|
||||||
| استراحة المضاربين بعد قضاء .. فترة التداول والمضاربات .. لنسترح قليلا .. هنا .. ونتكلم .. ونتناقش سوياً .. |
 |
|
|
أدوات الموضوع |
23-08-2011, 06:59 PM
|
#1 |
|
عضو أساسي
شكراً: 397
تم شكره 389 مرة في 188 مشاركة
|
مستقبل خدمة العملاء في سوريا
ذات مرة أراد رجل أن يتصل بمحل بيتزا ليطلب خدمة التوصيل للمنازل فردعليه موظف استقبال الطلبات ودار الحوار كالتالي : الموظف : نشكركم على اتصالكم , ببيتزا هَت، تحت أمرك أستاذ الزبون: فيني أطلب؟ الموظف : ممكن تعطيني رقم الكردت كارد تبعك لو سمحت؟ الزبون: ماشي.... لحظة وحدة .. 6984554610 الموظف :حضرتك الأستاذ خالد و عم تتصل من العنوان شارع الراحلة نانسي عجرم بمنطقة المالكي بالشام ورقم تليفون بيتك 0119632147 الزبون : والله شي ظريف !.. كيف عرفت كل هل المعلومات؟ الموظف: هاد النظام الجديد يللي إعتمندناه عننا بالشركة الزبون: أيوووااه ...أوكي .. بدي أطلب بيتزا سي فوود من فضلك الموظف : ما بنصحك أستاذي فكرة غير جيدة الزبون: أوف ليش؟ الموظف: من بطاقتك الصحية قدامي بيتضح أنو معك ارتفاع في ضغط الدم وارتفاع في معدل الكوليسترول الزبون : شو!!!.. ممم.. طيب شو بتنصحنا؟ الموظف: بنصحك ببيتزا المشروم خفيفة الدسم و رح تعجبك جدا الزبون: وليش بقى واثق إنها رح تعجبني !!! الموظف : لأنك اشتريت كتاب من معرض الكتاب مؤخرا اسمه: ألذ المأكولات المشروم.. من مكتبة الأسد بالأسبوع الماضي الزبون : ايوه ايوه.. أوكي .. رح أطلب منها وحدة .... حجم عائلي، الموظف: بعتقد إنك لازم تطلب وحدة تانية ... وحدة غير كافية لعائلتكم المكونة من 6 أفراد، فالمجموع بيطلع عليك 700 ليرة بس أستاذ عندك مشكلة للأسف الشديد مارح تقدر السداد بالائتمان ولابد أنك تسدد المبلغ نقداً لأنك مديون للبنك بمبلغ 37220.55 ليرة من أكتوبر الماضي فواتير بطاقتك الإتمانية و سكروا عليك حسابها غير القرض الأخير يللي عليك من البنك للشقة الجديدة الزبون: طيب رح بسحب من الماكينة القريبة من بيتي لبين ما توصل البيتزا الموظف: كمان بعتذر من حضرتك إستاذ ...ما رح تقدر ..لأنه وفقاً للبيانات قدامي فإنك اليوم سحبت الحد الأقصى المسموح فيه من رصيدك كاش ..و ما حا تقدر تسحب اليوم أي مبلغ نقدا من ماكينة الصراف الزبون: ايييييه أي والله، أخي بعات الولد وانا رح بعطيه كاش وأديش بتاخدو وقت مشان نعرف الموظف: حوالي 45 دقيقة أستاذ ، بس إذا ما بتحب تنتظر كل هالوقت ممكن تتفضل حضرتك بسيارتك الكيا البيضا الجديدة الزبون: شووو؟؟؟؟؟ الموظف : وفقاً للبيانات الموجودة قدامي فإنك اشتريت سيارة كيا جيب بيضا ، رقم اللوحة : دمشق 123456 الزبون : انت موظف سا.. و وقـ.. و رح أشتكي عليك يا.. الـ الموظف: عفوا أستاذ ...انتبه لكلامك منيح ....لا تنسى أنو عندك قضية بسبب أنك شتمت ضابط مرور بألفاظ نابية بتاريخ 15 أغسطس الماضي متل مو واضح قدامي من بيانات حضرتك الزبون: ...........لعما؟ الموظف: بتحب أخدمك بشي تاني أستاذ ؟ الزبون: لا لا سلامتك ولاشي بس البيتزا بالمشروم بالحجم العائلي مع البيبسي كولا المجانية يللي مع كل وجبة بيتزا ...، لعمه .. خدمة زبائن أما فرع مخفر.... الموظف : الحق معك .. بعتذر ما بقدر أبعت لحضرتك البيبسي المجانية ...نحن عادة منقدمها للزبائن يللي ما بعانوا من مرض السكر ... ولكن متل مو واضح قدامي بيانات حضرتك بتظهر إنك مريض بالسكر الزبون: أخي ألغي هالطلب كلووووووو ... ما عاد بدنا نتزهرم ضراب السخن ... قومي يامرة انقبري واطبخي . |
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مستقبل النفط والغاز في سوريا | the king | اقتصاد سوريا | 0 | 12-03-2011 09:43 PM |
| كيف سيكون العالم ** غدا ** حسب نظريات واخر اختراعات العلماء | the king | استراحة المضاربين | 0 | 31-12-2010 09:02 PM |
| الشركات الخليجية والعالمية التي دخلت سوريا..بالإضافة للشركات السورية الكبيرة | Speculator | اقتصاد سوريا | 17 | 23-06-2010 08:35 PM |
| من طرائف العلماء | soso | استراحة المضاربين | 1 | 22-02-2010 08:13 PM |
| توقعاتكم حول مستقبل بنك البركة ؟ | البلخي | الاسهم السورية | 5 | 30-10-2009 11:58 AM |