سعر صرف الدولار واليورو 8-4-2012 بالسوق السوداء

[نضال العلي]

اقتباس: المشاركة الأصلية كتبت بواسطة مجد    في كثير من الاحيان نخطئ بسبب خلطنا بين التمنيات والواقع

أوجزت فصدقت.

[MERO]

الشباب المشرفين على القسم
اقترح فتح الباب للمشاركات حتى تعدي بدون رقابة هههههههه

ولما بيكون في مشاركات مخالف يتم حذفها وتنبيه العضو المخالف وفي حال تكرارها يتم حظره

اما موضوع تأخير المشاركة حتى تمر عبر القنوات الرسمية وفروع الأمن وتحصل على موافقة !!!!
بجد تعبنا من هالروتين

يعني مو بالمنتدى كمان

[مجد]

كاني حاسس انه في تشابه بالجينات بين الاخت ........... والاخت.............

[Bader Halab]

اقتباس: المشاركة الأصلية كتبت بواسطة expert    يا اخي مافي اقتصاد ريعي قوي لا الايراني و لا السعودي ولا الخليجي ولا غيره والدليل لنا عبرة بالعراق دولة نفطية وفوق هيك شعبها مثقف وعندهم زراعة وحضارة بس لما فقدوا السيطرة على منابع المال الاساسية ذات العدد القليل(منابع النفط)ينهار الاقتصاد الاقتصاد القوي هو الالماني حسب وجهة نظري

المشكلة بالفساد. وهاد جزء من اللي عنيتو انو يا ريت نتعلم. الفساد في العراق هو اللي أدى الى انهيار اقتصادون. قبل سقوط العراق كان الدينار العراقي قوي جدا (انا ما عم قول انو ما كان في فساد بعهدو) بس بعد وصول ناس اكثر فسادا الى الحكم اتبهدل الاقتصاد العراقي. واصلا النفط العراقي ما توقف تصديرو مع كل العقوبات ونفس الشي النفط الايراني
الفساد هو اللي بيهدم اقتصاد اي دولة. لما الدولة بتكون عبتتعرض لعقوبات ومع ذلك بنتشر الفساد والسعي لخدمة فئة معينة هاد بيضعف الاقتصاد وبسبب انهيارو

[سمير]

اقتباس: المشاركة الأصلية كتبت بواسطة امير الشام    انا اشتريت عالـ92 لحتى احافظ على قيمة يلي عندي شو تنصحوني ياجماعة اخليهم دولار ولا كيف؟

اشتري الآن ضعف اللي اشتريته بيتعدل سعرك
إذا نزل أكتر كمان اشتري ضعف الضعف بيصير معدل السعر عندك كويس
واذا طلع فوق معدلك.. بيع بتربح

بس إذا ضل نازل ! مشكلة ما الها حل
بس مافي سعر بيطلع إلا ينزل ولا بينزل إلا يطلع
(حكم)

[yosef]

اقتباس: المشاركة الأصلية كتبت بواسطة eng. Hassan    أخي العزيز القصة مابدا فهم يلي خلى الدولار ينزل من ال 100 ليرة إلى حيطان ال 70 خلال أيام معدوده مع أنوا ما تغير شي على أرض الواقع (الحالة الأمنيه والعقوبات الإقتصادية.. على حالها) هذا يعني انه ممسك بخيوط اللعبة جيداً وهو الذي يفرض نفسه على الأرض ويتحكم بسعر الصرف وأكبر دليل إستقرار سعر الصرف بين ال 70 وال 73 يعني شو يلي بدوا يخلي ينزل ثم يستقر إذا ما كان هناك من يدعم... وفهمك كفايه

اخي انا بدي حكي اكاديمي ..... اما بالنسبة لهاد الي مسك خيوط اللعبة طالما هيك ليش ترك الدولار يرتفع بكم يوم من ال70 لل100 ؟ اما بالنسبة للأنخفاض فكان متوقع الي اشترا بسعر ال72 باع ب100 وحقق مرابح هائلة بيومين وعكل حال هي كانت حادثة استثنائية ومامنقدر نستشهد فيا
مشكور اخي على رأيك.......

[expert]

اقتباس: المشاركة الأصلية كتبت بواسطة yosef    الدولار الى ارتفاع ام الى انخفاض ؟ هلئ الاعضاء الي عطو رأين بأرتفاع الدولار بعتقد هالرأي مبرر نتيجة الاوضاع السياسية الي عبتصير والمتوقعة اضافة للأوضاع الميدانية بالشارع اما بالنسبة للأعضاء الي عبتوقعو انخفاض الدولار بدي شي حدا فهمان منن يوضحلي مبررات هالتوقع لأنو التصريحات تبعت الصارجي وغيرو صارت مملة ومابتشكل اي دالة عصرف الدولار اذا حدا بيقدر يفيدنا بالعوامل الي ممكن تأدي لأنخفاض الدولار انا وكل الاعضاء منستفيد ^ـ^ وماحدا يفكر اني شخصيا بدي الدولار يطلع (والعياذ بالله) لأ ابدا انا بس بدي احصر المتغيرات عسعر الدولار وممكن يكون حدا من الاعضاء عندو فكرة ماحد بيعرفا ....

يا اخي بالنسبة ليلي صوتوا لهبوط الدولار
معظمهم بيقصدوا الهبوط على المدى القريب حسب ظني
لان
-الطلب على الدولار قليل لقلة حركة الاستيرادة
-الاموال الساخنة التي لا تستطيع الانتظار لفترة طويلة بالدولار تعود للبيع
-انا مقتنع بوجود تدخل من المركزي مضطرا لذلك لكن بحدود دنيا وبشكل غير مباشر
-حالة ترقب وانتظار هبوط اكبر مما يتيح الانقضاض من قبل الحيتان
-حالة توازن القوى في الصراع القائم بين روسيا والصين و ايران من جهة والغرب و الخليج وتركيا من جهة اخرى (الصراع على الارض السورية و بدماء السوريين) مع الاسف

[Bader Halab]

انا صوتت هبوط لا لامنياتي (انا شاري دولار بغالي متل كتير من الاخوة) بس صوتت بالهبوط لانو هاد السؤال يومي وليس على مرحلة متوسطة او بعيدة
٢- لا يوجد على الارض دلائل تشير الى صعود ب العكس : السوق بارد والكل عبخاف من تدخل المركزي
٣- الدولار للي مو متابع عالميا نزل بعد طلعتو
٤- اللي صوت صعود ليش صوت هيك؟ كل واحد يكتب شو صوت و شو الاسباب والدوافع مشان نفهم وضع السوق

[yosef]

اقتباس: المشاركة الأصلية كتبت بواسطة expert    يا اخي بالنسبة ليلي صوتوا لهبوط الدولار معظمهم بيقصدوا الهبوط على المدى القريب حسب ظني لان -الطلب على الدولار قليل لقلة حركة الاستيرادة -الاموال الساخنة التي لا تستطيع الانتظار لفترة طويلة بالدولار تعود للبيع -انا مقتنع بوجود تدخل من المركزي مضطرا لذلك لكن بحدود دنيا وبشكل غير مباشر -حالة ترقب وانتظار هبوط اكبر مما يتيح الانقضاض من قبل الحيتان -حالة توازن القوى في الصراع القائم بين روسيا والصين و ايران من جهة والغرب و الخليج وتركيا من جهة اخرى (الصراع على الارض السورية و بدماء السوريين) مع الاسف

حكي رائع ومنطقي مشكوووووور

[نضال العلي]

اقتباس: المشاركة الأصلية كتبت بواسطة سمير    اشتري الآن ضعف اللي اشتريته بيتعدل سعرك إذا نزل أكتر كمان اشتري ضعف الضعف بيصير معدل السعر عندك كويس واذا طلع فوق معدلك.. بيع بتربح بس إذا ضل نازل ! مشكلة ما الها حل بس مافي سعر بيطلع إلا ينزل ولا بينزل إلا يطلع (حكم)

اي شو ...... نبع