الرواتب والاجور - تجربة شخصية قبل 25 سنة

[غالب]

الرواتب والاجور - تجربة شخصية قبل 25 سنة

تحية طيبة لكل من يقرأ كلماتي

كنت اعمل في احد الشركات سنة 1984 في بغداد وهي شركة مؤسسة في فرنسا لكن اصحابها سوريين وكان لديها مشروع لبناء مخازن ويمتد لسنوات .

بدأ عملي بالشركة سنة 1982 براتب وقدره 250 دينار تعادل على الاقل 750 دولار

ثم ارتفع الراتب ل 300 دينار وهي تعادل بين 900 الى 1000 دولار .

الشركة استقدمت بعض العمال الهنود وكانت تعطيهم راتب وقدره 60 دينار وكان يحول رسميا الى الهند 50 دينار بسعر تحويل 3.2 دولار لكل دينار .

خلال سنوات بدأت قيمة العملة العراقية بالتراجع لدرجة انني صرت اتمنى لو انني عامل هندي لاحصل على راتب وقدره 50 دولار شهريا .

بدأت المفاوضات لزيادة الراتب او تحويل جزء منه و واجهنا صعوبات كبيرة وبالنهاية توصلنا الى ان الشركة تدفع لي 40% من الراتب اي 120 دينار تدفع لي بالدولار والباقبي يبقى بالعملة المحلية التي تنهار كل يوم .

بعد مدة اصبح جزء يسير من راتبي بالدولار تعادل كل ما تبقى من الراتب بالدينار .

لذلك واسقاطا على واقعنا اقول ان تعديل الرواتب الحكومية مسألة معقدة وكلنا يعرف ذلك .

بالنسبة للشركات في القطاع الخاص يمكن التباحث بالامر وحسب ظروف كل شركة وعندما يصبح الدولار 100 او 92 سيكون العامل والموظف فقد نصف قدرته الشرائية تقريبا رغم وجود سلع وخدمات ما زالت على حالها وتعاني من الكساد .
اما الماركات الاجنبية والمواد المستوردة مقومة بالدولار حتما واسعارها غالبا تواكب تغير سعر صرف الدولار بالسوق السورية .

لذلك نصيحتي لمن يستطيع ان يعدل جزء من راتبه ليقوم بالدولار سيكون حلا عادلا للطرفين .

مع ملاحظة انك قد تكون خاسرا اذا عاد الدولار الى وضعه السابق وهذا مستبعد ضمن الفترة الحالية .

ضع اصبعك في عينك وكما توجعك فهي توجع غيرك .

ان ارباب العمل ليسوا سعداء لما يجري ؟ ونحن لدينا محل نبيع البسة جاهزة لم نعدل الاسعار ولا نستطيع ذلك لان السوق والقدرة الشرائية لا تتحمل ذلك . مصيرنا الكساد والاغلاق او الاستمرار واستمرار الخسارة حتى نضمحل .

لذلك ان كانت الفترة مؤقتة فيمكن تحملها وان لم يكن فهناك صعوبة بالغة على الجميع .

يجب ان لا نتخذ قرارات اليوم نندم عليها غدا .

[فراس السكري]

اتعرف اخ غالب ان ادين لابي باعتذار لاني لم استطيع ان احل المعادلة الصعبة الا هذه الايام
لاني كنت الومهم انهم لم يشتروا ليرات الدهب بثلاث ليرات ويحتفظ بها كانت اصبحت 5000 يوم مأنا لومتهم فهل يلومنا اولادنا اننا لم نشتريها ب5000 لتصبح اليوم مقارب 35000
ولكني عرفت الان المعادلة انك لاتستطيع شراء اي شيء الا تامين احتياجاته الاساسية وان اشترى سيضطر للبيع بسبب ارتفاع المعيشة فالله يجيرنا على الايام القادمة

[Salam L]

شكرا استاذ غالب... كلامك كتير حلو...


المشكلة بس مع الموظفين الحكوميين.. صحيح رواتبنا ثابتة ... لكن هي كانت قد نصف الخاص تقريبا بوقت الرخاء.. فهلق شو بدو يصير مابعرف...

[لقماان]

صباح الخير أخي غالب كيف الأحوال
بتعرف انوا مشكلتي متلك ...
عندي أسهم ببنك الشام الاسلامي البنك الاسلامي الأول في الكذب عفوا في سوريا........
سعر السهم نزل عن القيمة الاسمية و القيمة الشرائية لليرة نزلت ...يعني بعد فترة راح تصير تكلفة حصول من يشتري أسهمي اذا ضلينا على هالحالة هي اجور المواصلات و رسم التنازل .........
و كمانة من محل تاني احطيطون أصحاب الديون الكثيرة علي عميشوفوا شلون القدرة الشرائية لديونون عمتتبخر ادام عيونون لاء و الأحلى كمان
ما عاد في أقساط للتسديد
لأنو محسوبكون صار هللء من مرتبات الجيش السوري العاطل عن العمل ....و الحر من أي ارتباط مادي .....الا مع عيلتوا .....
الله يتلطف بالعباد و بالبلاد
و الله يجازي كل مين وصلنا لهالحالة....
سواء كانت أفكاروا ميالة ...لهون أو لهنيك ....
أخي غالب كأنو شايف حالي ميال ...
ميال مو ميالة ........أنو أمرء لعندك اليوم....
اذا أأدرت ووصلت بكير راح أمرء لعندك.....
صار الشغلة بدا مستشفى ما في كلام ......

[غالب]

اقتباس: المشاركة الأصلية كتبت بواسطة لقماان    صباح الخير أخي غالب كيف الأحوال بتعرف انوا مشكلتي متلك ... عندي أسهم ببنك الشام الاسلامي البنك الاسلامي الأول في الكذب عفوا في سوريا........ سعر السهم نزل عن القيمة الاسمية و القيمة الشرائية لليرة نزلت ...يعني بعد فترة راح تصير تكلفة حصول من يشتري أسهمي اذا ضلينا على هالحالة هي اجور المواصلات و رسم التنازل ......... و كمانة من محل تاني احطيطون أصحاب الديون الكثيرة علي عميشوفوا شلون القدرة الشرائية لديونون عمتتبخر ادام عيونون لاء و الأحلى كمان ما عاد في أقساط للتسديد لأنو محسوبكون صار هللء من مرتبات الجيش السوري العاطل عن العمل ....و الحر من أي ارتباط مادي .....الا مع عيلتوا ..... الله يتلطف بالعباد و بالبلاد و الله يجازي كل مين وصلنا لهالحالة.... سواء كانت أفكاروا ميالة ...لهون أو لهنيك .... أخي غالب كأنو شايف حالي ميال ... ميال مو ميالة ........أنو أمرء لعندك اليوم.... اذا أأدرت ووصلت بكير راح أمرء لعندك..... صار الشغلة بدا مستشفى ما في كلام ......

الله يتلطف فينا جميعا

انا بانتظارك بكل الاحوال

[abu mhd]

المشكلة بصاحب الشغل الخاص انوا وقت تحكي معه بالرواتب بيقلك اي و انا لي ديون كذا مليون بالسوق كمان راحت نصف قيمتهم
او حصلهم و بلش بيع كاش لنرجع نساوي موازنة نفقات و ايرادات جديدة لحساب الرواتب

المهم أن الكل خسران فلا صاحب الشغل عاجبه و لا الموظف عاجبه و الاثنان معهم حق و بعدييييييييييين هاد السؤال المهم
لازم نسأل رامي إذا بيبين معه شي تشارت لحياتنا او مستقبلنا شو رح يكون و نقاط المقاومة و اااااااااااااااااخ صيح و اااااااااااااااخ

[د وهيب]

اقتباس: المشاركة الأصلية كتبت بواسطة mouayad    المشكلة بصاحب الشغل الخاص انوا وقت تحكي معه بالرواتب بيقلك اي و انا لي ديون كذا مليون بالسوق كمان راحت نصف قيمتهم او حصلهم و بلش بيع كاش لنرجع نساوي موازنة نفقات و ايرادات جديدة لحساب الرواتب المهم أن الكل خسران فلا صاحب الشغل عاجبه و لا الموظف عاجبه و الاثنان معهم حق و بعدييييييييييين هاد السؤال المهم لازم نسأل رامي إذا بيبين معه شي تشارت لحياتنا او مستقبلنا شو رح يكون و نقاط المقاومة و اااااااااااااااااخ صيح و اااااااااااااااخ

السلام عليكم
المهم بالازمات حكمة الهية ان نعود نتذكر انسانيتا علنا نعود الى رشدنا
*ظهر الفساد في البر والبحر بما كسبت ايدي الناس ليزيقهم بعض الذي عملوا
لعلهم يرجعون
*41الروم