صالون سيرياستوكس لعطلات التداول (20-21-22-23)-حزيران 2013

[rain]

[rain]

[rain]

[yamhere]

مساء الخير
عطلة سعيدة

الشجاعة : هي أن تكون الشخص الوحيد الذي يعلم أنك خائف

Bravery: is being the only one who knows you`re afraid

Franklin P. Jones

[ميرا]

اقتباس: المشاركة الأصلية كتبت بواسطة ياسمينة    شكرا حبيبتي انت الي بتفهميني حاسة المكان الي باخد منو طاقة عم يلفظ انفاسو الاخيرة .. وشكلو انت من القلائل الي بيحسوني مع طاقة ايجابية بحبك يا حلوة

وأنا بحبك كمان وبزعل وئت بشوفك مو رايقة
رح قللك شي :
أحيانا كرم بيلح على شي فبيكون الجواب : العالم عم تتقتل بالطرقات وانت بدك طلباتك مجابة ؟؟
بتعرفي شو الرّد ؟؟..... يعني اذا ما انقتلنا لازم نقتل حالنا



ربنا يحميك ويحميه ويحمي الجميع ونرجع نشوف البسمة على كل الوجوه

[omar1964]

[Sana]

اقتباس: المشاركة الأصلية كتبت بواسطة ميرا    مساء النور عزيزتي سنا الحلم هو أمنية نعيشها في خيالنا و نعمل على تحقيقها بكل طاقتنا لتصبح واقعا ثم نبدأ بالتفتيش عن حلم آخر فالانسان لايتوقف أبدا عن الحلم ولكن في بعض الأحيان تكون الأحلام مستحيلة ليس لأنها صغيرة أو كبيرة ولكن لأن هناك موانع كثيرة تحول دونها وعندها تصبح الأحلام مجرد أوهام فتنغص على صاحبها حياته لذلك أجد أنه جميل أن يكون لدينا القدرة على اختيار أحلامنا لتبقى أقدامنا على الأرض و لا نخسر الواقع مقابل وهم . طبعا لا أشك أبدا بقدرة وكرم الله العظيم بتحقيق المستحيل

كلامك صح طبعا

بس يا ترى شو المعايير يلي ممكن من خلالها نحدد اذا هاد الشي يلي بدنا ياه ..
حلم او وهم ..؟؟؟!!

ما بعتقد في معايير ثابتة ... و اذا بدنا نقول الموضوع متوقف ع الظروف إذا مناسبة او لاء ..
فـ حتى الظروف ( الموانع ) من المتغيرات مو من الثوابت ....
الظروف ممكن تتغير للأسوأ أو للأحسن .....

في احلام بـ حياتنا بسيطة كتير .. و متناسبة مع ظروفنا ...
و رغم هيك ما اتحققت .... و يمكن اكتشفنا انو كانت وهم على الرغم من بساطتها ....
لانو الظروف اتغيرت و صار في موانع ..!

و بالعكس ممكن الامور الغير متناسبة مع الظروف ... و يلي بنعتبرها شبه مستحيلة " وهم " ...
تتغير الظروف و تصير ممكنة و تتحقق

انا معك بـ نقطة مهمة جدا .... انو نبقى واقفين ع الأرض ...
بس هاد الشي مو من خلال اختيار الاحلام برأيي ....
الاحلام لما نحنا بنختارها و بنحددها ... بيبطل اسمها احلام ...!

إنما لازم نبقى واقفين ع الأرض من خلال انو نكون مستعدين لكل الاحتمالات ...
و لما يضيع حلم .... ما نعتبرها نهاية الكون ... و نكون قادرين نرجع ننطلق منو لحلم جديد

و نكون دايما حريصين ع الواقع ... بحيث انو ما نخسر واقعنا كرمال اي حلم ( ممكن او غير ممكن ) ....
بالعكس احلامنا ... ممكن تخلينا نعيش واقعنا بـ أمل و تفاؤل أكبر


طبعا هاد رأيي ... مع احترامي لرأيك ... و لمقولة الرائع " محمود درويش " ...
ان شاء تكون احلامك و احلام الجميع محققة يا رب ..... ^_^
و احلامي انا كمان بما انو صارت و صارت ههههه

[Sana]

هو إنسان حقيقي ..

لم يحاول معرفة ديني .. و لا قوميتي عندما ساعدني ..
لم يهمه مطلقاً من أي بقعة في العالم أنا ..
قتلني فضولي لأعرف كيف يفكر، لمَ ساعدني هذا الغريب..
ما السبب ..
طائفته؟! دينه؟! قوميته؟! عمره؟!
جنسه؟! عائلته؟! وضعه الماديّ؟


ذات مرة سألته :
- لمَ كنتَ لفقيرٍ مثلي .. أخاً في الغربة؟!

ابتسم و قال :
- وضعتُ نفسي مكانك .. فأنا أؤمن ب " الله".



لمى محمّد

[عابر مجيب]

اقتباس: المشاركة الأصلية كتبت بواسطة رندة    من هو أدونيس؟! يتأفف صديقي الشاعر وصديقه المهندس من جهل العامة وعدم معرفتهم بالأدباء والكتّاب، يا أخي هالعالم تبعنا ما بيقروا شي، ما بيعرفوا شي، تخيل يا زلمة ما بيعرفوا أدونيس، يعني معقولة أدونيس الشاعر السوري العالمي المعروف وين ما رحت بالكرة الأرضية هون ما حدا بيعرفه، لأ.. هذا الجهل ما له حلّة، لكن صاحباً ثالثاً قال بما معناه أنو شو رح يستفيدوا الجماعة إذا عرفوه، وهو قال شو رح يستفيدوا حتى انبرى رابع من المليونيرية أصحاب الشركات بس قلبه عالثقافة والمثقفين وقال بأنه سيفيد أي موظف في شركته يعرف أدونيس ويرقيه، ذلك لأنه إنسان راقي، فطالما يعرف أدونيس فلا بد أن يستفيد من رقيه ويصبح وضعه بالتالي أرقى، وبالفعل ذهب صاحبنا ...المليونير الحنون إلى شركته الضخمة مشكِّلاً لجنة على طريقة السوبر ستار أو الستار أكاديمي، لكن عوضاً أن يكون السؤال عن ناصيف زيتون كان السؤال عن أدونيس، جلست اللجنة في الغرفة المكيفة، وصدر فرمان على كل العمال والموظفين أن يأخذوا عطلة في المكان وينتظر كل منهم دوره في الدخول إلى اللجنة، توجس الموظفون، هل هناك تحقيق، هل هناك مشكلة، هل هناك تسريح؟!..وبدأ التحقيق..عفواً الإمتحان، دخل العامل الأول مرتجفاً فبادروه بالسؤال متجهمين: بتعرف أدونيس؟!..لا والله العظيم ما بعرفه يا سيدي.. ..شو اسمه سيدي؟!...أدونيس. والله العظيم ما بعرفه يا سيدي. طيب طيب..انقلع وابعت اللي بعدك، ودخل اللي بعده، بتعرف أدونيس؟!..لأ سيدي ما بعرفه. ما لك سمعان بأسمه أبداً؟!..لأ سيدي بحياتي ما سمعت بأسمه، طيب روح انقشط وابعت اللي بعدك، وجاء اللي بعده، واللي بعده، بتعرف أدونيس؟!..أعوذ بالله سيدي ..ومنين لي هالمعرفة ..بأولادي هي أول مرة بسمع بأسمه..شو كان اسمه سيدي؟!..أدونيس. صدقاً سيدي ما بعرفه، طيب ..قحِّط من هون وابعت اللي وراك، ودخل اللي وراه، بتعرف أدونيس؟!..مين؟!!..أدونيس. لا والله ما بعرفه سيدي، طيب احلق من هون وابعت اللي بعدك، ودخل الذي بعده، بتعرف أدونيس؟!...إي بعرفه. أجاب العامل فدُهشت اللجنة، ..أنت متأكد أنك بتعرفه؟!!..إي سيدي متأكد أني بعرفه..أدونيس أدونيس له كان سيدي أنا اللي بعرفه، اقعد ..تفضل.. بأي قسم بتشتغل أنت؟!..بقسم الحلويات سيدي. ..حلويات وبتعرف أدونيس؟!..نعم سيدي ..حلويات وبعرفه. ..شو بتشرب؟!...شو ما كان سيدي. جيبوا له عصير برتقال. واشتغل العز يا حبيب، كاسة عصير برتقال فريش طبيعي مع تلج بعز الشوب، بس القعدة مع الكونديشن وصاحب الشركة اللي بحياته ما شافه شغلة كبيرة وقمة العز، ..قلت لي بتعرف أدونيس. طبعاً سيدي. ..بتعرف أنك عامل راقي ومحترم وبتستحق نرفّعَكْ. شكراً سيدي كتَّر خيرك. ما قلت لنا شو بتعرف عن أدونيس؟! ..كل شي سيدي ..أنت اسألني وأنا بجاوبك. ..همممم..طيب يا أبني أاول سؤال هو مين هذا أدونيس؟!!..نظر العامل إلى اللجنة ببراءة وقال ببداهة وبشكل طبيعي وعادي جداً وهو يبرم بأصابعه كتلة وهمية: أدونيس سيدي..أدونيس مخترع المصباح الكهربائي!!!!!!! دمشق 2009 لقمان ديركي

من حسن حظ الراوي أن الشخص (بيت القصيد ) يأتي دوما في النهاية ، ولا يفسد متعة المماطلة من أول القصة .

العبارات الحمراء لا تناسب شركة تبحث عن الرقي !

ما زلت على رأيي بخصوص الكاتب ، وضعت الشكر لك انت .

[omar1964]

لما بزور امي بوس ايدا
هالعادة ببلدنا مو كتير شغالة
انا تعلمتا من الشوام رفقاتي بالجامعة و بالعسكرية
يا اخوان ( بس ما يحاسبونا عالقانون 49 )
الام كتير عظيمة
اكيد انا بحب ابي الله يرحمو كتير
وبحب اولادي اكتر
بس ارتباطي بامي غير شكل
و كل ما كبرنا انا و هي سنة عم تزيد محبتي و احترامي
كأني عم ارجع طفل..
اتعلق فيها اكتر..