غسان

من المنطقي بعد وصول سعر الليتر الى 75 ليرة في دمشق واكثر من ذلك بكثير في باقي المحافظات
ان يمتنع المهربون عن تهريبه فبيعه محليا اربح بكثير واسهل لهم
المشكلة هي في نقص المادة وعدم توفرها وليس المشكلة في تهريبها
هذه الحجة كانت تستخدم سابقا عندما كان سعر الليتر سبع ليرات

ابراهيم طاهر

الايام الاتية اصعب بكثير من الآن والخراب قد يعم في كل ارجاء سورية اليوم المازوت وغدا" الماء وبعده الهواء
ان شاء الله مانصل الى هذه المراحل لذلك اعيد لكم كما في مقالتي السابقة العقوبات الغبية على سورية لان الاقتصاد هو للشعب السوري وليس للنظام فالعقوبات هي عقوبات غبية وليست ذكية لم تطال سوى غالبية الشعب السوري من الفقراء من اطفال ونساء وضعفاء فهذه العقوبات هي ذكية بالنسب لاسرائيل فالغاية منها تدمير الشعب السوري وجعله يعتمد على المساعدات الخارجية وهذا الذي يحصل الأن تجار تنهب وعدو خارجي يشمت .

مجد

الله يعين المسالمين من الشعب السوري وهم الغالبية العظمى من هذاالشعب.

فشعبنا طيب بشكل عام وخاصة


اذا حذفنا الخميس سنة الاخيرة من تاريخه .......

__________________

Damaslover

السلام عليكم،

الى الإخوة الأعزاء:

1- تعليقي الأول كتبت انو :(ما بئول هالخطوة رح تنهي التهريب بشكل كامل او فعال، و لكن ما سيتم توفيره رح ينعكس جوا البلد)

2- الأخ مجد : انا مقيم يالكويت و دارس بمصر 6 سنين يعني بعرفها لمصر داخلي خارجي، الرواتب ياللي عم تحكي عليها اتوفرت جديد و بالقطاع الخاص و بعد ماكان الدولار ب 4 جنيه هلأ عحيطان ال 7

3- الأرقام ياللي جبتها أكيد مو من خيالي و لا أحلامي و لا شماعاتي، ئبل ما أكتب الرد تبعي، فتحت الانترنت و عملت بحث على الرواتب و اسعار المحروقات بلبنان و الأردن، و بامكانك التأكد بقيامك بالبحث

4- الأخ عابر، برجع بأكد اني ما عم بحمل التهريب سبب مشاكلنا، و لكنه واقع و موجود، و عن استخدام اللبنانيين للمازوت للتدفئة، فانا ما فين اكد كلامك او انفيه و بحاجة لمصدر، و لكن من حوالي 3 سنوات كان في تقرير عالجزيرة، عن اللبنانيين ومشاكل الكهرباء و التقنين و استعمالهم لمولدات الكهرباء المعتمدة على البنزين والمازوت، فمو شرط المازوت للتدفئة

5- أخ غسان، كلامك 90% صحيح، لكن المازوت سلعة متل اي سلعة تانية، و متل أي محصول زراعي يتم تضمينه، و تجار التهريب و سرقة الشعب بيكونو ضامنين كمية لشي سنتين 3 لادام، هاد على كلام بعض مين الهم علاقة بالمهربين و العلم عند الله

نقطة أخيرة بحب وجهها للجميع، مين ما كنت تكون مؤيد و لا معارض، اذا ما كنا على قلب بعض و اتخلينا عن انانيتنا، في اشياء كتير رح نحس بخسارتها اكتر من مازوت و خبز


تحياتي للجميع

تعديل اضافي:

1- أخ مجد يمكن انت ما سافرت برة سوريا و شفت شوارع الاردن و مصر، ما رحت عالقاهرة و الجيزة و امبابة و مساكن عين شمس و العشوائيات و مساكن القبور، لا تشوف شارع ميدان لبنان او مصر الجديدة و تقارنو بكل سوريا، انا ئلت بمشاركة سابقة انو المصريين عندهم ثقافة السكن بالاماكن الجديدة اقوى من عننا و هي شغلة تعتبر جديدة ابتدأت باواخر التسعينات، عندك مثلا 6 أكتوبر، تخطيطها كان بالسبعينات و كانت جاهزة للسكن بأواخر الثمانينات، بعام ال 99 كانت القهوة ياللي منئعد فيها بتسكر عالخمسة المسا و مافي الدومري بالشارع، عمي ئللو لأابي كيف بترمي ابنك هيك بمنطقة مافيها الا كلاب، بحكم سكن الجامعة ياللي كنت فيو هي العمارة الوحيدة الموجود ضمن حي كامل، طبعا 6 أكتزبر هل غير و بتنافس القاهرة بالحياة ياللي فيها.

2- عم تحكي عن الغاز و الكهرباء، مصر منتجة للغاز و يتم توصيل الغاز بالانابيب للبيوت، و منشان هيك سعرو رخيص، المهرباء عم تئئلي رخيصة، يمكن لأنو اغلب المصريين ما بيستعملو مكيفات كلو مراوح و تدفئة كهربائية خفيفة، و السبب الجو العام المعتدل بمصر.

برجع بئلك معلوماتي هي مو من خيالي انا عشت هنيك و بعرف شو هي مصر، و اخي هلأ أهر سنة هنيك و اخبار مصر و احوالها متجددة عندي، هاد غير السفريات لهنيك عند الحاجة


تحياتي للجميع، و سوريا فوق الجميع

Damaslover

السلام عليكم،

الى الإخوة الأعزاء:

1- تعليقي الأول كتبت انو :(ما بئول هالخطوة رح تنهي التهريب بشكل كامل او فعال، و لكن ما سيتم توفيره رح ينعكس جوا البلد)

2- الأخ مجد : انا مقيم يالكويت و دارس بمصر 6 سنين يعني بعرفها لمصر داخلي خارجي، الرواتب ياللي عم تحكي عليها اتوفرت جديد و بالقطاع الخاص و بعد ماكان الدولار ب 4 جنيه هلأ عحيطان ال 7

3- الأرقام ياللي جبتها أكيد مو من خيالي و لا أحلامي و لا شماعاتي، ئبل ما أكتب الرد تبعي، فتحت الانترنت و عملت بحث على الرواتب و اسعار المحروقات بلبنان و سوريا، و بامكانك التأكد بقيامك بالبحث

4- الأخ عابر، برجع بأكد اني ما عم بحمل التهريب سبب مشاكلنا، و لكنه واقع و موجود، و عن استخدام اللبنانيين للمازوت للتدفئة، فانا ما فين اكد كلامك او انفيه و بحاجة لمصدر، و لكن من حوالي 3 سنوات كان في تقرير عالجزيرة، عن اللبنانيين ومشاكل الكهرباء و التقنين و استعمالهم لمولدات الكهرباء المعتمدة على البنزين والمازوت، فمو شرط المازوت للتدفئة

5- أخ غسان، كلامك 90% صحيح، لكن المازوت سلعة متل اي سلعة تانية، و متل أي محصول زراعي يتم تضمينه، و تجار التهريب و سرقة الشعب بيكونو ضامنين كمية لشي سنتين 3 لادام، هاد على كلام بعض مين الهم علاقة بالمهربين و العلم عند الله

نقطة أخيرة بحب وجهها للجميع، مين ما كنت تكون مؤيد و لا معارض، اذا ما كنا على قلب بعض و اتخلينا عن انانيتنا، في اشياء كتير رح نحس بخسارتها اكتر من مازوت و خبز


تحياتي للجميع

عابر مجيب

شكرا على جهدك ، ما حدا بيشك انو معلوماتك عشوائية ، ولا حدا بيعتبرك عم تبرر .
لذلك الاجابات ليست شخصية وعندما اذكر مثلا شماعة التهريب هذا ليس نقدا لك ولكن من آثار لوعات سابقة ، وانت مجرد ناقل للفكرة اصلا ، و لا تبرر إلا من رؤية تجدها منطقية .
عندما تعيش في دنيا نجحت في تحويل المواطن من صاحب محل إلى زبون ستبدأ بالتمحيص وتتذكر صاحب المطعم جاركم ، كيف جاب البراد والطاولات الجديدة لخدمتكم وراحتكم .
لأ يا سيدي بنرتاح على الأرض وطعمينا ببلاش .
ابحث من وراء الكواليس ، ستجد أن كل قرار تم اتخاذه يصب في مصلحة محددة وآخر هم المسؤول هو الزبون ( نحنا ).
اللي بيزعلك انو الزبون بيبقى فرحان وعم يشكر ويحمد ، وما بيشعر بالمقلب إلا بعد فوات الأوان ، وبس يرفع عينو شوي بيصير بدها قلع .
بتذكر بأفلام الجاسوسية عبارة مهمة ، عند اعدام العميل اللي خدمهم بدماتو . قال شو ؟ صار بيعرف أكتر من اللازم وطخ . ياريت خاين ياريت متعاون مع العدو ياريت سرق سندويشة معلمو !
لأ ، العلم طول عمره نور وتقدم للبشرية ، بس هون بقا ، العلم ظلمة وسوء فأل .

عابر مجيب

خطرت لي فكرة اثناء الكتابة وطارت ولكنني تذكرتها :

الناس في علاقتهم العادية يستغل أحدهم الآخر ، وذلك الآخر اللي على نياتو ، محبوب جدا ولطيف ، ويستمر المستغل ويسهب في كيل المديح لصديقة الطيب ، الكريم . ويستمر الاستغلال وتتعمق المعرفة وتتكشف الأسرار ، فيأخذ عليه ذلات لوقت الحاجة !
يصحو ضمير المستغل ، فيجد التبريرات جاهزة :
يلا الله اتطلع بوشو انو انا اللي عم استغلو ، والله واحد غيري كان خرب بيتو
بعدين يخرب بيتو شو بدو بهالمال ؟ لك يصرف ويتمتع ، حقيقي مال الخسيس بيروح فطيس
بدي اشفق عليه وخالف الدنيا وبعدين شو أخدت ؟
ثم تتحول العلاقة من المحبة والمودة إلى كراهية ضمنية ( ليش لكان بيقلك يحبه في الله ؟ مو استغلال )
فيبحث في حياته عن اسباب يكرههة من أجلها ، لا يجد
يتذكر ان للمذكور قريب لا يحبه فيبني على ذلك (من الحبة قبة ) نعم يخرب بيتو ليكو قريبو موطايقو !
ثم هاي امرأة اللي عندو ؟ اقسم بالله ما بشغلها لفاية
تتغير الوجوه عند المقابلة ويبدأ بالشعور بما بداخله وكأنه رد فعل لمشاعر الآخر
يرتكب حماقة بطلب واضح الاستغلال (دين اواستعارة)فيرفض الآخر ، له ابن الحرام هلأ ما بقا بدو ؟
يحاول خداعه فلا ينخدع هذه المرة ، فيجد المبرر للانتقام :
والله صحيان هالأبن الحرام مالو قليل، ويحيك له مقلب يتناسب مع الحدث ويثأر به لنفسه من هالشقفة أجدب ، وإذا حاص ولاص بينكتلو من خبايا اسراره القديمة اللي حكاها بحالة صفاء نفسي وتعبيرا عن الندم أمام من توسم فيه الخير يوما ما .
طبعا صاحبنا الدرويش بيزيدو شيباتو ، وبيتعلم درس جديد ، وبيتملص شوي شوي

لقماان

مو سعر المازوت بالسوق السوداء بحلب فوء المية
طيب الحجة انو المسلحين آطعة الطرئات للصهاريج ...
طيب اتركوا الناس يلي بدها تاخد مازوت و غاز لهديك المناطق ..تاخدون براحتا .....
لي عمتتصادر كل عبوة غاز أو أنينة مازوت أو بنزين على الحواجز يلي على طرف السلمية و قبل الوصول الى أوتستراد حمص حلب الدولي بعد ما نكون لفينا من شرقي حمص مشان ما نمرء بالرستن .......
......التهريب حاليا يا جماعة في الوا فوائد أحيانا ...
هللأ لولا ما ارتفع السعر بحلب و صار مغري للتهريب
و لولا فوتة المهربين على الخط
برأيكون أدي كان سعر المازوت بحلب ....أو بالأصح كان في مازوت ولا غاز بحلب ...........
هاد التهريب بيعمل توازنات ...
بكرا راح اطلب من الحكومة الجديدة ...حكومة الوحدة الوطنية .......
انو تسمح بالتهريب بشكل نظامي ....
يعني تقوننو .......
و تطالع رخص سنوية
....فلان الفلان
معو رخصة تهريب .....بيصير يطالعا هيك على حواجز الجمارك بكل ثقة وأمن
و أمان ..............يعني مواطن محترم ...................
و بنعمل اتفاءات بيصير ممكن نطالع رخصة قانونية للتهريب و دولية كمان .................
بس على بطاقة الترخيص (التهريب) ما راح نقترح انو تنحط صورتو للمهرب ....................و هو حاطط النضارة السودة و عميضحك الضحكة الصفرا .............
اي مو لهدرجة هزلت ....نائص نعملون نقابة كمان..

__________________
أبو حكيم الدين

غسان

المشاركات الاخيرة اعجبتني ولو خرجنا عن الموضوع الاساسي ولكن فيها من تخاطر الافكار وسبحان الله من بضعة كلمات في المشاركة الاولى
كان نتيجتها افكار ربما تغير طريقة نظرتنا للامور
ومتابعة للتخاطر ربما فكرة او حدث صغير يغير على ارض الواقع الكثير
مثلا زوجان جالسين ومبسوطين وعم يحكو من فكرة لفكرة ومن كلمة لكلمة وصد ورد قد تحدث بعد ساعة مثلا شجار وربما طلاق ايضا
والسبب كلمة او فكرة القيت جزافا في بداية الحديث ولو ان الطلاق تم ولكن من المؤكد وجود تراكمات ادت الى هذه النتيجة
احيانا امور صغيرة لانلقي لها بالا كبيرا تؤدي الى نتائج وخيمة
يعني مجموعة اطفال شاهدوا شيء على التلفزيون لمعت براس احدهم فكرة واراد ان يقلد ماشاهد ويكتبها على الجدران مثلا
كان من الافضل نظريا اعتبارها مزحة ومسحها وكأنها لم تكن كيف سيكون الوضع عندها ؟؟!!
صديق للعائلة ومنذ سنوات اراد ان يذهب للبحر مع عائلته بالسيارة وعند الفجر ركب سيارته وانطلقوا
وخلال الطريق ربما توقف لدقائق هنا او هناك مرة اومرتين للاستراحة مثلا
عند احد التقاطعات حدث الصدام مع سيارة مسرعة ادت لوفاته مع فرد اخر من العائلة
في لحظة الصدام التي توافقت بين الطرفين حدثت الماساة كل منهما خرج من بيته في لحظة معينة ليلتقيا في نقطة الحادث
ربما لو زاد في مدة استراحته عشرين ثانية لكان الحادث لم يتحقق وكانت السيارة الثانية تكون قد مرت في تلك الثوان
يمكن ان نقول ان نصيبه ان يموت في تلك اللحظة واجتمعت الاسباب لحدوث ذلك
ولكن ذلك لا يمنع ان نجتهد بعمل الافضل والصحيح والباقي على الله