مطلوب جهاز Galaxy Tab

[نضال العلي]

اقتباس: المشاركة الأصلية كتبت بواسطة غسان    شايف هون صار في امتال كمان اخي نضال ليش ماوصيت خالك على اي باد مو احسن لك من السامسونج؟؟

أخي غسان ما بعرف حسيت الآي باد سعره عالي بسبب شهرته و بعد المقارنة وجدت أن المعادلة سعر و جودة الأفضل للسامسونج غالاكسي تاب 10.1 .
و الأخير يحتوي على مدخل فلاشة يو اس بي.

[نضال العلي]

اقتباس: المشاركة الأصلية كتبت بواسطة Salam L    ايواا... شو مشاني انا... رح اطلع من المولد بلا حمص.... حدا يلاقيلي جهاز بدون ما ادفع "بقرة جحا" هههههههههههههه

لا شو تطلعي من المولد بلا حمص لعيونك أخت سلام ، هي أحلى صحن حمّص

[hesham]

اقتباس: المشاركة الأصلية كتبت بواسطة نضال العلي    لا شو تطلعي من المولد بلا حمص لعيونك أخت سلام ، هي أحلى صحن حمّص

شكرا اخي نضال
ولكن الغش حرام
هادا صحن فول بحمص وليس صحن حمص فقط
لذلك اقتضى التنويه

[نضال العلي]

أخي هشام عديها..............

[Salam L]

هههههههههههههههههههههههههههههههه

مابيصير شو يعديها.. صحن مغشوش تحت الحمص في فول مشان ينفشوا الحمصات لفوق....

انا شايفة مارح لاقي شي مستعمل نظيف ورح بطل كل الموضوع...

[نضال العلي]

أخت سلام ، ما رح تلاقي مستعمل حالياً لأنو بسبب قطع الكهرباء الكل بحاجة هذا النوع من الأجهزة و كانت الناس تبيع لحتى تجدد و تغير الجهاز و لكن بسبب الغلاء ما حدا عم يبيع و أنا منن.
كنت ناوي بيع اللاب توب و آخذ واحد جديد، بس عدلت عن الفكرة الى اشعار آخر بسبب الغلاء.
بالعادة كل سنة بغير اللاب توب و الموبايل.حالياً عم فكر غيّر كفر الموبايل و فأرة الكومبيوتر لأتضحك على حالي.

[Salam L]

اقتباس: المشاركة الأصلية كتبت بواسطة نضال العلي    أخت سلام ، ما رح تلاقي مستعمل حالياً لأنو بسبب قطع الكهرباء الكل بحاجة هذا النوع من الأجهزة و كانت الناس تبيع لحتى تجدد و تغير الجهاز و لكن بسبب الغلاء ما حدا عم يبيع و أنا منن. كنت ناوي بيع اللاب توب و آخذ واحد جديد، بس عدلت عن الفكرة الى اشعار آخر بسبب الغلاء. بالعادة كل سنة بغير اللاب توب و الموبايل.حالياً عم فكر غيّر كفر الموبايل و فأرة الكومبيوتر لأتضحك على حالي.

لا مارح اضحك ابدا.... انا لو ما وصلوا موبايلي واللابتوب لحالة كتير صعبة ماكنت غيرت.... يعني الواحد اذا مالو مضطر مابيتشري بهيك اسعار خرافية... كل قطعة زاد حقها 50% على الأقل...

وانا فكرة التاب اجت لأني اشتريت خط 3 جي للموبايل... فلقيت انو صعب بدل الشريحتين كل شوي... اجيت اشتري جهاز تاني لقيت مالو طعمة ابدا... وتاب ماعندي... فلقيته حل مناسب...

هاد هو كل الموضوع...

[غالب]

اقتباس: المشاركة الأصلية كتبت بواسطة salam l    هههههههههههههههههههههههههههههههه مابيصير شو يعديها.. صحن مغشوش تحت الحمص في فول مشان ينفشوا الحمصات لفوق.... انا شايفة مارح لاقي شي مستعمل نظيف ورح بطل كل الموضوع...

هل تقصدين نغلق لك الموضوع مثلا ؟؟.

[Salam L]

Vههه

اقتباس: المشاركة الأصلية كتبت بواسطة غالب    هل تقصدين نغلق لك الموضوع مثلا ؟؟.

ههه شو ما صدقت استاذ غالبب... بدكن موضوع تسكروه من الله...


انا اذا لقيت طلبي رح اشتري... بس قصدت اانو رح غير رأيي لاني على الاغلب طلبي صعب

[غالب]

اقتباس: المشاركة الأصلية كتبت بواسطة salam l    vههه ههه شو ما صدقت استاذ غالبب... بدكن موضوع تسكروه من الله... انا اذا لقيت طلبي رح اشتري... بس قصدت اانو رح غير رأيي لاني على الاغلب طلبي صعب

1- هل طلبك صعب
2- هل انتي مترددة
3- هل سوف تغيرين رأيك
4- بس لن نغلق الموضوع وسنبقى بأنتظار معلومات جديدة وعرض جديد

اخيرا احببت ان أشكرك كثيرا لانك بهذه الطريقة المحترمة والبسيطة تطلعيننا انتي والشباب الطيبة على معلومات فنية قيمة بطريقة بسيطة وتنبهيننا لمواضيع وتفاصيل قد لا ننتبه لها على عجالة اثناء دخولنا للمحلات .

لذلك من المفيد ان يعرف الواحد طلبه وماذا يريد ولا يتسرع في الشراء ابدا لان البضاعة موجودة لن تطير والتكنولوجيا كل ما اخرت الشراء ربما حصلت على الافضل فنيا وتطورا .
ملاحظة = هاتفي نوكيا يسمونه الشيطان اشتريته لابني سنة 2005 استعمله مدة بسيطة ثم لم يعجبه فكان من نصيبي وهو فنلندي واصبح قديما وسميكا الا انه اصليا ويعمل بكفاءة وبدلت بطاريته بعد ست سنوات استعمال ولا يشكي من شيء للان لم ارى سببا واحدا يجعلني ابدله واقول لن يسرق مني لانه غير غالي . ومو ضروري مدير النوكيا يتفسح ويسوح على حسابي ربما انا مخطئ ولكننا مقتنع وهذا اهم شيء في الاجهزة المشتراة لانه كل شهر وكل اسبوع وكل يومك يوجد جديد ويكفي ان نتطلع للهارد سنة 1956 ونرى الفرق والذواكر واستطيع ان اقول انني واكبت تكنولوجيا الكمبيوترات منذ 1984 وحجم التغييرات التي جرت عليها ويعجبي في احد الايام ان اذكر مواصفات واسعار الاجهزة التي اقتنيتها . نحن جيلنا من المخضرمين وكثيرين في مثل عمري لا يستعملون التكنولوجيا .

لذلك ارجو لك التوفيق في الحصول على الجهاز الذي رغبتي بشراءه . وسيقى الموضوع مفتوحا لنستفيد كلنا وأنا سأسبقك ان شاء الله حيث انني سأشتري اي باد 2 مستعمل من دبي وعندما أحصل عليه سأذكر مواصفاته وسعره .