سعر صرف الدولار مقابل الليرة 1-4-2012 بالسوق السوداء

[shereen]

اقتباس: المشاركة الأصلية كتبت بواسطة ماهر محمد    تاجر و منجم ما بيشتغلوا يعني يلي قلك جايتو نزلة بيعرف شو عم تفكر الناس قصدي بيعرف نفسية العالم بدها دولار و لا لأ؟؟!! و لا شو بدو يصير بكرة ؟ ممكن ينزل بس مو هلأ بعد ما تهدا الأوضاع و نرجع أنا و أنت نشتغل و التاجر يستورد و يصدر أما هلأ أساسا الدولار كتيييييييير رخيص مقارنة بالأحوال السياسية للبلد و الاقتصادية كمان

حكيك مظبوط تماما كتير رخيص بالنسبة للاوضاع السياسية انا بتذكر ب2005 وقت مات الحريري طلع لل 64 مع انو ماكان في شي عالارض بس هللق شبه حرب وعلى الرغم من هالشي 70 وعقوبات وبلاوي بس في ناس عم تدعم الليرة وفي ناس دراويش بيروحو بكل اشاعة بيبيعو دولاراتهم انا بظن بيجي يوم بينكشف كلشي وبنلاقي الدولار ب 150 ويمكن 200 ويمكن متل لبنان يصير فينا بلبنان ضلو يدعموها حتى بالاخير بشهر واحد فرطت على الاخير ولاتنسو المؤتمر باسطنبول اتمحور كلو على العقوبات الاقتصادية فقط وشكرا

[faisal30]

والله صاير هل المنتدى مسلي أكتر من الفيس بوك
و على فكرة السعر كان 70.25
71.25 الساعة 12 بدمشق

[الباشا المهندس]

اقتباس: المشاركة الأصلية كتبت بواسطة ابراهيم طاهر    مرحبا" اخ netpro كما تريد لكن اريد ان انصحك ان لا تكون ارباحك حرام من لقمة الاطفال الفقراء اجعل مالك حلال (ياكلون اموال الناس بالباطل ويصدون عن سبيل الله والذين يكنزون الذهب والفضة ولا ينفقونها في سبيل الله فبشرهم بعذاب ...) صدق الله العظيم

اقتباس: المشاركة الأصلية كتبت بواسطة ابراهيم طاهر    مرحبا" باخوتي الطيبين لدي معلومات اكيده ان الدولار سيسقط شاقوليا" قريبا انصح اخوتي في المنتدى البيع بخسارة الآن وشراء اسهم لان الاسهم ستعوض الخسارة في الذهب والدولار

اقتباس: المشاركة الأصلية كتبت بواسطة ابراهيم طاهر    لا تجعل المال اخي الكريم يعمي بصيرتك الحياة ساعة والمتع بالمال زائلة والاقتصاد ليس له علاقة بالنظام لا تجعل هذه الحجة حجة لك للنهب من طعام المحرومين اصلا" نار جهنم كلها تجار حرام

يعني ممكن تقول جملة واحدة مفيدة لنفهم شو بدك ؟؟
إذا المال يعمي البصيرة .. فليش عمتطلب من الناس بيع ما لديهم والاستثمار بالبورصة .. شو البورصة السورية قلبت مشاريع خيرية ومالنا خبر ؟؟

وإذا يا أخي إنتي كل هلقد زاهد بالمال والدنيا .. مو كأنو الأنسب تفوت على منتدى ديني .. مو على مكان لمتابعة الأسعار اليومية للدولار ؟؟ والحلو إنك مو فايت تدعي للزهد .. فايت تدعي للمضاربة على أسهم البورصة
يا أخي ذكرتني بكتير من رجال الدين اللي احترمتهن فترة طويلة واسفروا عن وجوه لم أكن أتخيلها .. الحمد لله أن الاسلام ليس مربوطا بأشخاص ..

وهلق صار الناس اللي بهالمنتدى مو أصحاب البورصة ولا اللي رفعوا سعر الدولار هنن اللي عميلعبوا بلقمة الناس .. يا أخي أغلب اللي هون متضررين .. الهوامير وجماعتهن ما باعتقد بفوتو لهون ..
أخ طاهر .. اسمحلي إلك هيك نوع من المشاركات هو أكثر من إساءة لمصداقية ما يكتب هنا .. وللمنتدى ولك أنت ، ولصورة الدين لدى الناس ..

وأرجو أن تكون مسؤولا عن الخسائر التي ستلحق بالناس جراء نصيحتك العظيمة ..

[غسان]

تنبيه للسيد ابراهيم طاهر
قمت بذكر معلومات مؤكدة دون ذكر مصدر وقام السيد نت برو بالطلب منك ذكر المصدر وقمت بالتهجم على شخصه وذكر اتهامات باطلة بحقه اطلب منك الاعتذار عن الخطأ الذي قمت به بتحويل الحوار الى تهجم شخصي
وعدم تكرار هذه الاساليب
عذرا منك في حال عدم التجاوب ستضطر الادارة لاعادة مشاركاتك الى الرقابة..

[shereen]

اقتباس: المشاركة الأصلية كتبت بواسطة سندباد    هههه انت هون اختي شرين سبحان الله شو توقيت ....

لا هالمرة اخونا ابراهيم عم يستشهد بايات قرانية ماعرف القران والدين الا بالدولار وهبوط شاقولي وقوت الشعب ينزل على السوق مبارح كيلو شرحات الجاج ب 350 ليرة طيب الجاج بالذات تصنيع محلي مية بالمية ومادخلو بالدولار ليش مابينتقض التجار - او هدول التجار مالهم علاقة بالشعب - او الشعب بس عم ياكول دولار والله شي بيهز البدن

[Ahmad Hamdi AlSharif]

سعر صرف الليرة السورية أمام ال$
شراء 70.5
بيع 71
سعر صرف الليرة السورية أمام اليورو
شراء 93
بيع 94.25
المحافظة : دمشق - التوقيت 11:30 ظهرا متوفر بيع وشراء

[GoldMan$]

اللاذقية ... الساعة 12 سالت صراف واحد
بيع 71,5 شراء 70

بنك بيمو شراء 70,00 بيع 70,70
ذكرت سعر بيمو لانو الخميس كان عم يشتري على 70,50

[غسان]

شباب اذا ممكن نترك موضوع السيد ابراهيم
والاكتفاء بما قدمتم من ردود والعودة الى الموضوع الاساسي

[الوزير]

صرلي منزل مشاركة من نص ساعة ولهلئ ما نزلت !!!!!!

[GoldMan$]

اقتباس: المشاركة الأصلية كتبت بواسطة محمد قصاب باشي    سعر صرف الدولار مقابل الليرة حسب نشرة اسعار الصرف للجنة الصرافين في سورية مبيع :71.40 شراء : 70.40

فقط للتصحيح
مبيع :71.40
شراء : 70.70