صالون سيرياستوكس لعطلات التداول (20-21-22-23)-حزيران 2013

[omar1964]

[ياسمينة]

يسعد اوقاتكون سنوسنة ومرمورة اكيد عرفتو حالكون


مو احسن من ام عبدو وام حسن وام محمد متل الموضة هون


تابعت نقاشكون بخصوص الاحلام والصراحة انا بميل اكتر لرأي سنا ومعجبة بوجهة نظر ميرا"سياسية مو بايدي " ، كيف بقى ؟


الشرح :


متل ما بيقول المتل ان عشقت اعشق قمر وان طلبت اطلب جمل ، هي الفكرة كمان وقت الواحد بيحب يحلم هيك بينو وبين حالو، مو غلط يبني اشياء كبيرة كتير وممكن مستحيلة من وجهة نظر غالبية الناس، لا ، وبيضحكو عليها ، حقو الانسان يحلم وبقول وقتا الحلم لازم يكون على مقاس الشخص ومتل ما كتير عالم بتقيس الي قدامها حسب لبسو وفي منون حسب اديش معو مصاري وفي ناس حسب عقلا انا بقيس الناس بيني وبين حالي حسب احلامها ، طبعا هالحكي مو معناها نحلم هيك على ابو جنب ونضّحك الناس علينا ونكون مضرب متل للسخرية ، ابدا .


فكرتي بطموح الشخص وايمانو وسعيو وطاقتو الايجابية لتحقيق احلامو ، كل حدا مننا عندو احلامو الخاصة بس في منون بيسعو لتحقيقا بمداومتون على سحب ورقة يانصيب وفي الي بيقعد بيندب حظو وهو كمان عندو احلامو بلكي بالشفقة تبع العالم بيجيه طرطوشة وفي منون بيسرقو ليحققو احلامون وبيبررو السرقة لانو الغاية تبر الوسيلة، ممكن ، ما بقصد هيك ناس بكلامي ، في اشخاص بتكون احلامون مصدر تفاؤل، بتشع ايجابية وامل ببكرة، بيخلو حياتنا احلى، لانو اي شي صغير بيعنيلون كتير، وهيك الاحلام الكبيرة متل اي شي بالحياة بتتكون شوي شوي نقطة نقطة لتصير شي كبير.


بهالمناسبة كل واحد عندو حلم بيلعب بعقلو وطبعا بدنا نحاول ننسى هالسنتين وتلت اشهر لانو من ناحيتي كل احلامي ونظرتي تغيرت .. خلونا نحكي هيك كبشر عاديين باي بقعة بالارض عدا سوريا شو كان ممكن يفكر او يحلم؟


يعني كل واحد يحط حلمو هون للي بيحب طبعا حتى لو كان مضحك


عني شخصيا عندي كتير احلام بتبلش من بسكوتة طيبة الصبح مع كاسة الشاي هيك مرورا باشياء بتشبه هدية ميرا الي مبارح حتى جزيرة ممكن صغيرة حلوة بشي مكان حلو متواضعة مو بايدي .


بس حلمي الي حقيقي كنت حس انو ممكن يصير او لنقول لو ما صار بس انا بحبو يصير ، انو يكون عندي باخرة كبيرة مو هي تبع البحار لا عابرة المحيطات - بسيطة ما- ، هيك ابرم العالم منو بزنس وعندي متل عالم صغير انا مسؤولة عنو منو سياحة منو تسلية منو ثقافة كلو بقلب بعضو وكل عمري وقت كنت اتخيل هالحلم او اتخيل حالي فيه ما اتخيل غير وحدة ختيارة شعرها رمادي ههههه


قول معقولة عم شوف حالي وقت يتحقق الحلم ؟ ممكن


صباحكون مبارك ويوم جمعة غير شكل لكل الاصدقاء

[saeed]

[غالب]

صباح الخير وصالون جميل

[عابر مجيب]

قد يكون أول إعلان في التاريخ بيت من الشعر نظمه الشاعر ربيعة بن عامر الملقب بالدرامي ..
فقد حضر إليه أحد التجار يشكو نفاذ كل الخمارات التي يبيعها عدا السوداء فلم يشتريها أحد منه ..
فنظم الشاعر قصيدة .. جاء فيها :

قل للمليحة في الخمار الأسود.....ماذا فعلـت بناسـك متعبـد

قد كان شمر للصلاة ثيابـه........حتى وقفت له بباب المسجـد

ردي عليه صلاته وصيامه...........لا تقتليه بحق ديـن محمـد

ولما انتشرت هذه القصيدة لم تبقى واحدة لم تشتر خمار أسود فنفذت كل الخمارات لدى التاجر !!

والشيء بالشيء يذكر ( يعني بدي قول شي ولقيت فرصه )

عندما أحضر توفيق الصواف أول معمل كلسات ( باللبناني ) يعني جرابات ( بالسوري ).
نعم ، وبما أنه كان أديبا وكاتبا وشاعرا وزجالا ، كتب في معمله :
جرابات الصواف يا أخوان ......... مافي متلا بالبلدان
زوق ولطف ومتانة ........... وبتريح رجل الانسان .
بس ما كمل المصلحة وباعها لابن عمه الذي أسس بعدها ابنه صواف ومصري ولا زالت بالحريقة .

وأيضا :
دخل الأخطل الصغير إلى مطعم البحصلي بلبنان ( مشهور بحلوياته )
تناول وجبة أعجبته .
فارتجل
قالوا إذا جبت البلاد محدثا ........... عن حلو لبنان لأفخر معمل
إثنان حدث بالحلاوة عنهما ............ثغر الحبيب وطعم حلو البحصلي

قام الحاج البحصلي من مكانه ، واتجه إليه ( وطق له على الطاولة ) انقده 40 عصملية ذهب
وتم وضع الشعر في لوحة بصدرالمطعم بعد كتابته بماء الذهب .

[saeed]

يسعد أوقاتك ياسمينة
هلأ إذا صار عندك ( إن شاء الله ) هيك سفينة وكنت المالكة والملك لله ..
ممكن تعملينا خصم ...

[لقماان]

اقتباس: المشاركة الأصلية كتبت بواسطة rain    الطفل الباكي للفنان الايطالي جيوفاني براغولين <a href="http://img54.imageshack.us/img54/205/5017vf.gif" rel=nofollow target=_blank>

صباح الخير للجميع و جمعة مباركة
-------------------
في البداية اسمحولي أدم شكرنا
للأخ رين على هاللوحات الجميلة يلي
نئللنا ياها على الصالون ...
لوحات جميلة معبرة تفتح حدود التفكير و تترك العنان للخيال و الأمنيات...
بالفعل الصمت في محراب الجمال جمال.....

[saeed]

صورة جميلة تم التقاطها في أوغندا.

[عابر مجيب]

اقتباس: المشاركة الأصلية كتبت بواسطة saeed

بضل بقول ليش هالفراغات الزايدة عن الكي بورد باللاب توب
مو تاريها لوضع الأرجل !

[saeed]

إحزم اْمتعتك يا يأس وإرحل
فبإذن ربى سيكون القادم أفضل