سعر صرف الدولار مقابل الليرة 15-4-2012 بالسوق السوداء

[om@r]

حلب
71.50 شراء
71.75 مبيع

[gold_syria]

اسعد الله اوقاتكم جميعا اتوقع الهبوط والاستقرار على سعر 67___65بل ايام القادمة وشكرا

[manar]

دمشق الان
71.7 شراء
بيع 72.00
متوفر

[عابر مجيب]

اقتباس: المشاركة الأصلية كتبت بواسطة أبو صطيف    الأخوة الكرام تعلمنا في هذا المنتدى أن كلمة بيع يعني السعر الذي يبيع به الصراف ( بيع للصراف و شراء لنا) وكلمة شراء أيضا ً أي السعر الذي يشتري به الصراف (شراء للصراف بيع لنا ) ولكن على الشريط أعلى الصفحة السعر الذي وضعه الأستاذ مؤيد يدل على العكس وفي افتتاحية الصفحة الأستاذ رامي كذلك فأرجو التصحيح أو التوضيح لي جزاكم الله خيرا ً

سأدلك على طريقة لن تضل بعدها أبدا .
سعر شراء الصراف للدولار من الزبون هو الرقم الأصغر .
سعر بيع الصراف للدولار إلى الزبون هو الرقم الأكبر .
في حلات خاصة جدا وإذا تصادف الزبون مع صراف ضعيف بالحساب يمكن عكس القيم .
بهذه الطريقه يمكن الاختصار كما يطالب الكثيرون الذين يتضايقون من الثرثرة التي يراها البعض مسلية .
ستكون المداخلة كالتالي :

71.25 _ 72

سيفهم القارىء أن هذان الرقمان يخصان قيمة الدولار .

1666 مثلا

هذا يخص الذهب .

الآن فهمت لماذا شرح الأخ غالب عن ضرورة توحيد القيم الاسمية للأسهم .
تحياتي .

[MERO]

اقتباس: المشاركة الأصلية كتبت بواسطة gold_syria    اسعد الله اوقاتكم جميعا اتوقع الهبوط والاستقرار على سعر 67___65بل ايام القادمة وشكرا

اي طبعا انا بتوقع متلك كمان

لأن خلال 3 أيام راح يعمروا اللي انهدم

وخلص مع وصول المراقبين اتطمن أخي الدنيا صارت رايقة
وراح يرفعوا العقوبات بعد بكره

اما السياحة
فالناس عم يفكروا يحجزوا شاليهات ع البحر من هلأ

لأن بتعرف بكرا ما بيضل حجز وما بيلحقوا

اي والله الدنيا رايقة .... مو رايقة بالله عليك

[الباشا المهندس]

عن قيمة الليرة السورية الحقيقية !

التضخم في سورية يرتفع بشهر واحد 6% الكاتب: محمد بسيكي | تاريخ المقال: 2012-04-15
موقع الاقتصادي


ارتفع معدّل التضخم السنوي في شهر شباط 2012 بمقدار 21.34% عن شباط 2011، واازداد المعدّل في كانون الثاني 2012 عن كانون الثاني 2011 بمقدار 15.67٪ ، ويكون معدل التضخم قد ارتفع في شهر واحد نحو 6% خلال 2012 بحسب مقارنة أجراها موقع الاقتصادي بين أرقام الشهرين الصادرين عن المكتب المركزي للإحصاء.


وفي نفس السياق أجريت مقارنة لأسعار السلع والمواد الغذائية الأكثر غلاءً في المحافظات السورية على صفحة موظفي المصارف على فيسبوك، وتبيّن من الدراسة أن مؤشر ارتفاع الأسعار على نطاق سورية PP index لشهر كانون الثاني 2011 ارتفع نحو 32% عن نفس الشهر من العام 2011، وارتفع هذا المؤشر في شباط مقارنة بكانون الثاني من نفس العام ووصل إلى 42% بزيادة نحو 10% تقريباً في شهر واحد.

وكانت بيانات الرقم القياسي لأسعار المستهلك في سورية الصادرة عن المكتب المركزي للاحصاء حتى أيار 2011 أوضحت إلى أن معدل التضخم خلال الأشهر الخمسة الأولى من العام الماضي بلغ 3.99٪ مقارنة بنفس الفترة من العام 2010 والتي بلغ فيها معدل التضخم 4.35٪.

[$ABOUD]

اقتباس: المشاركة الأصلية كتبت بواسطة MERO    اي طبعا انا بتوقع متلك كمان لأن خلال 3 أيام راح يعمروا اللي انهدم وخلص مع وصول المراقبين اتطمن أخي الدنيا صارت رايقة وراح يرفعوا العقوبات بعد بكره اما السياحة فالناس عم يفكروا يحجزوا شاليهات ع البحر من هلأ لأن بتعرف بكرا ما بيضل حجز وما بيلحقوا اي والله الدنيا رايقة .... مو رايقة بالله عليك

مو بالله

[eng.mdkh]

اقتباس: المشاركة الأصلية كتبت بواسطة mero    اي طبعا انا بتوقع متلك كمان لأن خلال 3 أيام راح يعمروا اللي انهدم وخلص مع وصول المراقبين اتطمن أخي الدنيا صارت رايقة وراح يرفعوا العقوبات بعد بكره اما السياحة فالناس عم يفكروا يحجزوا شاليهات ع البحر من هلأ لأن بتعرف بكرا ما بيضل حجز وما بيلحقوا اي والله الدنيا رايقة .... مو رايقة بالله عليك

الله يفرج و يا ويلو يللي مبسوط ... لأنو بكون بقمة الأنانية و الجشع و الطمع .
على كل حال أنا بصراحة كمان بتوقع بالأيام القادمة هبوط للدولار ، بس طبعاً مو لأكتر من 70 أو 69 ... طبعاً هي المداخلة على اعتبار نحنا هون مشان نحكي شوي عن موضوع الدولار.
و بارك الله لكم في دنياكم و أخراكم

[عابر مجيب]

اقتباس: المشاركة الأصلية كتبت بواسطة expert    الحمد لله على السلامة لمنتدانا العزيز والله ضل بالي فكرت الش... حجبوه المهم عم نستنى باقي الاعضاء يدخلوا لنعرف السعر خاصة بحلب لانو مبارح كان سعر حلب اقل من باقي المحافظات شكرا لادارة المنتدى على سرعة اصلاح المشكلة الفنية بالمنتدى طبعا سعر الاخ محمد بحلب موهيك؟

هلأ انتبهت انو كان محجوب ، كنت عم حاول ادخل الصبح ، وقت اللي ما فتح المنتدى بصراحة صرت ركز نظري على الباب ، قلت هلأ بيجو بياخدوني ، الظاهر خلصوا من الفعاليات النشيطة ورح يلحقوا هلأ اللي يادوب وسوستلو نفسو الأمارة بالسوء .
بعد شوي جربت ودخلت ، قلت يمكن العطل من عندي ، بس ضليت متوجس وصارت متل فركة الأذن ، وقلت الحمد لله اجت سليمة وكانت تصورات .
هلأ اتأكدت أنو مو بس تصورات ومو بس عندي ، يالطيف ! سلاما قولا من رب رحيم ، قل أعوذ برب الفلق .
الحمد لله على السلامة .
نحنا مادخلنا . ماشيين الحيط الحيط .
صفيانين ضيوف أصلا ! شو بيزيد هراهير بنعيش فيها .

[حسان]

اقتباس: المشاركة الأصلية كتبت بواسطة MERO    اي طبعا انا بتوقع متلك كمان لأن خلال 3 أيام راح يعمروا اللي انهدم وخلص مع وصول المراقبين اتطمن أخي الدنيا صارت رايقة وراح يرفعوا العقوبات بعد بكره اما السياحة فالناس عم يفكروا يحجزوا شاليهات ع البحر من هلأ لأن بتعرف بكرا ما بيضل حجز وما بيلحقوا اي والله الدنيا رايقة .... مو رايقة بالله عليك

بس ياريت بطريقك على الشاليهات البحريه تعملنا واسطه لتخفيض اسعار السلع الاساسيه والاساسيه فقط...!!!؟؟؟