتبت بواسطة hesham-tayara    اخي eng. Hassan الكريم بدك تطول بالك انتبه جيدا الى الاسعار التي كتبتها حضرتك فيها غلط لذلك استغرب بعض الاعضاء

أهلين أستاذ هشام والله أنا بالي طويل بس أحياناً بطلع لك أشخاص بيكذبوك عينك عينك !!
وبالنسبة لسعر ال 76 مبين أنوا خطأ بالكتابة وأنا قمت بتصحيحه ولو كانوا بيقصدوا ذلك لكانوا قالوا أنه يوجد خطأ بكتابة سعر الشراء على كل حال شكراً مره أخرى لإهتمامك

[باسل غ]

اقتباس: المشاركة الأصلية كتبت بواسطة محمد s    السعر الان 68.25 شراء بيع 68.5

استاذ محمد متوفر بيع ؟؟؟

مريت على تلاات صرافين في معرفه شخصيه معهم ما كان عندهم الا مبالغ ما دون 2000 دولار

لكل صراف وكان الطلب على 67.70

حاول صراف يعمل اتصالات ليجمعلي 50 الف وقلي غير متوفر

شو الوضع عندك ؟

[hesham]

اقتباس: المشاركة الأصلية كتبت بواسطة باسل غ    استاذ محمد متوفر بيع ؟؟؟ مريت على تلاات صرافين في معرفه شخصيه معهم ما كان عندهم الا مبالغ ما دون 2000 دولار لكل صراف وكان الطلب على 67.70 حاول صراف يعمل اتصالات ليجمعلي 50 الف وقلي غير متوفر شو الوضع عندك ؟

اخي باسل
هل تصدق انت ان صراف (حتى لو كان صديقك او صديقي ) لايملك سوى 2000 دولار
انا شخصيا لااصدقه
ولكن هو لايرغب بالبيع بهذا السعر الذي يكون مفروض عليه من المركزي
وهذا مايؤكد ان السعر الحقيقي اعلى من ذلك السعر
تقبل تحياتي

[باسل غ]

اقتباس: المشاركة الأصلية كتبت بواسطة hesham-tayara    اخي باسل هل تصدق انت ان صراف (حتى لو كان صديقك او صديقي ) لايملك سوى 2000 دولار انا شخصيا لااصدقه ولكن هو لايرغب بالبيع بهذا السعر الذي يكون مفروض عليه من المركزي وهذا مايؤكد ان السعر الحقيقي اعلى من ذلك السعر تقبل تحياتي

الله يسعد اوقاتك استاذ هشام

معك حق من خلال خبرتي المتواضعه مع الصرافين ما عندهم صاحب كرمال هيك عبسال السيد

محمد ان كان متوفر من خلاال اتصالاته حتى مبارح مع كل هل النزول يلي انا بتعتبره وهمي

(( لغرض في نفس يعقوب )) ما قدرت اشتري اكتر من 46 الف

مع جزيل الشكر لمرورك الكريم

[expert]

اقتباس: المشاركة الأصلية كتبت بواسطة syria19799    ماعم قلك شو كان سعر الدولار قبل الازمة عم قلك سعر الدولار وقت المعمعة اللي صارت بعد مقتل الحريري وقت اللي ارتفعت فيه قضية مقتل الحريري للمحكمة الدولية يعني راجع سعر الدولار بوقتا انا بالسعودية وقتا رفقاتي حولوا الريال اللي هوي 3,75 دولار سعر ثابت ب 16 ليرة ولاتقلي شو دخل هي بهي لأنو كل الدخل لهي بهي وبقلك كمان قصة من فترة لما صار الدولار ب 105 ليرة كمان رفقاتي حولوا الريال ب 31 وكان اعلى سعر وصلوا الريال يعني بشوية حسبة وقتا كان الدولار ب 116 ليرة وعليها وكمان بقلك قصة ترى الناس بدها تبيع بيوتا وسياراتا بسوريا عم حكيك على الناس اللي هون برا اي برا يعني لاتواخذوني بها الكلمة سوريا وان شاء الله لاء سوريا ماعاد يقوم لها قايمة ولا بعشر سنين ومين هاد اللي مستغني عن عشر سنين من حياتو يمكن تقول متشائم بس والله ماني متشائم على قد ماسمعت قصص وتحليلات يعني يااخي الشوارع اللي بدها تزفيت بسوريا لأنو شفت طرطرة الشوارع بدها ميزانية دولة لسنة كاملة يعني الوضع مابيبشر بنوب وشاكر مرورك

عفوا مين قال انو اذا كانت الشوارع بدها ميزانية معناها رح تتكبد الدولة نفقات زيادة\
بتقدر بكل بساطة تقول للناس انا مارح زفت ويللي بده يزفت لحاله
وفي دول مافيها شوارع زفت حياتهم هي زفت بزفت
والسيناريو الصومالي ممكن اذا لم يكن السيناريو اليمني

[محمد s]

اقتباس: المشاركة الأصلية كتبت بواسطة باسل غ    استاذ محمد متوفر بيع ؟؟؟ مريت على تلاات صرافين في معرفه شخصيه معهم ما كان عندهم الا مبالغ ما دون 2000 دولار لكل صراف وكان الطلب على 67.70 حاول صراف يعمل اتصالات ليجمعلي 50 الف وقلي غير متوفر شو الوضع عندك ؟

دائما في حال وضعت السعر يكون متوفر بيع وشراء والا اكتب غير متوفر او متوفر بصعوبة