سعر صرف الليرة مقابل الدولار 16-7-2012 في السوق السوداء

[AnGeL_EyEs]

اقتباس: المشاركة الأصلية كتبت بواسطة f.fatina    يسعد صباحكن اخواتي شفتو ليش أنا بحب هاد المنتدى أديش الجو حميم وأخوي شايفين كيف كلكن سألتو عني واستفقدتولي وأختي ياسمين ميارح كتيييييييييييييير انبسطت بتلفونا رح قلكن مبارح شو صار من طأطأ لسلام عليكم امبارح بدقلي أبي شي الساعة 5 وتلت بقلي أوعك تتأخري اليوم لأن الأمور خربانة ولا تجي من طريق المخيم لأن في مشاكل عند قسم شرطة التضامن تعي من طريق التضامن الجواني بين الحارات مافي مشاكل طبعاً هون دقتلي ياسمين تطمن علي (تسلم لقلبي ريتها) وكمان كنا عم نسمع أصوات قصف وشو أنا مفكرة أن القصف من كفرسوسة مو عرفانة أن القصف قريب من بيتي المهم أنا رجعت بمكيرو ميدان وكان في بنهر عيشة عالطريق مظاهرة وحرق دواليب وبس وصلت عالميدان وقفت انطر ميكرو وماكان يجي ميكرو أبدا أبدا طبعاً التكسي بس يعرف أنك طالعة عالتضامن أو عالمخيم لحالو بيهرب لهيك ماعزبت حالي ووقفت تكسي المهم وبعد طول انتظار اجا ميكرو فلسطين ركبت فيه قام نزلني عند القاعة لأن مافي طريق لجوى أبدا طبعاً أصوات القصف وأصوات الرصاص مو معقولة ورجعت من القاعة عالبيت مشي شي شوف نسوان عن تبكي وشي شوف مرة معانقه ابنها وخايفة عليه وعم تبكي وأنا مو عرفانة شو القصة (متل الأطرش بالزفة) المهم كان كأن يوم قيامة مشيت شي نص ساعة بسرعة كبيرة وأنا عم شوف هالمناظر واسمع أصوات الرصاص وبعد ماوصلت عالبيت عمتى زلغطت من فرحا (تخيلو) المهم شبكة موبايل مافي كهربا مافي أصوات الرصاص بتأشعر البدن وأصوات القصف الله يجيرنا قلي أبي بكرا مافي روحة عالشغل قلتله ماشي اليوم تركتو نايم وطلعت من البيت الصبح شي 8 مافي ركب ولا ميكرو ولا تكسي ولاشي مشيت نفس مشية مبارح لحتى لقيت تكسي فيو 3 قام دحشني معن من ورا هيك لوصلت اليوم عالشغل الله يعينا عالرجعة اليوم لأن عندي دورة مابتخلص ل 8 المسا تخيلوا روااااااااااااااق

الحمد لله ع سلامتك أختنا سنفورة وسلامة اهلك
ونتمنى السلامة لكل شخص سوري
والله ينتقم من اللي وصلنا لهل الوضع

[f.fatina]

انا بخير
وصلت بالسلامة الحمدلله

[AnGeL_EyEs]

اقتباس: المشاركة الأصلية كتبت بواسطة BROKER    الحمد لله على سلامتك انسة فاتنة "السنفورة" المشاغبة يعني يا غافل الك "الله" الناس بتكون في بيوتها وبعملها فجأة بشوفو الجيش "الوطني" عم يقصف يعني على الاقل لو كان هنالك حرب مع العدو بعرف انو في شي اسمو صافرات انذار لحتى تنزل العالم على الملاجئ وتحتمي من القصف ..... وصافرات لحتى تطلع وترجع لحياتها لكن جيشنا "الله يحميه" مو سائل على حدا إلا على البلد وامن البلاد وحماية البلاد آمنا وصدقنا وعرفنا وفهمنا الاسطوانة تبع العصابات الارهابية المسلحة يلي روعت العالم ..... طيب انتو شو عملتو ؟؟؟ يا محلى ترويع العصابات أما ترويعكم الحمد لله على سلامة الجميع وحسبنا الله ونعم الوكيل

يسلم تمك على هالكلام الذهب وأخر جملة اكتر شي عجبتني يا محلى ترويع العصابات أمام ترويعكم
بتصدق أخي هداك اليوم ع حاجز وقفونا لك بدون ما يحكي شي قال صار يخخف دم ويقلو رشهن رش ع السيارة ع الدواليب لا تخليهن يهربوا ومعنا ولاد ونساء اتصور بهيك موقف وهو بيضحك وبيقلو مشيه مشيه شو ما عملت فيه وشو ما رديت عليه بيكون قليل بحقو

[AnGeL_EyEs]

اقتباس: المشاركة الأصلية كتبت بواسطة m3maher    السلام عليكم جميعاً في سؤال تاني مهم أكتر أنه ليش العصابات المسلحه أو المنشقين أو الجيش الحر أو شو ما كان يكونو ليش ما يطلعو عالبراري والجبال والوديان والصحارى يقاتلو النظام أو الجيش النظامي أو الشبيحه أو شو ما كان يكونو ولا يدخلو بين الأبرياء والآمينين بالأحياء السكنيه فيتم قصف الأبنيه بمن فيها من أجل مسلح واحد مختبأ فيها !!!! الثوار زمن الفرنسيين كانو يتخبو ببساتين الغوطه والجبال مو بين السكان والأحياء الآمنه والله وصلنا لمرحلة القرف من كل الأطراف المتقاتله

شكرا الك ع كلامك أخي بس بحب اني فيدك بمعلومة من قبل وجود يلي ذكرتهن (العصابات المسلحة أو المنشقين او الجيش الحر) اتبخوشو ادنينا بهالاسطوانة
ونزل الجيش ونزلوا الشبيحة والأفرع الأمنية وكل واحد بيتذكر هالشي وكم مدينة وقرية اقتحمت قبل وجود المذكورين أعلاه .. وشكرا الك

[AnGeL_EyEs]

اقتباس: المشاركة الأصلية كتبت بواسطة سندباد    لا حدا يجي للميدان ماحدا عم يقدر يهرب ولا حدا عم يقدر يدخل.... قتال عنيف عم يصير بكل احيائه......اصوات تكبير و انفجارات و رصاص مصفحات قناصة يعني فلم اكشن بكل المعايير الهولودية ...وراصاص دخل للبيت ...يعني فرطت الشغلة ياشباب .....big grin ادعولنا الله يصبرنا ويثبت اقدامنا وينصرنا على القوم الظالمين...........

الله يصبركن ويحميكن ويبعد عنكن كل مكروه ويثبتكن ويأيدكن من عندو بمدد
اللهم آآآآآآمين

[AnGeL_EyEs]

اقتباس: المشاركة الأصلية كتبت بواسطة جنى    على فكرة العصابات المسلحة هنن يلي عم يقصفو ويهجرو مو يلي عم يدافعو عن النفس؟

مزبوط مزبوط هالحكي جنى هنن يلي عم يقصفوا ويضربوا ويهدموا وينهبوا وينشلوا ويخطفوا

هدول العصابات المسلحة من أيام بدري بيك أبو كلبشة تبع صح النوم كانوا معجزينو لأبو كلبشة

[AnGeL_EyEs]

اقتباس: المشاركة الأصلية كتبت بواسطة expert    حفظ الله الابرياء ودفع الظلم عن كل السوريين اخي جملتك الاخيرة هيك معناها معناها انو لما بيجيك ظلم من شخص او جماعة قوية لا تستطيع دفع ظلمها المفروض تتحمل الظلم والاذى والاعتداء على دمك وعرضك ومالك لانك اذا حاولت دفع الظلم سيرد عليك الظالم بظلم اشد قد يطالك ويطال من حولك من الابرياء صح؟؟؟؟!!!!! اي المذلة ولا الموت حسبي الله ونعم الوكيل. مع الاسف اعرف ناس كثيرين يفكرون بنفس المنطق وفي نا س بتقلك المضطر بياكل مع صاحب مرته وبيقلك يللي بياخد امي بقله ياعمي عما الدبب لهذا المنطق قمة الهوان لا يا سيدي الموت بشرف ولا المذلة والحياة بقرف

شكرا لكل كلمة قلتها أخي اكسبرت وبحب ضيف من عندي
إن عشت فعش حراً أو مت كالأشجار وقوفاً
وقوفاً كالأشجار

[AnGeL_EyEs]

اقتباس: المشاركة الأصلية كتبت بواسطة الفهد السوري    مافي شي بالشام هي كلها فبركة من الجزيرة والعربية القنوات التي تشارك في سفك الدم السوري موهيك بتقول قناة الدنيا ؟؟

نعم نعم أخي الفهد السوري ... كلامك مزبوط هيك بتقول قناة الدنيا
وبتقول كمان هدول العصابات عم يروعوا المواطنين الآمنين والمواطنين الشرفاء بيطالبوا بدخول الجيش

[najm]

اقتباس: المشاركة الأصلية كتبت بواسطة f.fatina    الله يعينا عالرجعة اليوم لأن عندي دورة مابتخلص ل 8 المسا تخيلوا روااااااااااااااق

الحمد لله على سلامتك بس يعني الدورة اهم من حياتك !

[AnGeL_EyEs]

اقتباس: المشاركة الأصلية كتبت بواسطة tareq    انشاء الله الجميع بيكون بخير وما تنزل نقطة دم من أي سوري الا بمكانها الصحيح وما نسمع ابدا عن شهيد الا يكون شهيد بحرب مع اسرائيل. الله يرد كيد كل من يريد بالبلد السوء إلى نحره ويهدي الاحوال انه على كل شي قدير وما يجي رمضان الا ورجعلنا الامان والهدوء والمحبة بكل بلدنا

اللهم آمين اللهم آمين اللهم آمين
ربنا تقبل منا واستجب لنا انك على كل شي قدير ياااارب