صالون سيرياستوكس للعطلات(27-28-29-30)-12-2012

[fawazz]

نقلا عن العربيه

[fawazz]

وأعتقد أن الرئيس وجماعته كانوا على ثقة من أنه لن تكون هناك ثورة في سوريا، وأن عدد من سينزل إلى الشارع من السوريين لن يكون كبيرا في جميع الأحوال، لذلك سيكفي لإعادته إلى رشده قدر صاعق ومفرط من القوة، بالإضافة إلى اتهامه بالعمالة للأجنبي في الخارج، وللإسلاميين في الداخل. أما العنف، فهو سيعيدهم إلى رشدهم وسيجعلهم يدركون أن المسألة لا تحتمل المزاح، وأن النظام لن يحجم عن فعل أي شيء لقمع وقتل من يتظاهر منهم، بينما ستكفي تهمة العمالة لإقناع السوريين عموما بأن عقوبة من يتظاهر منهم هي الإعدام.

ميشيل كيلو

[fawazz]

في ظني أن الرئيس كان يفكر على النحو التالي: لدينا من أصل 23 مليون سوري نيف ومليون مواطن في الأمن والجيش والشبيحة، وقرابة ثلاثة ملايين في الحزب والجبهة الوطنية التقدمية، وملايين الشباب في المنظمات الطلابية الشبابية المختلفة، بينما تم تأطير الشعب كله في «منظمات شعبية» تخضع لرقابة أمنية دائمة، وتخترق المجتمع تكوينات موالية للنظام تنقل إليه كل شاردة وواردة فيه، فمن أين ستأتي الثورة، إن كان لا يوجد شعب في سوريا، وكانت المعارضة ضعيفة ومتهالكة، والمواطنون بلا خبرة سياسية، ولا يشكلون كتلة واحدة أو كتلا متقاربة أو متشابهة، بل جماعات

ميشيل كيلو

[fawazz]

من يقتل الاحلام الجميله والطفوله في بلدنا ؟؟؟

[عابر مجيب]

صباح الخيرات
كل عام وانتم بخير
بدأت احتفالات رأس السنة مبكرة هذا العام في مركزالعاصمة السورية دمشق
ويقول المراقبون ان العصابات استعملت في احتفالياتها الدوشكة
ثم بدأت سيارات الاسعاف بالزغاريد
ومن الجدير بالذكر أن صوت الدوشكة يوحي بوجود صندوق مفرغ خلف الطلقة يعطي فرقعة جوفاء ، على ذمة الاختصاصيين ، بلكي مو دوشكة كمان !

[رندة]

غلطنا !
انو ما غلطنا مبلى نحن السوريين لازم نعترف انو غلطنا تركنا حجر عثرة بطريقنا وما قمناه بوقتو ........وضلينا نأجل
..........ونأجل
حتى تحول الحجر الى صخرة كبيرة وبعدين صار جبل
ما منقدر نقيموا من طريقنا الا بزلزال
غلطنا .......كنا لازم نرفع اي حصى عثرة أول بأول
وما نتركها تكبر لتسد كل طرقنا ونحل كل مشكلة بوقتها
كل شئ باوله يا محلاه
مشان هيك صعبت علينا الأمور وتلبكنا وخسائرنا
جسيمة
الحكمة لاتؤجل عمل اليوم الى غد ولاتدلل حدا ما حدا بيستاهل اعتبر الحصاة اليوم مقتلك غداً

[رندة]

مشان معالجة مشكلة سيدة وعائلتها 7 أفراد تشردت سابقاً وبطريقها للنزوح الاجباري مرة تانية
اتصلت بوزارة الشؤون الاجتماعية والعمل
الحقيقة كانوا منعاطفين ومتفهمين بس فال هن الوزارة مجرد واسطة بين الجمعيات والمحتاجين وحسب طاقة المراكز و ما في مجال حاليا لاستيعاب الجدد
اذا مسؤولية مين اللاجئين !!!

[abu mhd]

عشاق ترابك ياشام
بتعرف شو يا أمي ؟

أبوك ما عاد يقلك ليش تأخرت وحتى ماعندو مشكلة إنك ما تدرس قدامه ولا تقرب على كتاب .... ااااايه يا أمي صدقني وغلاوتك عندي ماعندو مشكلة لأنو انكسر على غيابك ياعمري المرة الماضية نزل هو وعمك عالسوق وكبرو صورتك وعلقناها مكان صورة جدك
تقبر قلبي على هل هالصورة ما أحلاها يا أمي
في وحدة حلوة اجت لعنا عالبيت
... ... وقالت أنو كنتو تحبو بعضكون, ضميتا وصرنا نبكي نحنا التنين بس قلتلا وقلت لكل الناس أنو ابني يمكن يتأخر بس رح يرجع ,
مو هيك يا أمي ؟
بعدين بس ترجع رح أعملك كل الأكلات اللي بتحبا ، بتتذكر كيف وقت بكون عم اطبخ تروح تاكل من الأكل وهو ع النار ؟؟؟
وكنت قلك شيل ايدك واستنا لحتى يجهز ويجي أبوك
يا أمي .....
كل يوم عم أعمل غرفتك متل ماكنت تتركا مشان ارجع رتبا مرة تانية
يا أمي لاتزعل مني بس عم ضم وشم تيابك
وأبكي..
وأبكي..
وأبكي..
بس والله وقت اللي بتخيلك أنك صرت جنبي عم أمسح دموعي بسرعة قبل ما تشوفني يا تقبرني
يا أمي الله يرضى عليك لا تتأخر عم أستناك
بدك شي يا عيون أمك
انتبه على حالك يا حبيبي
بعرف أنك لسه موجود لأنو وعدتني ما تتركني
مو هيك يا امي ؟
يا قلبي وروحي ....
متأكدة أنك رح ترجع بيوم من الأيام وتدق الباب وأنا عم استناك يا تقبرني
.....
هذه هي أم الشهيد .....

[abu mhd]

مساء الخير تحية لكم
ااااااااااخ من التعب ووجع الرأس من آخر السنة و حساباتها
الحمد لله اليوم أنهيت أنهيت أكثر من 98.75% من ملفات العمل العالقة و الباقي لم يأتي موظف لدي معه ملف و ربع الباقيين
و حاليا بعطلة للسبت القادم وكل عام و أنتم بخير
يعني قاعدلكم هههههههه

أخيرا يبقى سؤال يراودني آخر كل سنة أقول أين سأكون نهاية العام القادم ؟؟؟؟
نسأل الله حسن الختام

[abu mhd]

أعدكم بإذن الله بموضوعين دسمين
خلال اليومين القادمين