أسعار و مواصفات مولدات

[رامز خليل]

اقتباس: المشاركة الأصلية كتبت بواسطة طالب البركة    وعليكم السلام اخي الحقيقة المظهر الخارجي لايكفي لتقدير الاستطاعة الفعلية ولكن يجب فحص مكونات الداخل عموما إعتبر استطاعته600 واط فعلي استطاعة الاجهزة المذكورة حوالي 300 واط بطارية 180 امبير المفروض انها تستطيع تشغيل الاجهزة لأكثر من 8 ساعات متواصلة على الاقل وحتى 12 ساعة ..... او اكثر وتستطيع اضافة بعض لمبات التوفير رأيي بطارية 100 امبير تكفي بالنسبة لأجهزتك وزيادة بالتوفيق

شكرا اخ طالب كان عندي مشكلة بالدخول للموقع عم يعطيني انو اسم المستخدم او كلمة السر غلط والظاهر انحلت المشكلة
وفي عندي سؤال تاني بعد اذنك
لما عم اوصل جهاز ال ups على بطارية السيارة عم يشتغل مدة معينة حوالي ساعتين بعدين عم يطلع صوت الصفرة المتقطعة القصيرة
وهالصوت بيطلع بالحالة العادية لما بتكون بطارية ال ups الصغيرة خلصت عالاخير
ياترى جهاز ال ups عندو القدرة لمعرفة كمية الطاقة الموجودة ببطارية السيارة
وإلا ليش عم يعطيني هالصفرة
علما انو استطاعة ال( ups (100va يعني حوالي 600 واط

[طالب البركة]

اقتباس: المشاركة الأصلية كتبت بواسطة iass    أخي طالب البركة اليوم سألت كهربجي، والحقيقة فوتني بحيط وطلعني بتلاتة. منشان هيك لازم الواحد يروح لعند كهربجي قبضاي وشغلو نضيف. لأنو الفوتة يلي فوتني فيها والطلعلة يلي طلعني منها. حسسني انو رح تكلفلها القصة شي 40 ألف ليرة. خصوصي أنو فتحلي سيرة أعمل دارة خارجية للبطارية ما بتشتغل عالخط الرئيسي. أنا حابب أشكرك على النصيحة يلي عطيتنا ياها. لانو لولاها كان أكلني الكهربجي اليوم بلا ملح. شكرا

العفو اخي اياس

حاولت ان أسُدَّ جزء من الدين الذي عليَّ لشباب هذا المنتدى

فلطالما استفدت من معلوماتكم التي تقدّمونها وحواراتكم



من ناحية اخرى تطبيقاً لقوله عليه الصلاة والسلام : " الدين النصيحة "

والنصيحة تكون لخير الدنيا كما الآخرة

فلا ارضى ان انصح في موضوع البنوك و......

ثم عندما يأتي موضوع شاغل للناس استطيع ان اقدّم فيه نصيحة ..... فأتقاعس عن ذلك

النصيحة للدنيا و الآخرة معاً

فالعفو اخي

[سندباد]

اقتباس: المشاركة الأصلية كتبت بواسطة طالب البركة    اخي الرحّالة سندباد حتى لا يحصل خطئ اقترح الاستعانة بكهربائي جيد لهذا العمل لأن فيه الكثير من التفاصيل كما قلت وهذا لمصلحتك فهناك الوطني والصيني و....ولكلٍ سعره والبطاريات هناك انواع واسعار...... انزل الى السوق وشاهد عموما وبإختصار يلزمك انفرتر + بطارية بعض الانفرترات فيها دارة شحن داخلية للبطارية وإلا فيلزم إضافة دارة شحن وايقاف شحن اذا كانت البطارية نوع جيد فـ 100 امبير تكفي 3 ساعات (شرط دارة شحن جيدة) نوع وسط 150 امبير او اكثر

اخي طالب بركة ((صحيح لتكون انت مقدم برنامج الاخباري تبع العربية ساعة 11 بعنوان ((( اااااااخر ساعة))..!! هههه

سألتك مشان اتنور قبل ما انزل لسؤق الكهربا مشان ما اكل فلم او كم من بياعين الكهربا

هي اخونا فراس السكري قالولوا شي و طلع شي تاني

لان بصراحة ماعد احدا استحى بهي الايام يا رجل من حوالي اقل شهر رحت اشتريت فيش كهربا مشان دفاية الكهربا وسالت البياع قالتلوا عطيني فيش كهربا ما بحترق مشان الدفاية

عطاني ...قلتلوا و شددت انو اكيد اكيد ما بصرلها شي

قالي لا لا لا لا مابصرلها شي ابدا هي مصممة لهشغلات

اشتريناها ركبناها وبعد اسبوعين ريحتها طلعت وفاحت بالبيت مممممممم يعني خرج الجز مز صارت

بقا مابدي اكل كم بالانفيرتر حط 10000 ليرة مشان ساعة وحدة تشغيل

على كل حال شكرا لنصائحك الثمينة

[طالب البركة]

اقتباس: المشاركة الأصلية كتبت بواسطة alahlicenter    من وين بدنا نأمن انفلتر كامل بحلب ؟؟؟؟ أفيدونا مع التكاليف ( كومبيوتر + 4 نيونات + طابعة + راوتر ) أرجوكم ياشباب

من العبّارة وعند المركز الثقافي واقرأ صفحة 3

[طالب البركة]

اقتباس: المشاركة الأصلية كتبت بواسطة رامز خليل    ياترى جهاز ال ups عندو القدرة لمعرفة كمية الطاقة الموجودة ببطارية السيارة وإلا ليش عم يعطيني هالصفرة علما انو استطاعة ال( ups (100va يعني حوالي 600 واط

نعم لديه القدرة

va 100 تعادل 100 واط تقريبا
اي لحاسبك فقط

[أبوخالد]

أرى أن هذا الموضوع الان صار ضرورة أكثر من قبل

خاصة بعد الانقطاعات المتزايدة و الاخبار عن توقف شراء الكهرباء من دول الجوار

يعني لسه الخير لقدام

[انس الحموي]

صحيح تاريخ الموضوع قديم كتير بس حابب اضع تجربتي الشخصية بهل المجال ...شباب نصيحة محد يشتري لا شاحن ولا امفرتر وتكلفة الشغلة صارت بهل الوقت 15 الف لل1500 شمعة وبالاخر للكب بالزبالة ومتل ماالكل بيعرف انو بدو اقل الشي الشاحن بدو 10 ساعات شحن حتى يشحن ويعطي تشغيل 4 ساعات وبهي الحالة الشاحن بفترات التقنين خصوصا لما بيكون التقنين 4 ساعات بساعتين ما بيشحن الربع ووخلال ساعة بكون فضي الشحن واحيانا ما بتجي الكهرباء الا ربع ساعة وبتنقطع طول النهار ...وعلى فكرة انا اشتريته وبعته بخسارة لانو والله حرام جيبته ...ومنشان هيك افضل حل ويلي جربته وصرله معي اكتر من سنة بدكم تعرفوا
بطارية 100 امبير ناشفة ثمنها اليوم قرابة 11 الف + موتور 2 حصان ثمنه 7 الاف + دينمو مارسيدس مدعبلة موديل 54 ثمنه الفين ليرة + رافع جهد 1200 واط ب3000 ليرة وبهيك العملية بتكلف قرابة 23 الف بالوقت الراهن وانا كلفتني من 8 اشهر قرابة 13 الف بس انتو بتعرفوا انو كلشي بيرتفع بارتفاع الدولار والبطارية يلي كنا نجيبها ب3 الاف صار ثمنها مو 6 ولا 9 صار ثمنها 11 الف يعني احيانا المواد بترتفع اكتر من 3 اضعافها ....ما علينا بطولة السيرة المهم التكلفة حاليا لكل هل المواد 23 الف ....

هلىء في حال اجت الكهرباء 15دقيقة كافيه لشحن البطارية 100 امبير يعني عن طريق الموتور والدينمو منشحن البطارية بربع ساعة وبتروح معي البطارية 6 ساعات متواصلة وطبعا بشغل عليها تلفزيون 21 + ديجتال + 2 لمبة انارة مقاس صغير + لابتوبين محطوطين كشحن واستخدام + علبة adsl + خمس موبايلات شحن + شحن بيل وضو مقاس كبير عدد 2 ....ومن يومها نسيت شي اسمه كهرباء وما عاد همني اذا بتجي الكهرباء 10 دقائق بتكفيني ...طيب وفي حال انقطعت الكهرباء يوم كامل او يومين لا تخافوا كمان اتدبرت اموري وجبت مولدة 5 الاف شمعة وبهل الحالة بشغل المولدة ربع ساعة وبدور عليها الموتور 2 حصان وبشحن البطارية وبهيك بكون استفدت من المولدة بشحن البطارية وبتبريد الفريزة وبعد ربع ساعة بطفيها وبكون صرفت المولدة ربع لتر بس وبهيك رجع عندي انارة وتلفزيون ولابتوبات وشحن موبايلات عالبطارية 6 ساعات ....
هادا افضل حل لقيته يا شباب وعلى تجربة والمولدة ما استخدمتها الا مرتين من سنة لانو اكتر وقت بتروح فيه الكهرباء هو 4 او 5 ساعات ولما بتجيني الكهرباء 10 دقائق بكون شحنت البطارية وفينك كمان تشتري بطارية تانية 100 امبير وهيك بصير عندك 12 ساعة بدل 6 ساعات وفينك تشحنهم خلال 20 دقيقة بس وتوصلهم على التسلسل ....فنصيحتي ياشباب الكل ينزل ويشتري بطارية مع موتور مع دينمو مع رافع جهد 1200 وينسى الكهرباء والانارة ووجع القلب

[أبوخالد]

أشكرك أستاذ أنس على هذه المشاركة القيمة

سؤال لو سمحت : من أين أستطيع الحصول على هذه الادوات مجتمعة

و لك الشكر

[انس الحموي]

اقتباس: المشاركة الأصلية كتبت بواسطة أبوخالد    أشكرك أستاذ أنس على هذه المشاركة القيمة سؤال لو سمحت : من أين أستطيع الحصول على هذه الادوات مجتمعة big grin و لك الشكر

اهلا وسهلا فيك اخي ابو خالد ....ما بعرف انت باي مدينة بس فيك تروح اي منطقة صناعية وبالاخص مكان تصليح السيارات في جنبهم دايما بتلاقي محلات بيع قطع وتبديل وادخل اي محل وقول له بدي بطارية سيارة 100 امبير ناشفه وبدي موتور 2 حصان وروح اي محل مكانيكي وقول له بدي دينمو مارسيدس مدعبله وباقي علينا رافع الجهد بتجيبه من اي محل ادوات كهربائية حتى الموتور 2 حصان بتحيبه من عنده ... وبالسوق لهلىء ما نزل هيك شي واذا نزل رح يبعوك ياه بخمسين الف واكتر فلشوا كل هادا جيب الاغراض بايدك والعملية سهلة كتير مابدها تعقيد واي كهربجي اذا قلت له عن القطع يلي قلتها لك رح يوفرها لك وتوصيلها من اسهل ما يكون وان شاء الله رح صور لك القطع بكرى وحملهم لك وصورهم لك وهم مجموعين مع بعضهم البعض حتى يستفيد اكبر قدر من الاعضاء والزوار ..تقبل تحياتي

[انس الحموي]

هي صورة للموتور 2 حصان وصورة للبطارية الناشفة واكيد الكل بيعرف شكلهم بس ارفقتهم حتى الكل يكون عنده صورة واضحة على الطريقة يلي حكيت عنها