صالون سيريا ستوكس لجلسة الجمعة 19-8-2011

[ام محي الدين]

اقتباس: المشاركة الأصلية كتبت بواسطة economic opinion    إذا بدي احكي متل مؤيد عن تجربتي الشخصية، فالحقيقة أنا والدي ووالدتي كتير التعليم عندون مهم، ووالدي بالذات بشوف إنو البنت لازم تدرس جامعة ويكون معها شهادة (من هون اجت نظرتي طبعاً) أنا بكتير مواقف من حياتي كان تدخل العناية الإلهية حاضر وموجود لصفي، أنا لما كنت صف تاسع كان في عنا بالبيت شوية ظروف خلتني ما أعرف ادرس منيح وجمع 190 علامة وهديك السنة طلبوا للتعليم العام 201 _ لا حدى يسألني ليش وواحد_ ناقشوا كتير أهلي أفكار مشاني شي تعليم خاص وشي سفر للأردن مشان ادرس علمي بس بسبب انشغال والدي بشيء آخر ذلك الوقت قررنا إني أنزل سجل بثانوية تجارية ومنشوف بعدين. وفعلاً نزلت سجلت ولما بلشت احضر محاسبة ورياضيات مالية والمواد التجارية عجبني الوضع وصرت اتفوق بدون ما ابذل جهد كبير ، كنت حس حالي عم بفهم بسهولة، (بعكس الماضي يلي كنت لأبداً ما اقدر استوعب بزمناتي بالإعدادي الفيزياء والكيمياء والرياضيات العامة والعلوم)، وتفوقت بالبكلوريا التجارية وكان حلمي كلية الإقتصاد وكانت صعبة المنال بالثانوية التجارية بس رب العالمين وفقني وجبتها من أول سنة وبسهولة، وبس فتت الكلية عينكون ما تشوف إلا النور، انصدمت بواقع التعليم والحضور بالكلية والدكاترة والعلمات ........ بس ما بنكر اني تعلمت فيها شغلات مهمة وأساسيات وكان على وقتي بالجامعة في تغيير مناهج وكنت أنا من أول دفعة بيتطبق عليها المنهاج والتخصصات الجديدة، ومن حبي بالمحاسبة اختصيت محاسبة، منت كتير أيام قول لوالدي إنو الدكاترة مو مناح والحضور سيء كان دائماً يتطلع عليي بطرف عينو ويقلي " بابا مو المكان أو الدكاترة بيعطوكي العلم، هاد انتي بتجيبي، والمشكله فيكي مو فيون" واتخرجت من الجامعة وبلشت دور على طرق زيد فيها معرفتي وبحثت بأكثر من ماجستير وبعد الإطلاع على عدة مناهج اخترت أحد الماجستيرات مع العلم إنو غير معترف فيه إلى الآن بجامعة دمشق وسجلت فيه وللآن مستمرة فيه لأني فعلاً لقيت فيه معلومة

اخت روان ما شاء الله عليكي
ويا رب ترافقك العناية الالهية
دائماً ولكي كل امنياتي بالنجاح

[economic opinion]

اقتباس: المشاركة الأصلية كتبت بواسطة سلام    اخت روان ما شاء الله عليكي ويا رب ترافقك العناية الالهية دائماً ولكي كل امنياتي بالنجاح

الله يخليكي مدام سلام ويحميلك أسرتك الجميلة، والله يجعلّك من كل ذريتك قرة عين ويطلعوا مبدعين وناجحين متل ما بتتمنيون وترافقكم العناية الإلهية لأبد الآبدين

[economic opinion]

كأنو مؤيد نام

[ام محي الدين]

اقتباس: المشاركة الأصلية كتبت بواسطة economic opinion    كأنو مؤيد نام

انا شايفة الكل نايم

[BROKER]

اقتباس: المشاركة الأصلية كتبت بواسطة سلام    يا جماعة صرلي من وقت انتهاء التراويح وانا عم انتظر والله مليت ليش ما بتبلشوا بوقت ابكر من هيك طبعاً انا عم احكي بالمونة

طيب بامرك مدام ...

اختاريلنا موضوع لبكرة وافتحي النقاش الجديد

[abu mhd]

لسه ما نمت بس بما اني عزابي معتر قمت جهزت السحور و تسحرت و الحمد لله اللهم عرفنا نعمك بدوامها لا بزوالها
و حاليا شوية قرآن بين ما ينادى للفجر
بعدين بنام شي 3 ساعات و بقوم على الشغل اهيء اهيء اهيء

[BROKER]

اقتباس: المشاركة الأصلية كتبت بواسطة economic opinion    مؤيد بتعرف.... أنا لما كون بدي نام وما عم بقدر بمسك بإيدي كتاب وبتسطح وبقرأ فيه وما بدي احكيلك 3 صفحات بكون خالصة big grin (يفضل يكون كتاب دراسي لأنو الضرة مره )

فكرة حلوة بدي حاول طبقها لانو انا والنوم اعداء ... هلأ برمضان مو مشكلة ... بس بباقي الايام احيانا بضل 4 ساعات عم اتخانق انا والنوم وبالآخر ما بيزبط الا بانهيار ...

[BROKER]

انسة روان انت بغاية الشجاعة ، وكان الله معك في مجموعك .... وكأنو كان عم يقول لك " عسى ان تكرهوا شيئاً وهو خير لكم " وكان مجموعك رغم انو بالعادة يكون شر فكان بقمة الخير لانو وجهك لموهبتك ... واختيارك للماجستير الغير معترف به نظرا لمعلومته لهو بقمة الشجاعة والاخلاص ..

[BROKER]

عطونا خيارات لنقاش بكرة ....

بس يكون موضوع يصعب فيه الاختيار ولذلك يحتاج لنقاش للوصول الى أقرب نقطة صحيحة بعد سماع جميع الاراء ..

[economic opinion]

تصبحوا على خير جميعاً