سعر صرف الدولار مقابل الليرة 4-4-2012 بالسوق السوداء

[Ahmad Hamdi AlSharif]

اقتباس: المشاركة الأصلية كتبت بواسطة رنا    يعني ارتفاع مؤقت ....... وبكرا الى انخفاض ام ارتفاع ؟؟؟

بصراحة أنا أتوقع غدا سيكون هناك ارتفاع كالعادة بحكم انه يوم الخميس بالاضافة الى تخوف المواطنين من تقرير عنان أفندي ولكن بالنهاية يجب عليك الانتباه لامور هامة جدا وهي :
اذا مسيو عنان طلع مو عاجبه شغل الحكومة السورية وعصب عليها -----> الدولار في ارتفاع ورح يستفاد من غياب المركزي بسبب ايام العطل
أما اذا مسيو عنان طلع رضيان على الحكومة وقال انه الشغل تمام 100% فالمركزي بتوقع رح يستغل هالمناسبة السعيدة و يورجينا رقم كلنا عم نتنظره وهو دون ال70
لكن على العموم أتوقع بالنسبة ليوم الخميس فقط ارتفاع في الدولار قليلا دون ان يلامس مستوى 75 لحين مشاهدة تقرير عنان أفندي

[غالب]

اقتباس: المشاركة الأصلية كتبت بواسطة مجد    خدمات رائعة من سيريا ستوكس .ممكن اضافة سعر السكر والقمح والبن عالميا .لنكتشف كم التجار الهوامير عم يسرقوا هذا الشعب المسكين

اخي بشار افكارك خلاقة دوما شكرا لك

سيصبح سيريا ستوكس يغنيك عم متابعة سي ان بي سي عربية وبلومبيرغ ههههههه

ونحن سنكون من الرواد ويعملوا معنا لقاءات عن البدايات بعد 10 سنوات . وستذهب لغرف التجارة في سوريا تجدها كل شاشاتها على سيريا ستوكس .
ويمكن نعمل قناة تلفزيونية اقتصادية سورية شو المانع ؟؟؟؟؟؟ وبنعمل دعايات للمصانع والمعامل السورية وبنطلع منها التكاليف والكل بيصير يخاف منا نحط عنو شي تقرير سيء وبس يجي تلفزيون سيريا ستوكس الكل بيحاول يضبط الوضع خوفا من لساننا وصوتنا وصورتنا .

رامي عليك بالتلفزيون حبيبي النت ما عاد نافع كثير .

احجز لنا قناة ونبدأ بالبث الالكتروني فكرة طموحة - شركة مساهمة عامة -

[نضال العلي]

و الفاصولية كمان:patch_swit:

[ALHAKIM]

اقتباس: المشاركة الأصلية كتبت بواسطة غالب    اخي بشار افكارك خلاقة دوما شكرا لك سيصبح سيريا ستوكس يغنيك عم متابعة سي ان بي سي عربية وبلومبيرغ ههههههه ونحن سنكون من الرواد ويعملوا معنا لقاءات عن البدايات بعد 10 سنوات . وستذهب لغرف التجارة في سوريا تجدها كل شاشاتها على سيريا ستوكس . ويمكن نعمل قناة تلفزيونية اقتصادية سورية شو المانع ؟؟؟؟؟؟ وبنعمل دعايات للمصانع والمعامل السورية وبنطلع منها التكاليف والكل بيصير يخاف منا نحط عنو شي تقرير سيء وبس يجي تلفزيون سيريا ستوكس الكل بيحاول يضبط الوضع خوفا من لساننا وصوتنا وصورتنا . رامي عليك بالتلفزيون حبيبي النت ما عاد نافع كثير . احجز لنا قناة ونبدأ بالبث الالكتروني فكرة طموحة - شركة مساهمة عامة -

عمتمزح ؟؟؟
والله يا أستاذ غالب موضوع القناة مو صعب المنال أبدا بدو تمويل فقط للإقلاعً و الفكرة عجبتني
المواقع أغلبها لا تتسم بالمصداقية التي يتمتع بها سيريا ستوكس
(مو مجاملة )
بعدين الله كريم وانتو بتستاهلو كل خير
(كمان مو مجاملة )ac1

[الوزير]

اقتباس: المشاركة الأصلية كتبت بواسطة broker    الإضافات الجديدة: يورو مقابل الدولار -- الجنيه الاسترليني مقابل الدولار -- الدولار مقابل الين real time market prices/syria-stocks.com gold : 1618.24 silver : 31.24 oil : 102.09 eurusd : 1.314 gbpusd : 1.589 usdjpy : 82.46

خطوة كتير حلوة وبتوفر علينا نفوت على مواقع تانية
شكراً على جهودكم

[غالب]

اقتباس: المشاركة الأصلية كتبت بواسطة alhakim    عمتمزح ؟؟؟ والله يا أستاذ غالب موضوع القناة مو صعب المنال أبدا بدو تمويل فقط للإقلاعً و الفكرة عجبتني المواقع أغلبها لا تتسم بالمصداقية التي يتمتع بها سيريا ستوكس (مو مجاملة ) بعدين الله كريم وانتو بتستاهلو كل خير (كمان مو مجاملة )

والله ما عمبمزح

الموضوع قناة اقتصادية سورية في منتهى الاهمية ويجب البدء بدراسته والبث الالكتروني بالبداية غير مكلف

[غسان]

اقتباس: المشاركة الأصلية كتبت بواسطة najm    أستاذ غسان بس بدي أعرف منين بتجيب كروزات الفتيش تبعك لانها فعلا حلوووة هي مزح اوعه تزعل ....

اهلين اخي نجم

من زمان كنت اشتريون من مضايا ...

هلأ عم دور بسراج وفتيلة وماعم لاقي

واذا سألتني

كيف عم دبر حالك لكن ؟؟؟؟؟

بجاوبك

كنت مخبي كم كروز...... بزماني

وهلأ عم طءطء فيون على مهلي

[ALHAKIM]

اقتباس: المشاركة الأصلية كتبت بواسطة غالب    والله ما عمبمزح الموضوع قناد اقتصادية سورية في منتهى الاهمية ويجب البدء بدراسته والبث الالكتروني بالبداية غير مكلف

خلوها شركة مساهمة محدودة المسؤولية لكون أنا من أول المؤسسين ولو بمبالغ متواضعة

[Ahmad Hamdi AlSharif]

اقتباس: المشاركة الأصلية كتبت بواسطة غالب    سيصبح سيريا ستوكس يغنيك عم متابعة سي ان بي سي عربية وبلومبيرغ ههههههه وستذهب لغرف التجارة في سوريا تجدها كل شاشاتها على سيريا ستوكس .

والله انا شايفلك سنة ثانية بتلاقي الاسواق المال العربية وبالخصوص السعودية فاتحين على سيرياستوكس وعم يشوفوا شو بدهم يعملوا ويستثمروا بالاسهم عندهم
بعدين بشو أحسن مننا رويترز !!!!!!!!! يعني كمان نحنا ولاد عالم وناس وعندنا انترنت سريع بفش القلب والكهرباء الحمد لله ماعم نتقطع كثير عندنا بس كم ساعة باليوم

[Ahmad Hamdi AlSharif]

اقتباس: المشاركة الأصلية كتبت بواسطة غسان    اهلين اخي نجم من زمان كنت اشتريون من مضايا ... هلأ عم دور بسراج وفتيلة وماعم لاقي واذا سألتني كيف عم دبر حالك لكن ؟؟؟؟؟ بجاوبك كنت مخبي كم كروز...... بزماني وهلأ عم طءطء فيون على مهلي

هههههههه بدك تسأل اخونا ابراهيم طاهر من وين بنقدر نشتري كروزات ماتكون مزورة ومفشفشة حتى مايصير فينا مثل ماعم يصير بهل العالم بالدولار المزور ug4;