صالة أسعار صرف الدولار وباقي العملات مقابل الليرة السورية ليوم الخميس 16/5/2013

[hazwany]

اقتباس: المشاركة الأصلية كتبت بواسطة محمد عامر النجار    السلام عليكم ورحمة الله صحيح أني عادة آخذ دور الداعي للصبر و الرضا لكني أحتاج الآن الى من يصبرني يعني باختصار صرلي 10 سنوات عم أشتغل عالأقل 3 شغلات باليوم جمعت فيهم 900000 طبعا لأني ساكن مع أولادي ببيت أهلي وما عم جيب غير الضروري وشغلت مخي على أساس واشتريت أسهم بالاسلامي خسروا نصف قيمتهم بعد ما تحسن السعر شوي بعتهم وقلت يقلبهم دولار وقت كان 132 ما لقيت حدا يبيعني من اللي بعرفهم بسبب خوف الناس كانوا بجيبوا 3500 تقريبا اليوم ما عاد يجيبو 3000 قلت بقلبهم دهب وبعد 3 سنين ببيعهم لادفع جزء من حق بيت الإسكان لانو على اساس الدهب نازل سالنا واحد قريبنا قال الأونصة 208000 وبالموقع مكتوب 194150 سالت قال الغرام 21 5550 و بالسوق 5700 معناها بدو أجرة حتى يجيبها و يبيعني ياها 5500 واذا اونصتين يعني بدو 11000 بالآخر بطلت أشتري شي ودعيت على تجار الذهب و الدولار وكل تجار البلد اللي ما بخافوا الله وكرهت عيشتي وعرفت ليش الله سلط علينا ما نحن به من بلاء ولكن سأبقى أتعامل مع الناس برحمة وسابقى اشكر الله على الصحة وسلامة الأهل والأولاد عندما انظر لمن كان بلاؤه اشد مني وسابقى ادعوا لوالده أستاذنا و أخونا الكبير رامي العطار ولمن أعرفهم من المظلومين ولمن لا أعرفهم وارجو من الله ان يحييني ان كانت الحياة خيرا لي او يميتني ان كان الموت خيرا لي اعتذر للإطالة وشكرا لمن عذب حاله و قرأ قصة مواطن سوري معتر *

أخي الكريم بدك تطول بالك
خود حسبك الله، ما باليد حيلة، ومتل ما قلت إذا نظرت إلى مصائب الناس ترى مصيبتك لا تساوي شيئا أمام عظم مصائب الناس
هاد الي راح بيتو... وهاد الي فقد ابنو... وهاد الي فقد أبوه.... وهاد الي راح مصنعو... وهاد الي راح بيتو ومصنعو... وهاد الي فقد كل عيلتو.... وهاد الي فقد كل حارتو.... وهاد المعتر... وهاد المتشرد... وهاد النازح.... وهاد اللاجئ..... إيه الله يرحمنا.
شو بدو الواحد يحكي ليحكي

[seraj]

[QUOTE=hazwany;267176]

والله يا أخي الكريم الفاتحة على روح هالشعب المعتر
المركزي مو رايحلو شي، كل ما ارتفع السعر هوي ببيع دولاراتو بأسعار فلكية
وبيعطي هالموظفين المعترين ليرة سوري وبيطلع من هالكارثة ربحان
يعني الرابح الوحيد هوي المركزي، والخاسر الأوحد هو الشعب

بس أكيد رح يتدخل بالأخير، لأنو لازم يبيع دولار ويربح أكبر ربح ممكن، وهالشي رح يكون لما بيصل الدولار لأسعار مقبولة

بعيد الشر

[Dynamic Pulse]

اقتباس: المشاركة الأصلية كتبت بواسطة adib    نزل الدولار شوي 153 للمبيع

أحلى أخ أديب والله
هيك خلينا نشوف مشاركاتك الحلوة عالطلوع وعالنزول كمان

[عمار اللامي]

اقتباس: المشاركة الأصلية كتبت بواسطة الياطر    سعر الذهب الكسر في دمشق٦،٤٥مساء ٥٨٠٠للمبيع ٥٦٥٠للشراء

وين أسعار اللاذقية ؟؟؟؟؟؟؟؟؟؟؟؟

[shereen]

اقتباس: المشاركة الأصلية كتبت بواسطة shereen    صباح الخير انا بتوقع اليوم الدولار اذا ماصار تدخل من المركزي لح بيكون قريب من 155 واذا صار تدخل يضل ثابت بحدود ال 140 او شو رايكم

[arc-samer]

شكرا للجميع على مساهماتهم وجزاهم الله خيرا
والله في عون العبد ما دام العبد في عون أخيه
جعلنا الله جميعا من المتعاونين لبناء سوريا جديدة
واعادة قيمة الليرة فلا نشتري أو نبيع الا بالليرة مما يساهم بزيادة الطلب وبالتالي تحسين القيمة

[seraj]

إلى كل من يضارب على الليرة أرجو أن يتخيل نفسه أمام رب العباد و هو يسأله كيف تعين الظالم على الظلم ماذ سيجيبه و هل سيستطيع أن يجيبه , لمن يؤمن بالله و اليوم الآخر , لمن كان عنده ضمير مهما كان اعتقاده أرجوكم كفو عن هذه الجريمة أنها جريمة بشعة جدا هل ستكون سعيدا لو كسيت ملايين الدولارات و مات طفل من الجوع أو البرد بسببك , أيها الأخوة يا أخوتي بالوطن و الله كفانا ما نراه على الشاشات يا أخي إن أعدائنا يشمتون فينا و أصدقائنا يبكون علينا أفلا نكون رحماء بانفسنا و الله و أنا أكتب هذه الكلمات دمعت عيني لما تذكرت كلمات أخا لنا من حلب و كلكم شاهده على الشاشات حاج بقى و الله تعبنا , قد ينتقدني البعض على كلامي كونه عاطفي و لا وجود للعاطفة في إدارة الأعمال و لكننا مهما كنا منغمسين في عملنا فلا يجب أن يغيب قلبنا و نحن نشاهد الناس و هي تركض هنا وهناك لتؤمن قوت يومها أما سمعتم عن تقرير الأمم المتحدة و الذي يقول أن هم المواطن السوري هو كيف يؤمن معيشته لليوم التالي , ليس على راس أحدنا ريشة و سمعنا عن تجار كبار خسروا كل شيئ في هذه الأزمة , و الذكي من اتعظ بغيره

[سوري مغترب]

الدولار لادين له ................
ياعمي كنا عم نشتغل ونحمد ربنا منين اجتنا هالسوسة تبع الدولار
ضغطي صار عم يتناسب طردا مع حركة السوق بيطلع عطلعة الدولار وبينزل عنزلتو
الله يستر مابقى ينزل ....ونروح نحن وهالشعب المعتر بالجلطة

[محمد عامر النجار]

اقتباس: المشاركة الأصلية كتبت بواسطة hazwany    أخي الكريم بدك تطول بالك خود حسبك الله، ما باليد حيلة، ومتل ما قلت إذا نظرت إلى مصائب الناس ترى مصيبتك لا تساوي شيئا أمام عظم مصائب الناس هاد الي راح بيتو... وهاد الي فقد ابنو... وهاد الي فقد أبوه.... وهاد الي راح مصنعو... وهاد الي راح بيتو ومصنعو... وهاد الي فقد كل عيلتو.... وهاد الي فقد كل حارتو.... وهاد المعتر... وهاد المتشرد... وهاد النازح.... وهاد اللاجئ..... إيه الله يرحمنا. شو بدو الواحد يحكي ليحكي

شكرًا أخي صحيح ما عندي بيت ولا محل ولا املاك غير هال 450000بس مثل ما قلت الحمد لله على الصحة والسلامة حسبي الخالق من المخلوقين حسبي الرازق من المرزوقين حسبي الذي هو حسبي ولا حول ولا قوة الا بالله العلي العظيم اللهم عجل فرجك على المظلومين وارفع حلمك عن الظالمين

[abashi]

الدولار اذا بيكمل هيك بيجوز يقدر يفوت كلية طب برياحة