سعر صرف الدولار مقابل الليرة 27-3-2012 بالسوق السوداء

[najm]

ملك اسم على مسمى

[باسل غ]

ممكن اسعار الاغلاق بالمحافظات لو سمحتم

[أبو حسن]

اقتباس: المشاركة الأصلية كتبت بواسطة shereen    الله يخليلك تفكيرك الصحيح ومحاصيللك الزراعية وشكرا

يا اختي نحن عمنقول الرزق بايد الله ووقت الانسان الله بدو يرزقو بهيئلوالتفكير الصحيح وليس تفكيري انا الصحيح بس انت مجمدة تفكيرك انو بدو يطلع ياختي تفاألي بالخير تجديه والله الفقير اكلها بطلوع الدولار ونزولو خير لكل الناس والمواد بلشت تنزل انزلي عالسوق وشوفي في فرق واضح والله انو الله بيرزق الناس بحسب نياتها

[Ahmad Hamdi AlSharif]

أتمنى من الجميع الان مساعدتي في شن حرب هجومية على التجار الحرمية لآنه بدي خليهم ينزلوا أسعار البضائع غصب عنهم لك الحرمية من قبل شهر ونص صار معي قصة اشتريت موبايل لأمي نوكيا 300 المهم هذا الموبايل كان وقت كان سعر الدولار 48 كان حقه بين ال4800 و ال5000 يعني حوالي 100$ المهم وقت اجيت لاشتريه عند البياع قلي حقه 7400 كان الدولار وقتها 74 قلتله بس انت عندك ياه من وقت ماكان 48 الدولار قام قلي ايه كلامك صح بس انا اذا هلأ بعتك ياه على سعر ال48 ماعاد اقدر اشتريه على سعره الجديد من تاجر الجملة يعني بكون خسران قلتله ماشي تكرم عينك واشتريت منه مثل مابده بس هلأ نزل سعر الدولار وبكرا ناوي انزل اتخانق معه بدي اشتري نفس الموبايل بس ب7100 ليرة لانه الدولار هلأ بحدود 71 انا اليوم شفته مسعر الموبايل ب8000 يعني حاسب الدولار على 80 لذلك بتمنى من الجميع انه يكونوا صحيانين وينبحتوا على التجار الحرمية اللي يخلصنا منهم وينتقم منهم يارب

[محمد قصاب باشي]

اقتباس: المشاركة الأصلية كتبت بواسطة shereen    انا شارية كمية جيدة على 89 اخي محمد هللق التجار والمركزي عم يلموو لح بيهدا على 65 او 67 بس انا بظن انو مغفل اللي بيبيع هادا وقت شراء يعني طلع 6 ساعات لل 100 تاني يوم كل البضائع اتسعرت على ال 100 انا بتحدا اي شخص يقللي نزلت الاسعار بالسوق من وقت هبوط الدولار من 100 لل 70 هي لعبت تجار بدهم ينزلوه لل 65 او 60 وبعدين يلمو ويشترو بضائع الصيف ورمضان بعدين لحالو بيطلع لل 100 او 150 وفورا بيسعرو البضائع على 150 وان غدا لناظره قريب

انا معك بس

عطيني عمر ومن هون لوقتها انا من وين بدي اكل واشرب مو من راس مالي بينما اذا رجعت للسوري بيصير باكل من ارباح راس المال
معلومك لليوم البيع والشراء والتجارة الداخلية هي بالليرة

[أبو حسن]

حلب الان

شراء 70.5 - مبيع 71.5

طبعا اللون الاخضر يعني تحسين السعر

[أبو حسن]

اقتباس: المشاركة الأصلية كتبت بواسطة محمد قصاب باشي    انا معك بس عطيني عمر ومن هون لوقتها انا من وين بدي اكل واشرب مو من راس مالي بينما اذا رجعت للسوري بيصير باكل من ارباح راس المال معلومك لليوم البيع والشراء والتجارة الداخلية هي بالليرة

والله صح حكيك 100 بال 100 واليوم الفلاح بدو ثمن المحصول بالليرة السورية مو بالدولار مع العلم انو سوريا دولة زراعية يعني فيها اراضي شاسعة وكلها بدها تنحصد بعد شهرين تقريبا

[alhamwi4invest]

اقتباس: المشاركة الأصلية كتبت بواسطة أبو حسن    يا اختي نحن عمنقول الرزق بايد الله ووقت الانسان الله بدو يرزقو بهيئلوالتفكير الصحيح وليس تفكيري انا الصحيح بس انت مجمدة تفكيرك انو بدو يطلع ياختي تفاألي بالخير تجديه والله الفقير اكلها بطلوع الدولار ونزولو خير لكل الناس والمواد بلشت تنزل انزلي عالسوق وشوفي في فرق واضح والله انو الله بيرزق الناس بحسب نياتها

خيو انا ما فهمت
هي شو دخلها بنزول الدولار
ليكون متل أم وائل يلي بتسعر الفروج لكل سوريا

علفكرة الكثير بيتمنوا هالشي بس انت لا تخيلي هالأمنيات تعميك عن رؤية الحقيقة وإلا أكيد رح تخسر
ثق بكلامي اكثر من ثقتك بمن يتحكم بلقمة هالشعب
واذا ما حبيت توثق بقا لا املك لك الا الدعاء

في شغلة كمان مهمة : لولا الدعم العالمي الواقعي والمهل تلو المهل والعقوبات الغبية ( هنن بقولو ذكية بس هي غبية لان ضرت الشعب اكتر ) لا الاعلامي لرأيت الليرة ب 1000

تجربة الثمانينات بعد الأزمة ونفاد الدولار من المركزي رأيت الطوابير على ربطة الخبز

اما بالنسبة لتساءلك وين السوري ؟؟
وخاصة انو المركزي بدو يطبع - يعني مؤشر صريح بضحالة السوري لديه -
يدل ان هناك من يخزن السوري لكن ما هي غايته الله اعلم
وهذا دعم مؤقت لليرة على الأقل

هناك قاعدة كونية تقول :
1/ دولة الظلم ساعة ودولة العدل إلى أن تقوم الساعة
2/ المُلك يبقى مع الكفر ولا يبقى مع الظلم
3/ الحق دولة والباطل جولة

[GoldMan$]

اقتباس: المشاركة الأصلية كتبت بواسطة Ahmad Hamdi AlSharif    أتمنى من الجميع الان مساعدتي في شن حرب هجومية على التجار الحرمية لآنه بدي خليهم ينزلوا أسعار البضائع غصب عنهم لك الحرمية من قبل شهر ونص صار معي قصة اشتريت موبايل لأمي نوكيا 300 المهم هذا الموبايل كان وقت كان سعر الدولار 48 كان حقه بين ال4800 و ال5000 يعني حوالي 100$ المهم وقت اجيت لاشتريه عند البياع قلي حقه 7400 كان الدولار وقتها 74 قلتله بس انت عندك ياه من وقت ماكان 48 الدولار قام قلي ايه كلامك صح بس انا اذا هلأ بعتك ياه على سعر ال48 ماعاد اقدر اشتريه على سعره الجديد من تاجر الجملة يعني بكون خسران قلتله ماشي تكرم عينك واشتريت منه مثل مابده بس هلأ نزل سعر الدولار وبكرا ناوي انزل اتخانق معه بدي اشتري نفس الموبايل بس ب7100 ليرة لانه الدولار هلأ بحدود 71 انا اليوم شفته مسعر الموبايل ب8000 يعني حاسب الدولار على 80 لذلك بتمنى من الجميع انه يكونوا صحيانين وينبحتوا على التجار الحرمية اللي يخلصنا منهم وينتقم منهم يارب

ولا يهمك اخ أحمد وانا بفيدك باي سعر عن موبايلات النوكيا وباسعار الجملة ...
بس طول بالك اليوم نزلت اسعار الموبايلات شوي وبكرا الصبح كمان في نزلة نسبية مقبولة
بس تجار الجملة ما بينزلوا السعر بسرعة بسبب تذبذب السعر وبنتظروا يومين قبل ما يفكروا ينزلوا الاسعار

[yosef]

اقتباس: المشاركة الأصلية كتبت بواسطة أبو حسن    حلب الان شراء 70.5 - مبيع 71.5 طبعا اللون الاخضر يعني تحسين السعر

حلو هالحكي هلئ بشتغل لم الدولار عهالسعر وبعد كم يوم برجع السعر لل80
وخصوصا اذا كان في شي جديد في القمة العربية
لا يغركم النزول السريع للدولار لأنو هي حالة هلع ولعبة صرافين السعر المنطقي
للفراغ بين العرض والطلب هو 77 بعتقد