جلسة صالون سيريا ستوكس ليومي الخميس 22 والجمعة 23 - 09 -2011

[manar]

اقتباس: المشاركة الأصلية كتبت بواسطة لقماان    مساء الخير للجميع و كل الشكر لك أبو طلال على افتتاح الجلسة

مساء الخيرات ابو حكيم
تسلم ابو حكيم
تحياتي لك و لأولادك

[manar]

اقتباس: المشاركة الأصلية كتبت بواسطة غالب    يا خيو يا ابو حكيم الدين طلع الاخ منار فاتح صالونه قبل صالوني ب 4 دقائق وعنا قانون بالمنتدى البقاء للاقدم وطبقته بدون تردد على حالي جبت ضيافاتي واجيت عند اخونا منار واكيد صالونه كبير و واسع وبيسعنا كلنا والمهم ندردش سوا مو مهم بصالون مين .

اذا ما وسع الصالون قلبي مفتوح الكم
نحن في سيريا ستوكس اخوة

[saeed]

مسا الخير لأعضاء منتدانا الغالي ...

أولاً : وقبل كل شي .. ألف الف مبروك لأسرتنا الكريمة الكبيرة أسرة سيريا ستوكس نجاح الجهود الكبيرة التي بذلت في سبيل تحقيق " صندوق الاستثمار الوطني " والذي نتأمل أن يساهم بشكل فعال وحقيقي في أخذ الدور الذي أنشئ من أجله.

ثانياً : مبروك لمن حلل واستفاد من المشاركة رقم /50/ لجلسة الثلاثاء 20-09-2011 ..

ثالثاً : نأمل أن تكون جرعات الأمل التي زرعتها منذ بداية الاسبوع قد حققت الهدف ....
والآن أتوقع بإذن الله لا داعي لأي منها ... في المدى المنظور بإذن الله ..
أتمنى لكم كل الخير والبركة والمحبة والأمل والتفاؤل الدائم بغدٍ أفضل..
تحياتي لكم

[best time]

سؤال

هل تقوم الهيئة وادارة السوق بواجبها بالقيام بحملة تعريفية للنقابات التي لها رؤوس اموال كبيرة وتحثهم على استثمارها بسوق المال؟؟؟؟؟

[saeed]

السلام عليكم ورحمة الله وبركاته ..

يسعد مساكم وكل أوقاتكم بكل خير وبركة ومحبة وتفاؤل وسعادة ..

أجمل تحية معطرة بالياسمين الشامي والورد الجوري والفل ..

جلسة موفقة وممتعة ومباركة وتمنياتي لكم بالربح الوفير بإذن الله ..

تمنياتنا بعودة الحياة أفضل مما كانت ...

[saeed]

يسعد صباحكم
ومساكم وكل اوقاتكم
بكل محبة وخير وأمل بغدٍ أفضل ...



زهور الياسمين تحسّن المزاج وتساعد على النوم

[عابر مجيب]

مساء الخير للجميع دون استثناء أكيد

جلسة اليوم مع أني لا ناوي بيع ولا ناوي اشتري كانت متعبة جدا ، حتى الشكر كان عم يعلق الصفحة ، وكل ما أنقل على صفحة جديدة كانت الصفحة تكربج ويطلعلي ياصفحة بيضة يا خطأ ، غيرت متصفحي من سيء لأسوأ . أنتو عم تشتكوا من موقع السوق ، أنا المنتدى بذاتو ما كان عم يشتغل معي . ومن بين ما تفتح الصفحة بكون نسيت شو بدي أكتب .

لسا ما صار الصندوق والناس اندفعت على الأسهم متل لقمة الغلا ، بكرا بس يوصل الصندوق شو بدو يصير ، يمكن لا خطوط هاتف ولا موبايل ، والكي بورد يشعل نار ، ورح ينزل الدولار للواحد وأربعين وأقل .

ممكن لهداك الوقت يكون تحسن السوق ، من دهنو سقيلو ، وما يعود في حاجة للصندوق وما يتابعو حدا لانتفاء السبب .

لا بد أن من باع واشترى اليوم ساهم في رفع الروح المعنوية ، ولا بد أن ذلك أدى إلى ارتفاع الأسعار ، ولكن هل الارتفاع حقيقي ؟ أم مجرد عرض وطلب لأسهم هبط سعرها ثم ارتفع ضمن اطار مجموعة مضاربين محددة محليا . يعني مثلا لو كان معي أسهم عشرة وقيمتها مئة ليرة وارتفع السعر واشتراها مني مضارب آخر بمئة وعشرة ، يعني هي الأسهم هي هي ولكنها كانت عندي بسعر عشرة للواحد وانتقلت لغيري بسعر إدعش ( هي ما حدا بيقولها غير الشوام ) وين الناتج القومي ؟ وين الربح ؟ لمين فرحانين نحنا وبمين شمتانين ؟ أنا أخدت عشر ليرات من جيب أحد إخوتنا بالمنتدى وعطيت العشر أسهم نفسهم اللي كانوا عندي ليصيرو عندو . لو بقي السعر منخفض لي وله ما المشكلة ؟ هي مشكلة الوسطاء وعمولة السوق وهم أصحاب الفائدة الأوائل في رفع السعر لترتفع قيمة نسبتهم . لا أدري ولكن ألا يعني هذا أنه علينا أن نكون كلنا مجموعة واحدة بمواجهة الغريب أو الهامور أو الحوت ؟

أتساءل دائما كلما قيل مبروك ! كأننا بعنا أو اشترينا من العدم . طيب الطرف الآخر لما اشترى أو باعنا شو مشكلتو ؟ أجدب مثلا ؟! .

تناهى إلى سمعي صوت أم كلثوم تغني : قد يكون الغيب حلوا ولكن الحاضر أحلى ، هاج الحضور وطيبولها وصفروا . سرحت بخيالي وتصورت لو كانت كلمات الأغنية بالمقلوب لتصبح : قد يكون الحاضر حلوا ولكن الغيب أحلى . هل كان خيم الوجوم على الحضور وغادروا الصلة أم كانوا هاجوا وصاحو وصفروا أيضا .

معذرة إذا كنت مملا ولكن نحن هنا في استراحة وصالون خواطر وتسلية وأحببت مداعبة دوائر المنطق في تلافيف العقل العجيب .

[ابو تيم]

اقتباس: المشاركة الأصلية كتبت بواسطة عابر مجيب    مساء الخير للجميع دون استثناء أكيد جلسة اليوم مع أني لا ناوي بيع ولا ناوي اشتري كانت متعبة جدا ، حتى الشكر كان عم يعلق الصفحة ، وكل ما أنقل على صفحة جديدة كانت الصفحة تكربج ويطلعلي ياصفحة بيضة يا خطأ ، غيرت متصفحي من سيء لأسوأ . أنتو عم تشتكوا من موقع السوق ، أنا المنتدى بذاتو ما كان عم يشتغل معي . ومن بين ما تفتح الصفحة بكون نسيت شو بدي أكتب . لسا ما صار الصندوق والناس اندفعت على الأسهم متل لقمة الغلا ، بكرا بس يوصل الصندوق شو بدو يصير ، يمكن لا خطوط هاتف ولا موبايل ، والكي بورد يشعل نار ، ورح ينزل الدولار للواحد وأربعين وأقل . ممكن لهداك الوقت يكون تحسن السوق ، من دهنو سقيلو ، وما يعود في حاجة للصندوق وما يتابعو حدا لانتفاء السبب . لا بد أن من باع واشترى اليوم ساهم في رفع الروح المعنوية ، ولا بد أن ذلك أدى إلى ارتفاع الأسعار ، ولكن هل الارتفاع حقيقي ؟ أم مجرد عرض وطلب لأسهم هبط سعرها ثم ارتفع ضمن اطار مجموعة مضاربين محددة محليا . يعني مثلا لو كان معي أسهم عشرة وقيمتها مئة ليرة وارتفع السعر واشتراها مني مضارب آخر بمئة وعشرة ، يعني هي الأسهم هي هي ولكنها كانت عندي بسعر عشرة للواحد وانتقلت لغيري بسعر إدعش ( هي ما حدا بيقولها غير الشوام ) وين الناتج القومي ؟ وين الربح ؟ لمين فرحانين نحنا وبمين شمتانين ؟ أنا أخدت عشر ليرات من جيب أحد إخوتنا بالمنتدى وعطيت العشر أسهم نفسهم اللي كانوا عندي ليصيرو عندو . لو بقي السعر منخفض لي وله ما المشكلة ؟ هي مشكلة الوسطاء وعمولة السوق وهم أصحاب الفائدة الأوائل في رفع السعر لترتفع قيمة نسبتهم . لا أدري ولكن ألا يعني هذا أنه علينا أن نكون كلنا مجموعة واحدة بمواجهة الغريب أو الهامور أو الحوت ؟ أتساءل دائما كلما قيل مبروك ! كأننا بعنا أو اشترينا من العدم . طيب الطرف الآخر لما اشترى أو باعنا شو مشكلتو ؟ أجدب مثلا ؟! . تناهى إلى سمعي صوت أم كلثوم تغني : قد يكون الغيب حلوا ولكن الحاضر أحلى ، هاج الحضور وطيبولها وصفروا . سرحت بخيالي وتصورت لو كانت كلمات الأغنية بالمقلوب لتصبح : قد يكون الحاضر حلوا ولكن الغيب أحلى . هل كان خيم الوجوم على الحضور وغادروا الصلة أم كانوا هاجوا وصاحو وصفروا أيضا . معذرة إذا كنت مملا ولكن نحن هنا في استراحة وصالون خواطر وتسلية وأحببت مداعبة دوائر المنطق في تلافيف العقل العجيب .

لا يخفى عليك يا اخ عابر ان سوق الاسهم فيه صنفين من البشر

- صنف مريح راسوا و شاري الاسهم مشان يستثمر اموالوا بلا بنوك و بلا فوائد و بلا تغير لقيمة العملة يعني شاري حالوا حدد قراراوا الاستثماري و كل اول سنة بيقبض ارباحوا و صلى الله و بارك ( هادا مستثمر )

- صنف طماع و بحب وجع الراس و صار بيع و شرا الاسهم عندو سوسة يعني بيحكو جلدوا اذا ما باع و لا اشترا بيربح شوي بيخسر شوي و فكروا دايماً مشغول بس بحس حالوا انو فهلوي و بياخد اللقمة من تم السبع و يمكن يدخل البورصة و يطلع منا بعد عدة سنوات متل ما دخل و ممكن يكون معيش حالوا من وراها او ممكن يقلس او ممكن يغتني ( هادا مضارب بكل اشكالوا ) و كل واحد صدقني مبسوط بعقلاتوا.

هلق سعر السهم اليوم بليرة بكرا بعشرة هادا غرض السوق الاساسي لانو لو الاسعار ثابتة ما كان حدن اشترى و انت و شطارتك بهالعالم الغريب العجيب يا عابر مجيب

[ابو تيم]

اقتباس: المشاركة الأصلية كتبت بواسطة manar    اذا ما وسع الصالون قلبي مفتوح الكم نحن في سيريا ستوكس اخوة

صالون مبارك علينا و عليكم انشالله
و مليان مدردشين بهدف و بلا هدف :patch_ordi:

[عابر مجيب]

اقتباس: المشاركة الأصلية كتبت بواسطة best time    سؤال هل تقوم الهيئة وادارة السوق بواجبها بالقيام بحملة تعريفية للنقابات التي لها رؤوس اموال كبيرة وتحثهم على استثمارها بسوق المال؟؟؟؟؟

لا والله لسا ما أجى ببالون هيك شي ، لأ ولسا إذا بيدلوهم على يانصيب المعرض ، أربح بكتير ، وممكن ترتفع الموارد أضعافا مضاعفة .
لا تخاف النقابات كلها مسيسة بس متروكة لعوزة ، بكرا إذا انحشر شي هامور ببيع أسهمو ، رح تقترح التأمينات الاجتماعية الدخول بالسوق والنقابات كلها أيضا وسيبارك المنتسبون بنسبة 99،9 % هذه الفكرة الذكية الجبارة بقيادة مستقبلهم وحسمياتهم في طريق التهلكة ويصبح تقاعدهم على كف عفريت . يعني ما كفى طارت المدخرات كمان وصلت للتقاعديات ؟
بأي حق يفرض على الناس أن يضعوا كل بيضهم في سلة سوق الأسهم ؟ ليش ما ياخدوا كمان مدخراتنا وهنن يلعبولنا فيون ؟
مع احترامي لسوق الأسهم ، المشكلة مين اللي بدو يقرر البيع أو الشراء ؟ رئيس ديوان النقابة مثلا أم عامل الهاتف بلكي أسرع بالتواصل مع الوسيط !.