عضوية مميزة
تاريخ التسجيل: Oct 2009
الدولة: سورية
المشاركات: 5,533
شكراً: 9,602
تم شكره 8,287 مرة في 3,384 مشاركة
رد: حتى نكون واقعيين أكثر .. في السوق
طيب ليش ما بتنسخوا كمان مشاركات الاعضاء اللي رسمتلنا احلام وردية؟؟؟
تذكروا قبل كل هي الاحداث وقبل زيادة قطر كيف كانت هديك الاصوات صوتها عالييييي ومؤثر...ياريت تقارنوا بين حجم الموجة الايجابية وحجم السلبية ونسبة المشاركات بهداك الوقت.......واللي اكيد بتعبر عن المزاج العام للخبراء قبل الناس اللي متلي
انا ماعم لوم حدا لكن الحق يقال انو فكرة الصعود مالها من اختراع الصغار امثالي!! اكيد أنا جبت هالحكي من مكان ما وما اخترعته من عقلي اللاواعي لأني ببساطة طماعة!! واكيد انا وكتار متلي كانوا يسألوا ويتابعوا ويستشيروا على الطالعة والنازلة لكن بعمروا ماحدا قلي عن سهم من اسمهي انو خطير...والرسائل الخاصة عندي بيني وبين عدة اعضاء شاهدة على هالشي!!
واعذروني اذا بقلكن انو هلق كمان عم ترسموا احلام وردية جديدة للمضاربة بالوضع الحالي...بخبر واحد او تفجر الوضع بأي مدينة كل كلامكن عن الارباح اللي ممكن نحققها هلق بيروح ادراج الرياح....يمكن تظبط مرة او مرتين او تلاتة...بس القصة فيها حظ قولا واحدا...لانو ماحدا بيعرف البلد لوين رايحة...
مثال صغير على الاسلامي...يوم الاربعاء الماضي على ما اعتقد لما صار شوية حكي بالمنتدى عن دخول شخص معين وانتظاره ولما حسينا انو دخل فعلا كان كتير ناس ممكن تشتري السهم ب 896 تقريبا وهي مطمنة...وليكو هلق نزل 3 جلسات متوالية على الحد الادنى وشكلوا مو ناوي يوقف واي شخص حتى لو كان اشترى على دفعات هو خاسر حاليا ورجع علق وهالسيناريو صار مكرر شي مرتين تلاتة....اكيد هلق بعد ماشفنا مسارات الاسهم سهل كتير كتير نقول للناس والله لو اشتريت بسعر 735 وبعت ب 950 كنت ربحت مدري قديش بالمية!!! بس السؤال هل كان سعر 735 بنظرنا هداك الوقت سعر مناسب!! هل قدر حدا يفوت بعده!! اللي ماباع وقت ارتفع لل 950 هل كان واثق انو هاد اخر مطاف الارتفاع وانو السعر رح يسقط سقوط حر لل 820!! هل اللي اشترى من يومين كان متوقع انو رح ينزل السعر بعد دخوله ولسا السهم مستمر... كل هالحكي كان بعلم الغيب...يمكن حدا ظبطت معه بهي الطريقة اكيد لكن بيكون الحظ والقدر وقف بصفه...لا التحليلات ولا التوقعات ....وممكن ناس محترفين ظبطت معهن لكن ارباح بنسب اقل لانهن حريصين...وهدول المحترفين مو ناطرين اساسا توقعات اي شخص وبيعرفوا يدبروا امورهن لحالهن....
وبعتقد انو تشجيع الناس على دخول لعبة الروليت الروسية فيه شي من المخاطرة وتحميل اشخاص شي فوق مايحتملوه وبعدين لومهن انو الغلط غلطهن وماحدا دخله...هاد رأي الشخصي بالنهاية وكل شخص الو قناعاته....وبتمنى اللي رأيه مو من رأي انو على الاقل يقرا كلامي بهدوء ويتفهمه وينتبه كتير كتير قبل مايعطي اي توقع لأي شي...لاني ملاحظة زيادة هالموضوع خصوصي اثناء الجلسة وبشكل مبني على الاحلام مو على ارض الواقع....
__________________
اللهم إنه لا مانع لما أعطيت...ولا معطي لما منعت