إيرادات الاتصالات السورية تقترب من 35 مليار ليرة في نصف سنة

[Speculator]

إيرادات الاتصالات السورية تقترب من 35 مليار ليرة في نصف سنة

أكدت المؤسسة العامة للاتصالات وصول الانفاق على المشاريع الواردة في خطتها الاستثمارية لغاية النصف الأول من العام الحالي إلى 4.96 مليار ليرة سورية.




وقالت المؤسسة بأن هذا الانفاق يعادل 45% من إجمالي المبالغ المرصدة لهذه المشاريع في خطة العام الحالي والبالغة 11.130 مليار ليرة.






وفيما أشارت المؤسسة إلى تركيب 125 ألف رقم جديد من أصل 300 ألف مخطط تركيبها في هذه الفترة من العام فقد بينت بأن المنفذ يعادل 42% من خطة التركيبات الهاتفية الموضوعة لهذا العام متوقعة ارتفاع نسبة التركيبات في النصف الثاني من هذا العام وذلك في ضوء توسعات المقاسم الحالية ولاسيما مشروع الـ 500 ألف رقم هاتفي مؤكدة بلوغ الإيرادات المقدرة لغاية ذات التاريخ إلى 34.6 مليار ليرة سورية وذلك من أصل الإيرادات المخططة البالغة لكامل عام 2009 نحو /66.5/ مليار ليرة سورية.

[sasoky]

نازلين قص .... على فاتورة أرضي .... وفاتورة الموبايل .... وع وحدات ....

لك كيف ما بدها تكون أكتر وزارة رابحة .... ما شاء الله رفعتوا راسنا

[AllooOoodY]

أنا ما بيزعجني من هالمؤسسة إلا شغلة وحدة

أنو عم يجيهون كل هالمصاري من أكتر من 8 سنين

و ما عم يعرفوا يشتغلوا مضبوط

يعني عالأقل عالأقل لازم يركبوا سنوياً 1000.000 خط هاتف

لأنو معهون رأس مال كبير جداً و بيقدروا يشتغلوا فيه أي شي بدون اياه

مع العلم أنو متوسط الربح على كل خط هاتفي خلال سنة واحدة هو 5000 ليرة

يعني رح يجيهون النسة اللي بعدها 5 مليار ليرة بس من هالمليون خط

[angel]

يسلم تمك ياساسوكي يعني موحلوة بحقنا تكون خسرانة له عيب بس ياريت يستثمرو هل ارياح بتحسين الاوضاع الاتصالاتية والانترنتية بهل بلد

[مالك الحزين]

هذا وقد أكد مصدر غير موثوق وليس له شأن في صنع القرار بأنه سيتم توزيع هذا المبلغ على الشعب السوري بدون أي شروط وعراقيل وبدون أي إقرار والشرط الوحيد لقبض المبالغ الماليه هي إصطحاب دفتر العائله فقط لمعرفة كم المبلغ الذي يجب صرفه لرب العائلة فلكل فرد نصيب000000000000000000000000000





وبتقولولي الدولة ما بتفكر فينا إي تخينه

[ArcadA]

انا خايف على المؤسسة من شي عين تصيبها لا سمح الله

و يقومو يخصخصوها بما انها ربحانة

حاكم هي الموضة الجديدة بالبلد :evil_smile:

بدون يبلشو بالكهربا و بعدين الإتصالات و بعدين المي

و أخرالشي الصرف الصحي:v9v9net_074:

يا بيرحمونا و بيتركو

يا مناكل هوا مظبوط و بيخصخصو

[AllooOoodY]

اي و الله كلها كم سنة ليعملو كم مشروع و يحطوا كل المصاري اللي معون عليه

ببيعو الشركة او بيحطوها بالاستثمار بمبلغ ما بيساوي 5% من القيمة الحقيقية الها