جلسة صالون سيريا ستوكس ليوم السبت 27-8-2011

[economic opinion]

اقتباس: المشاركة الأصلية كتبت بواسطة محمد درويش    صباح الخير روان وأنا متلك

صباحك ورد جوري أبيض وياسمين أخي محمد، اليوم على مايبدو دورك تسبقني

[محمد درويش]

اقتباس: المشاركة الأصلية كتبت بواسطة ahmad bayram    ما بظن لهذا القرار اهمية لان بكل دولة هناك بديل عن طريق التحويل لصرافين اخرين متل الهرم و غيروا بدون اللجوء لويسترن يونيون لان ويسترن يونيون اجوره تحويله اكبر بكتير و لكن بشكل عام هذا اظهر وجه امريكا الحقيقي بأنه لا تريد مصلحة الشعب السوري و ان عقوباته لا تصيب النظام في الصميم و انما تصيب المواطن السوري في مقتل.

صباح الخير جميعاً ويسعد صباحك أستاذ أحمد
وأكيد والكل يعرف أن أمريكا لاتريد لامصلحةالشعب السوري ولا كل الشعوب العربية والمسلمة
والمهم في الوضع أن هذه الفترة كشفت وللكثير من الذين لايعلمون الوجه الحقيقي للذين لايريدون سوى مصالحهم الشخصية وكل الشعب السوري مو هاممن وهؤلاء هم داخل سورية
برأيك مين أخطر ؟
فتصور يارعاك الله

[economic opinion]

اقتباس: المشاركة الأصلية كتبت بواسطة BISO    كنت مفكر حالي اني الوحيد اللي عندي (سوسة) قراءة الصفحات الماضية

والله يا أخي بسام بناءً على حكي أخونا محمد شكلنا صرنا تلاتة

[ابو تيم]

اقتباس: المشاركة الأصلية كتبت بواسطة biso    التأثير الأكبر على الإستيراد من الخارج مما يعني الحد من التعامل الخارجي وخصوصا فيما يتعلق بإستيراد المواد الأولية للكثير من الصناعات في بلدنا ... في حال تم تطبيق ماتم ذكره - لاقدر الله - فسنتحول في بلدنا إلى سجن كبير ... لاسمح الله

أكيد هيك عقوبات بتضر بأقتصاد البلد بس تأثيرات مع ذلك محدودة كون بلدنا قبل عام 2000 لم تكن منقتحة اقتصادياً على العالم و لم تعتمد على اقتصاد السوق الحر و أغلب صناعاتنا تعتمد على مواد أولية من انتاجنا و عنا صناعات بكل المجالات ممكن يتأثروا أصحاب هالصناعات بأنخفاض أرباحون أو تعرضون لبعض الخسائر بالنسبة للناس الي اتجاهات تصديرون هي اسواق اوروبية اما الي اتجاهات تصديرون اسواق عربية ما بظن يتأثروا كتير ع كل ع رأي سيد بيسو بلدنا تحول إلى سجن كبير و على السجان الأن أن يقرر بقائنا بالسجن او اطلاق حريتنا.

[ملك]

اقتباس: المشاركة الأصلية كتبت بواسطة ahmad bayram    أنا من حلب خريج حقوق من الاسكندرية بمصر كنت اشتغلت بعد دراستي حوالي 4 سنين بسيرتيل بعدها اتغربت على دولة قطر حتى الآن

لي صديق اسمه نضال سات هل تعرفه ؟

[ابو تيم]

اقتباس: المشاركة الأصلية كتبت بواسطة محمد درويش    صباح الخير جميعاً ويسعد صباحك أستاذ أحمد وأكيد والكل يعرف أن أمريكا لاتريد لامصلحةالشعب السوري ولا كل الشعوب العربية والمسلمة والمهم في الوضع أن هذه الفترة كشفت وللكثير من الذين لايعلمون الوجه الحقيقي للذين لايريدون سوى مصالحهم الشخصية وكل الشعب السوري مو هاممن وهؤلاء هم داخل سورية برأيك مين أخطر ؟ فتصور يارعاك الله

يا سيدي محمد الي ما هممون حالون في منون كتير ببلدنا و صاروا وجودنا بيناتنا طبيعي بحيث اذا ما كانوا موجودين بنصير بنحس انو في شي غلط أنا فاهم و انت فاهم شو قصدي ....

و خلي الي ما بيعرف يعرف انو امريكا لا بتحب السوري المؤيد و لا بتحب المعارض لان الاتنين مو فارقين معها بشي الفارق معها مصلحتها و مصلحة ربيبتها و متل امريكا بينطبق على افرقاء كتير بدول جوار بعمرون ما حبون و ما بظن اتغيروا لان في مثل بيقول دنب الكلب اعوج لو حطوا بقالب الف سنة .....

[Salam L]

اقتباس: المشاركة الأصلية كتبت بواسطة economic opinion    والله يا أخي بسام بناءً على حكي أخونا محمد شكلنا صرنا تلاتة :stickouttongue

صرنا 4

واحيانا برجع على الصفحات مرة تانية مشان شوف التشكرات افندم....

[ابو تيم]

اقتباس: المشاركة الأصلية كتبت بواسطة الملك    لي صديق اسمه نضال سات هل تعرفه ؟

لا و الله ما حصلي الشرف

[Salam L]

اقتباس: المشاركة الأصلية كتبت بواسطة ahmad bayram    أكيد هيك عقوبات بتضر بأقتصاد البلد بس تأثيرات مع ذلك محدودة كون بلدنا قبل عام 2000 لم تكن منقتحة اقتصادياً على العالم و لم تعتمد على اقتصاد السوق الحر و أغلب صناعاتنا تعتمد على مواد أولية من انتاجنا و عنا صناعات بكل المجالات ممكن يتأثروا أصحاب هالصناعات بأنخفاض أرباحون أو تعرضون لبعض الخسائر بالنسبة للناس الي اتجاهات تصديرون هي اسواق اوروبية اما الي اتجاهات تصديرون اسواق عربية ما بظن يتأثروا كتير ع كل ع رأي سيد بيسو بلدنا تحول إلى سجن كبير و على السجان الأن أن يقرر بقائنا بالسجن او اطلاق حريتنا.

اللي بيسمع هالحكي بيقول عن اننا امة تنتج من ماتصنع...

كل المواد الاولية عنا استيراد... نحنا هون بنطبق.... والصناعات اللي موادها محلية يمكن شغلات متل البسكوت السكاكر....

اي عم نستورد اغطية القطرميزات من الصين!!

هيك بتذكر سمعت مرة معلومة...

[economic opinion]

اقتباس: المشاركة الأصلية كتبت بواسطة ahmad bayram    أكيد هيك عقوبات بتضر بأقتصاد البلد بس تأثيرات مع ذلك محدودة كون بلدنا قبل عام 2000 لم تكن منقتحة اقتصادياً على العالم و لم تعتمد على اقتصاد السوق الحر و أغلب صناعاتنا تعتمد على مواد أولية من انتاجنا و عنا صناعات بكل المجالات ممكن يتأثروا أصحاب هالصناعات بأنخفاض أرباحون أو تعرضون لبعض الخسائر بالنسبة للناس الي اتجاهات تصديرون هي اسواق اوروبية اما الي اتجاهات تصديرون اسواق عربية ما بظن يتأثروا كتير ع كل ع رأي سيد بيسو بلدنا تحول إلى سجن كبير و على السجان الأن أن يقرر بقائنا بالسجن او اطلاق حريتنا.

والله يا أخي يا أحمد السجان هو نحنا، فهل نحنا مستعدين نبيع متل ما غيرنا باع؟؟؟؟؟؟؟؟؟؟؟؟؟؟؟