الدولار الى اين ؟؟؟

[مجرد إنسان]

التوقعات للدولار اندكس هي وصوله الى 82 والسعر المتوقع لليورو مقابل الدولار = 1.20 رغم كل ما يثار من ضجة حول حل قريب للازمة الاوربية ، فالواقع لا يظهر امكانية الحل والعقدة أشبه بالمستحيلة الحل
وبخصوص أزمتنا التي تحدثنا عنها ، اليوم ظهرت الامور الحقيقية وهي التمسك بالقرار الاساسي للسيد الرئيس والمتابعة في محاربة المسلحين وليست البروباغندا -بدون مصدر - التي تم الحديث عنها ، وياما في الجراب يا حاوي ..

الله يكون بعوننا

[rainbow]

اقتباس: المشاركة الأصلية كتبت بواسطة beshr    مضى اسبوع على كتابة الموضوع والدولار يتداوال بنضاق ضيق جدا جدا طيلة الفترة الماضية بين حاجزي 71-73 ليرة نترقب هذا الاسبوع الحاسم بالنسبة للدولار من كسر للدعم 70 او اجتياز 73 ثم الاهم 75 ليرة ولنا عودة لمتابعة الموضوع بأفتتاح السوق فعليا يوم الاثنين ...

أؤيدك بالرآي مع أني ارى أن كان رأس المال كبير ن يكون مابين 50 الى 70% بالعملة الصعبة والباقي يتحول للبيع والشراء حسب سعر السوق

[rainbow]

اقتباس: المشاركة الأصلية كتبت بواسطة gold_syria    انصح الجميع بعدم شراء الدولار هذه الفترة لان الاوضاع السياسية غير مستقرة على الصعيد الاقتصادي قبل 12 شهر ما بنصح اي انسان بشراء الدولار

كلام سليم 100% وأن كنت تمتلك عقارات أو سيارة فلجاء لبيعها لأن اليرة سترتفع بشكل ارتدادي وابارك لك أرباحك من الأن

اقتباس: المشاركة الأصلية كتبت بواسطة عابر مجيب    روح الله يعطيك على قد نيتك بها النصيحة ، خليك عم تصبرهم من هون لتوصل الطبعة الرابعة اللي وصيت عليها من تايوان . يا زلمة شو هالتايوان هي !؟ المركزي الأميركي أثنى عالطبعة وقللي ما رح تكشفها إلا عدادات 2014 اللي لسا الله ما خلقها . بعرف نصيحتك ما مبنية غير على حسك الفني ، شو بيلزم أفكار وكلمات بدعمك . هلق رح ساوي قسم للتلحين . من التنبوءات اللي عم نشوفها صار في كتير ناس مكشوفين ، عنهم الحجاب وعندهم تطلعات مستقبلية بتكشش البدن ( يعني تقشعر لها الأبدان ) . تحياتي .

أنت تريد منه أن يخسر .. وعلى مايبدوا أنك لست من متتبعي قناة الدنيا والأعلام والحكومي وبرامج الأقتصادي المشرق المبهر .

ماسمعت أنه خلصة ... وكلها كم شهر والازدهار واالرخاء يعم البلاد

[Eng. Hassan]

الدولار مازال يتداول حول الرينج 71 ~ 73 ولم يتجاوز ال 73 إلا ليوم واحد فقط حيث وصل ل 74 ثم عاود الهبوط في اليوم الثاني وأعتقد أنه سوف يبقى ضمن هذا الرينج ما لم تحدث أي متغيرات على الوضع السياسي السوري وبظن أن المركزي مرتاح حالياً لهذا السعر على المدى القصير وممكن ينزل السعر في حال كان هناك بوادر حل للأزمة يلوح في الأفق وتبلور لمهمة عنان خلال الأيام القليلة المقبلة...

[beshr]

مع الاسف انك بتشوف فقط بعين واحدة فقط ؟؟؟؟

قريت جميع مشاركاتك الضعيفة وبأمكان جميع الاعضاء الاطلاع على مشاركاتك من لحظة
بدأ تسجيلك هنا بالمنتدى .... حتى اللحظة .....وعددها قريب 29 مشاركة ...

كل مشاركة منك بتقول نزوول حاد ؟؟؟؟ وسقوط حاد للدولار ؟؟؟ والاتفاع كبير لليرة السورية ؟؟؟
وحترجح الليرة مرة بتقول 65 ليرة ؟؟؟ ومرة بتقوق 50 ومرة 48 ؟؟؟؟

شكلك ما بتشوف الا اتجاة واحد فقط لليرة ؟؟؟؟

وتطبل وتزمر وتخوف وتنصح الاعضاء بعدم الشراء ؟؟؟

وتتوعدهم بنزول كبير ؟؟؟

وسوف يندم من يشتري ؟؟؟

لتكون حضرتك السيد ميالة ؟؟؟؟

انصحك عزيزي ان تنظر الى اي سوق باتجاهين وتضع خطة واضحة لكلامك ...

[NetPro]

اقتباس: المشاركة الأصلية كتبت بواسطة gold_syria    لان الاوضاع السياسية غير مستقرة على الصعيد الاقتصادي

أوضاع سياسية على صعيد إقتصادي
ما فهمت شي ؟

اقتباس: المشاركة الأصلية كتبت بواسطة gold_syria    قبل 12 شهر ما بنصح اي انسان بشراء الدولار

مممم
أنا أنصح كل انسان أن يشتري اليوم ويبيع بشهر 12 لأن بتكون خلصت

أول مرة بيمرق معي حدا بيقدر هيك يحدد التوقيت !!!
في مجال بطريقك تحدد لي أي شهر الذهب مناسب للبيع

[مجرد إنسان]

أخي بشر : يجب أن تعلم أن الجيش الالكتروني يعمل عمله في تكرار الحملة الاعلامية للنظام
80000 عنصر يعملون فقط للانترنت ، فماذا تتوقعون ؟
لن يتركوا أي شيء بحاله ، واظن كل الحديث عن تدخل المركزي خلال الفترة السابقة اشاعات من ميالة واعوانه انتشرت انتشارالنار في الهشيم ، فلم يتم التأكيد من أي شخص معنا في المنتدى ويعمل في اي شركة صرافة او لديه صديق "ثقة" في أي شركة صرافة رسمية بأن المركزي فعلا باع دولار واحد ، وكل الاخبار من هنا وهناك
وياما في الجراب يا حاوي
والله أعلم

[expert]

اقتباس: المشاركة الأصلية كتبت بواسطة gold_syria    انصح الجميع بعدم شراء الدولار هذه الفترة لان الاوضاع السياسية غير مستقرة على الصعيد الاقتصادي قبل 12 شهر ما بنصح اي انسان بشراء الدولار

حبيبي هاد المواقع ليس الاطفال
ويللي عنده نصيحة بموضوع هو ما بيفهم فيه يروح على الحمام ويحكيها
او يعطينا مبررات لنصيحته

[expert]

اقتباس: المشاركة الأصلية كتبت بواسطة عابر مجيب    تحليلاتك مرتبه وواضح انك عم تشتغل بذمة وضمير الله يوفقك . بس ما تتخيل أي اساءة، أنا بس بدي امزح . يعني شر البلية ما يضحك ، قسمنا المصاري ثلاث أثلاث ، أكلو شرب وبعدين مواصلات وطبابه ، وآخر شي طوارئ وفواتير . ما بقي ولا ثلث للشراء على السعر الحالي ! نستناه بلكي بيرتفع الدخل وبينزل الدولار ؟ نيالو ( أصلها هنيئا ألو ) اللي عم يسمع كلامك وقادر ينفذ . تحياتي .

تحية الك اخي عابر و الله انت والاخ مجرد انسان و الاخ بشر
من اكتر الناس يللي بعزكم بهال موقع
الظاهر انا وياك موجودين هون بالغلط
لانو يللي هون المفروض يكون معه مصاري يبيع ويشتري
ونحن بنتفرج و بنتحسر على الدخل الذي تنقص قيمته الشرائية يوم بعد يوم
انا عم ادخل منشان اشوف الاسعار لاهلي هنن يللي عم يشتروا وانا عم اطقسلهم على السعر
والله كنا بدنا ناخد بيت بس اقنعتهم بالدولار
وانشاء الله ما اندم
والله لا يضر درويش ومؤمن

[beshr]

اقتباس: المشاركة الأصلية كتبت بواسطة expert    تحية الك اخي عابر و الله انت والاخ مجرد انسان و الاخ بشر من اكتر الناس يللي بعزكم بهال موقع الظاهر انا وياك موجودين هون بالغلط لانو يللي هون المفروض يكون معه مصاري يبيع ويشتري ونحن بنتفرج و بنتحسر على الدخل الذي تنقص قيمته الشرائية يوم بعد يوم انا عم ادخل منشان اشوف الاسعار لاهلي هنن يللي عم يشتروا وانا عم اطقسلهم على السعر والله كنا بدنا ناخد بيت بس اقنعتهم بالدولار وانشاء الله ما اندم والله لا يضر درويش ومؤمن

عزيزي ..

انت غني بأخلاقك
وكريم بدخولك لموضوعي

تقبل تحياتي ,,,