BROKER

__________________
--

Salam L

طبعا اللي مخليها على السحور بس هيك بدو يحكي.... انت قرر انك تفطر منيح واكيد رح تلاقي كتير انواع هههه

__________________

Salam L

ممم في عندي سؤال كتير بيحرني

ليش الشباب العزابية مابيتعلموا الطبخ!! والله القصة مالها اختراع ذري!!
وفي طبخات فعلا مالها معقدة وسهل انو تتساوى....

__________________

ابي نادر

اقتباس:

المشاركة الأصلية كتبت بواسطة salam ممم في عندي سؤال كتير بيحرني ليش الشباب العزابية مابيتعلموا الطبخ!! والله القصة مالها اختراع ذري!! وفي طبخات فعلا مالها معقدة وسهل انو تتساوى....

انا بلنسبة الي يعني بدي قشر بصل وثوم وبطاطا..........ألخ

ما بحب ابدآ وبقول بشتري جاهز بس طبعآ بشتاق لأكل البيوت لحتى حدا يعزمنا ههههههههه

احيانآ بلاقي وقت فراغ بقوم بحاول بأكلات بسيطة بس النتائج بتكون على طول في عندي نسبة فشل

بس بعرف مثلأا ققلي بيض وماجي ومعكرونة بلبن وبيض وبصل وبندورة بس فقط لاغير

يعني انا سنتين اذا ما بتجوز رح يصير وزني شي 70 كيلو مع العلم طولي 189 يعني لازم يكون وزني 85 بس هلا عما حاول انو انصح شوي بس بعد رمضان

__________________
When the rocks cry black

abu mhd

مو شغلة ما بيتعلموا
انا مثلا بعرف كم طبخة بس انوا طالع من بيتي الساعة 8 الصبح و ما برجع اقل يوم للساعة 6 المسا لسه بدي فكر شو بدي اطبخ و بلش بالطبخة بخلص الساعة 8 و جلي و مدري شو ساعة تانية
اي بكون اكلت و نمت و فقت قبل ما يطلع معي شو الطبخ مع انوا بحب اطبخ وقت كون فاضي اكيد مو محاشي بس يعني بعرف كم أكلة

برمضان بقضيها من بيت لبيت كل يوم عزيمة كل رمضان بقول بركي رمضان الجاية بتنحل مشكلتي لنشوف كمان هالسنة منقول يارب يكون اخر رمضان في شنططة

ابي نادر انت كمان متل حكايتي قاعد لحالك ما حدا معك ؟؟؟؟؟؟؟؟؟؟؟؟

__________________
شآمُ ما المجدُ؟ أنتِ المجدُ لم يغبِ ..

abu mhd

عملت بحث عن اكلة ستي زبئي
ستي زمئي

المكونات :

عدس
معكرونة (عجين)
بصل
زيت
بهارات

طريقة التحضير :

نسلق العدس مع البصل المقطع ناعم
ثم نقطع العجين (او المعكرونة) قطع طوالية بطول 2 سانتي
بعد ان يستوي العدس نصف استواء نضيف العجين دون ازالة ماء العدس
و نضيف زيت زيتون و بهارات حسب الرغبة
و ننتظر حتى تستوي تماماً و لكن نحرص على ان لا تجف الماء نهائيا
يعني طيبة تكون مسقسقة شوي

__________________
شآمُ ما المجدُ؟ أنتِ المجدُ لم يغبِ ..

ابي نادر

اقتباس:

المشاركة الأصلية كتبت بواسطة mouayad ابي نادر انت كمان متل حكايتي قاعد لحالك ما حدا معك ؟؟؟؟؟؟؟؟؟؟؟؟

من وقت كان عمري 26 سنة عايش لحالي

__________________
When the rocks cry black

Salam L

والله زعلوتني عليكن انتوا الجوز...حاستتكن متل اللي عايشين بالصومال ...ههه

مؤيد بالمناسبة كتير نساء عاملات بيرجعوا من شغلهن بدهن يطبخوا ويمسحوا البيت ويدرسوا الاولاد!!

واذا بدك في اقتراح... انت جهز طبختين مثلا يوما ما المسا.... يعني فوت اطبخ الساعة عشرة بالليل.. اعتبرها سهرة.. وضل كول من هالاكلات يومين تلاتة.... وفيك حتى تحط اكل بالفريز وقت تجي من الشغل تسخنه... صدقني القصة سهلة هي بس بدها تنظيم وتخطيط... في نسوان بيفوتوا يوم الجمعة بيحضروا مشاريع اكل اسبوع كامل... في كتير اشياء بتتحضر سلف....

بس يلا مابقى حرزانة...هانت ورح تتجوز وفي مين يطبخلك...

الضرب هلق بقى على السيد ابي نادر.... هو اللي لازم يشد همته ويتعلم شي 3 اكلات اضافية....

يعني دخلك في اسهل من الرز ببزاليا؟؟ او الرز بفول؟؟ وفي خضر مجمدة بالسوبر ماركت... وفي نسوان بالبيوت بتجهز مونة... انت بس لازم تعمل كم حركة تخطيط وتنفيذ وبعدها كلو بيمشي حاله...

بالنسبة لفطوري اليوم كان بامية ورز....

__________________

BROKER

__________________
--

Salam L

هلق احلى خبرية انك فطرت متل الخلق والعالم بغض النظر عن نوع الاكل...

بالنسبة للباسمشكات (انت عكست السين والشين) معروفة... ولو انو نحنا مابنطبخها الا نادرا جدا..

بس شو هاد دجاج تاج الملك؟؟؟

__________________