فهد

اذا مو تلاتة او اربعة
معناها خلال العطلة معزومين عند ابو عمر

فهد

ليش هو مين آخذ رأيو

فهد

شوفو الوضع الاقتصادي لوين وصّل
يعني موظف الحكومة صار محسود !!!!!!!!!

iass

بتعرف أخي مؤيد. أنا صرلي من 2004 موظف. راتبي حاليا فئة أولى( إجازة جامعية)، 16000 بعد الترفيع. أنا ما كان بدي اتوظف أساسا. بس أبي وأمي ، لأنهن موظفين سابقين بسلك التعليم، ضلو فوق راسي لتوظفت. أنا لو اشتغلت بياع بندورة عالبسطة بهالسبع سنين يلي اتشغلتهن. كان صار عندي محل. اشتغلت مدير مديرية. لمدة 3 سنوات. عطوني تعويض شهري وقدره 400 ليرة. استكترو يعطوني سيارة يا زلمة. تاني شي مفكر أنو موظف الدولة بهي العطلة شو بيعمل؟ بيروح عشغلو التاني بيحاول يطلعلو قرشين زيادة، بينتهز فرصة أنو عندو وقت عطلة. لك لا تواخزني وظيفة الدولة كارثة على أي واحد. والأنكى من هيك. بس بدك تقدم استقالتك أو تاخد إجازة بلا أجر. بيتصلو فيك من آخر الدنية وبيقولولك شو مجنون أنت؟.
لك أخخخخخخخخخخخخخخخخخخخخخخخخخخخخخخخخخخخخخخ
قال 9% زيادة كل سنتين قال.

مجرد إنسان

معقول كمان ينحسد موظف الدولة ؟
ولييييي وانا اللي كنت مفكر انو القطاع الخاص احسن
على فكرة دكانة صغيرة بتجيب احسن من وظيفة وبطيخة وين ما كانت تكون
بيع وحدات وافتح سمانة وهيك شغلات وعود بالمحل بيجيك شهريا فوق ال 30 او 40 الف وانت سلطان زمانك ، ما حدا بيقدر يقلك شي ، وبتكون كمان عامل تحوط ضد التضخم
ههههههههههههههههه

بيناتنا : موظفين الدولة صايرين عم يداومو الجمعة ومرات السبت وايام العطل التانية وفهمكن كفاية
ههههههههههههههههه

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

مجرد إنسان

وعلى فكرة فرع امن الموظفين ماسكوا واحد من اهم الاشخاص بالدولة ، ومن وقت ما مسكوا ما عاد شافوا الخير
هههههههههههههههههه

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

مجد

اقتباس:

المشاركة الأصلية كتبت بواسطة iass بتعرف أخي مؤيد. أنا صرلي من 2004 موظف. راتبي حاليا فئة أولى( إجازة جامعية)، 16000 بعد الترفيع. أنا ما كان بدي اتوظف أساسا. بس أبي وأمي ، لأنهن موظفين سابقين بسلك التعليم، ضلو فوق راسي لتوظفت. أنا لو اشتغلت بياع بندورة عالبسطة بهالسبع سنين يلي اتشغلتهن. كان صار عندي محل. اشتغلت مدير مديرية. لمدة 3 سنوات. عطوني تعويض شهري وقدره 400 ليرة. استكترو يعطوني سيارة يا زلمة. تاني شي مفكر أنو موظف الدولة بهي العطلة شو بيعمل؟ بيروح عشغلو التاني بيحاول يطلعلو قرشين زيادة، بينتهز فرصة أنو عندو وقت عطلة. لك لا تواخزني وظيفة الدولة كارثة على أي واحد. والأنكى من هيك. بس بدك تقدم استقالتك أو تاخد إجازة بلا أجر. بيتصلو فيك من آخر الدنية وبيقولولك شو مجنون أنت؟. لك أخخخخخخخخخخخخخخخخخخخخخخخخخخخخخخخخخخخخخخ قال 9% زيادة كل سنتين قال.

كلامك ذهب اخي اياس .وما عطوك سيارة لانك مو مدعوم ليش انت مابتعرف هالشي .

__________________

ابوحمزه

ماحدا رضيان ...

لا موظف الدولة رضيان
ولا موظف القطاع الخاص رضيان

ولا حتى التاجر

يا ترى السيد عادل رضيان..

__________________