الأسهم السورية ( المضارب السوري) - عرض مشاركة واحدة - حل وحيد في متناولنا لمشكلة البورصة

11-03-2011, 09:33 AM

عصفورة

عضو مشارك

تاريخ التسجيل: Dec 2010

المشاركات: 222

شكراً: 47

تم شكره 63 مرة في 46 مشاركة

حل وحيد في متناولنا لمشكلة البورصة

مرحبا يا شباب و يا صبايا ..

صارلي كم يوم عم تابع المنتدى و البورصة من بعيد ... حبيت بدل المشاركة معكم انو فكر شو سبب هبوط البورصة و كيف يمكن تطلع ...

بعد عصف ذهني عاصف و تفكير عميق و يوغا و وووو .. عرفت اخيراً شو صاير بالبورصة و عندي الحل لكللللللللللللللللللللللل هالمشاكل .. وحيد متناولنا لمشكلة البورصة

.
.

يا أهل الخير.. أكتشفت اني أنا السبب في نزول البورصة لأنو حضرتي نحست البورصة .. وحيد متناولنا لمشكلة البورصة

طيب شوفوا معي.. السنة الماضية كانت كل اسهمي اكتتاب، و كنت ماني مشاركة لا بالمنتدى ، و لا بعرف المنتدى، و لا بعرف الموقع الالكتروني للبورصة، ما كنت عم وجع راسي لأنو اسهمي استثمار، بس بابا الله يطول عمرو بيقلي كل كم اسبوع يا بنتي سهمك الفلاني صار سعروا بالسوق كذا و كانت دائماً الأخبار ايجابية و مفرحة..

لحتى اجا النحس وقت زيادة قطر، مدري ليش وقتها مشان افهم شو عم بيصير و شو هي الزيادة و شو لازم اعمل صرت تابع المنتدى والبورصة بعدين بعد تفكير جهيد قررت التسجيل في المنتدى وفتحت حساب بشركة وساطة ........ و من وقتها البورصة بشكل عام على نزووووووووووول،، و قطر على تدهور فوق تدهور، و البركة عم يراوغ بعدين وقع، وقت اتشجعت و اشتريت من السوق لأول مرة كم سهم اسلامي بدأ انحدار السهم ثم جاء السقوط الكبير لكل البورصة .. وحيد متناولنا لمشكلة البورصة

و اذا ظليت عم تابع المنتدى و البورصة بضملنكم انو رح يظلوا على نزول .. ug8;

بقا عندي حل و هو لفائدة الجميع، إلكم، إلي، للبورصة، و لصغار و كبار المستثمرين اللي رح يدعولكم من كل قلبهم .. وحيد متناولنا لمشكلة البورصة

الحل هو انو تشتروا كل اسهمي بضعف السعر الحالي وانا بأكدلكم أني رح انسحب من المنتدى و حرم تابع البورصة طول عمري ووقت حدا قدامي يحكي على البورصة رح اهرب سفر شهر ووقت يجي خبر على البورصة بالتلفزيون رح اقطع الكهرباء عن البيت ..:0069:

و صدقوني انو وقتها البورصة رح يروح عنها النحس و ترتفع لمستويات بحياتكم ماحلمتوا فيها حتى بأحلى ايام البروصة اللي راحت عليي و ماشفت من البورصة غير وشها التاني ..

بقا شو رأيكم؟؟ الموضوع ما بدوا تفكير بسرعة عملوا جمعية بالمنتدى و اشتروا اسهمي و بعدين وقت يروح النحس و تطلع البورصة بيعوهن و قسموا الأرباح .

بعرف كتير رح تتشكروني على عرضي المغري، و لعيونكم اعتبروها هديةug2;

مع التحية