najm

يلي كان مفكر يشتريه من شوي عل 74 هلء بيشتري ع 73.25 باين الاتجاه لفوق ماطلعوا لحتى ينزل

__________________
لطف حديثك فالنفوس مريضة
ومن الكلام محنن ومجنن

أبو حسن

بس قبل شوي سالنا كل الناس قالو ما عمنبيع دولار وحاليا نزلوه شوي مشان نحنا مانشتري ونقول السوق بنزول يقومو هنن بيشترو ونحنا نتفرج ونشتري بكرى ب 76

__________________
لا اله الا الله

Ahmad Hamdi AlSharif

سعر صرف الليرة السورية أمام ال$
شراء 72.50
بيع 73.50
سعر صرف الليرة السورية أمام اليورو
شراء 96
بيع 98
المحافظة : دمشق - التوقيت 6:00 مساء متوفر بيع وشراء مهما كانت الكمية

__________________
((معا لمكافحة الغلاء والقضاء على التجار الحرامية في كل مكان
تاجر أدمي وابن حلال ........مستقبل أفضل لي ولبلدي ))

ملك

حلب
73
73.5

__________________

أبو حسن

بعد الدراسة للسوق تبين لي انه سوف يقفز قفزة جديدة اليوم

__________________
لا اله الا الله

rainbow

لمركزي لايستطيع أن يتدخل على المدار الشهر فهناك أوقات ستفلت الأمور من يده وعلى مدى الطويل فالاحتياطي ينضب رويداً رويداً ، المركزي لايستطيع أن يتدخل بأكثر من احتياجاته لليرة السورية لتغطية نفقاته في ظل شح موارد الدولة .

من الممكن أن يحافظ على الدولار مابين 70 الى 80 وفي وقت من الأوقات سيلجاء هو الى رفع الدولار لحاجته لليرة السورية .. وعلى المضاربين أن يعلموا أن هذا الوضع سيمتد لشهور قادمة

GoldMan$

هي جيتي من السوق وحاولت بيع على 73 شوي - الساعة 6,30
بس مالقيت صراف يدفع اكتر من 72,25 وعم يبيعوا على 73 - 73,25
لهيك ما بعت ورح انطر للغد

مجرد إنسان

شكرا لكل من يضع السعر ويشارك في الحوار
والحمد لله على سلامتك أخي عابر مجيب ..
أخي ماهر : ان شاء الله بتصيب معك وربي ما بخيبك ..
تحليل الرواتب التي تدفع لشراء الدولار هو الذي كان غائبا عنا سابقا ، فعلا كتير ناس عم تحول رواتبا للدولار باول الشهر ، مو الموضوع انو المركزي يأمن الرواتب من السوق متل ما كانوا الناس عم يحكوا ، يعني بصير في طلب زيادة على الدولار من الناس مو انو المركزي بيرفع السعر
__________________________________________________
على هامش الموضوع : مبارح سألت سؤال عن السعر بحمص و إدلب و درعا ..
وحتى الآن ما حدا جاوب
__________________________________________________

يا ريت بس تفهموني اذا المركزي بدو يرجع الدولار لل 48 ليش اليوم رفع السعر ل 60.32 ومبارح كان 60.29 بدال ما ينزلو لتحت 60 ؟
___________
ياريت يكون الموضوع واضح وشفاف ، بدون اشاعات وكذب وحكي فاضي ، ملينا ، اللي بدو يحط موضوع لازم يكون فيه اسماء الناس اللي شاوروها وشو مراكزن بالدولة ، مشان اذا طلعت اشاعة بتروح الناس بتاخد التعويض من راس اللي كذب عليهن ، حاجة بقا : ضلت الدنيا تقول : تدخل وحرب على الدولار والسوق السوداء ومدري شووي مشان ما حدا يشتري دولار ، وآخر شي بشرت الناس أنو الدولار صار ب 100 ليرة ، ركضت الناس وراحت تشتري ، عملوا بالناس المقلب مرتين : مرة لما خلوهن ما يشتروا دولار بالاول والمرة التانية لما خلوهن يشتروا الدولار ب 100 !!
ولسا في ناس متل قناة الدنيا ، حرااااااااااااااام عليكم

كل تاجر اليوم بقلك انا اشتريت بضاعتي لما وصل السعر لل 100 وبعرف انو كذاب بس حجتو التانية : بلكي صار 100 لما رحت جيب بضاعة جديدة بما انو سعر الصرف صاير يرقص على الوحدة ونص
شو بقدر قلو ؟

حاج بقا ، ملينا اشاعات .. أظن ان من يبث هذه الاشاعات كان يريد اصلا التلاعب بالسوق للشراء باسعار منخفضة من جديد وقد تكون فرصة من آخر الفرص

والحج ابراهيم مشكلتو بس الدولار ... روح اعترض على وزارة الاقتصاد والمركزي وبقية الناس المتحكمين بالوضع على الارض : اطلب منهم ألا يبيعوا الاغذية للدول المجاورة واطلب منهم الا يضاعفوا الرسوم الجمركية والا يمنعوا استيراد الاغذية وان يمولوا المستوردات واطلب منهم أن يثبتوا على رأي ... وبعدين روح حاسب الدولار ، أصلا ما حدا وصلوا هالمواصيل الا تأخر المركزي بالتدخل :على قولة مجلة الاقتصادي : نجحت العملية ولكن المريض مات !
سياسات اقتصادية لا تمت للواقع بصلة ، مو ساءلين عن المواطن ابدا : في ايران الدعم ل 90% من الشعب بمبلغ يعادل 60 الى 120 دولار شهريا ، في سوريا الدعم ل *% من الشعب ؟؟
ايران تحاول تخفيف العبء عن الشعب وفي سوريا عندما تناقش المسؤول يجيبك باجابة رائعة : فدا الوطن !!

أسأل الله تعالى أن يغير هذا الحال بأحسن منه لما فيه خير العباد والبلاد
وحسبنا الله ونعم الوكيل

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

Tigerssound

دمشق الساعه السابعة مساءً

73.25

73.75

قد يختلف السعر من منطقه الى اخرى في دمشق ولكن اشعر ان هناك تخبط وحذر وكثير من الاحيان السؤال عبر الهاتف غير مجدي فقد اصبح الدولار سلعه قابله للتفاوض وشكراً

__________________

عابر مجيب

ياصديقي بظن هالمرة إذا لاقى لاعبين مارح يلاقي جمهور ، فما رح يكون في لا شوط تاني ولا تالت ، لأن الناس جربوا وعرفوا وما ممكن يتجاوبوا لا بيعا ولا شراءا، بهيك حالة شو بيعمل المركزي ؟ خصوصا أنه حصل على الذهبية في معاداة الناس بجدارة
تحياتي .