أزمة الغاز - الرجاء ابداء الراي

[Tareq]

الاعضاء الكرام الرجاء ابداء الراي بما حصل معي من اسبوعين :

سمعت تغريدة صباحية من زوجتي : حبيبي خلصت قنينة الغاز. غط على قلبي وقات تحبني حية بسبع روس على هالخبرية من عند الصبح.

المهم رحت وسالت ودورت كتير بمنطقة سكني فما حصلت. ذهبت الى موزع الغاز المجاور لبت أهلي ولمكتب مختار الحي فوجدت اكتر من 50 شخص مستنيين وعم يدخلوا عليه وغالبيتهم من فقراء الحي والموزع عم يقول مافي والقناني المصفوفة جوا فاضية ولناس مستنية من زمان. المهم لما شافني ضحك سنو ودخلني لجوا وهو عم يوزع ترحمات على جدي ودعوات انو الله يخليلي ابي وقديش نحن اكابر معو. قلي جوا ازا بدك غاز بامنلك قد ما بدك وكرمال عين رحمة جدي وغلاوة ابي وصيتنا الحلو الجرة ب 1600 ليرة. قلتلو يعني هالقناني الموجودة عندك مليانة مو فاضية قلي اي. قلتلو طيب رح جيب مصاري وبرجعلك.

طلعت لبرة وقلت للناس هادا بلهموطي حرامي والقناني يلي جوا مليانة وخبيها ليلي بيدفعلوا اكتر من 1500 ليرة. بدكون غاز فوتو عليه وبدلوا القناني تبعكون قاموا فاتو عليه ودقو قتلة مرتبة واخد كل واحد جرة غاز وحطلو 500 ليرة. وانا طللعتلي وحدة بس وان طالع شفت ختيارة عم تسال ما بيطلعلي وحدة صرلي اسبوع بلا غاز. عطيتها القنينة وقلت انشاء الله عمرو ما انطبخ بالبيت.

المختار انبسط كتير بيلي صار.

هل كان هذا التصرف تجاه الموزع صحيح أم لا علما بان أهلي فقدوا مورد الغاز لهم في الحارة وعم اكل دعاوي انا وجدي وابي منو ليوم الدين

[arnouri]

ياريت الناس كلها تتصرف مثلك

وكان لازم حجز الموزع وتسليمه الى مركز شرطه
شكرا لك

[najm]

الموزع والرقيب شركاء

[Tareq]

اقتباس: المشاركة الأصلية كتبت بواسطة najm    الموزع والرقيب شركاء

معك حق أخ نجم وهم فاسدون بجدارة وفي هذه الظروف بيستحقوا الشنق بس يمكن علينا نحنا حق كمان وعم نشجعهون على هيك لما عم ندفعلون يلي بدون ياه.

[najm]

اقتباس: المشاركة الأصلية كتبت بواسطة tareq    معك حق أخ نجم وهم فاسدون بجدارة وفي هذه الظروف بيستحقوا الشنق بس يمكن علينا نحنا حق كمان وعم نشجعهون على هيك لما عم ندفعلون يلي بدون ياه.

يسعد مسائك اخي طارق واضح من تصرفاتك واسلوبك بانك قلبك طيب وطيبة القلب والمثاليات مو غلط بس ما بعرف ليش عندي شعور انو على الاقل واحد من اقربائك عاتبك لانك فرطت بعبوة الغاز وقلك انك انت واسرتك اولى بها واللي عطيتها ياها متلها متايل والقتلة يللي اكلها الموزع من ناس بأغلبيتهم متلو للاسف الكل بدو يغش ويربح من الكل ويللي بيتمسك بالمبادئ بيجوع وخصوصا بهي الفترة
هاد مو تبرير لهم انا عن نفسي ما بتاجر بالازمات لو بطعمي اولادي خبز يابس .

[Tareq]

اقتباس: المشاركة الأصلية كتبت بواسطة najm    يسعد مسائك اخي طارق واضح من تصرفاتك واسلوبك بانك قلبك طيب وطيبة القلب والمثاليات مو غلط بس ما بعرف ليش عندي شعور انو على الاقل واحد من اقربائك عاتبك لانك فرطت بعبوة الغاز وقلك انك انت واسرتك اولى بها واللي عطيتها ياها متلها متايل والقتلة يللي اكلها الموزع من ناس بأغلبيتهم متلو للاسف الكل بدو يغش ويربح من الكل ويللي بيتمسك بالمبادئ بيجوع وخصوصا بهي الفترة هاد مو تبرير لهم انا عن نفسي ما بتاجر بالازمات لو بطعمي اولادي خبز يابس .

أخ نجم وااله العظيم مو قصة مثاليات بس هالطفيليين تعربشوا علينا وصاروا كترة واذا نحنا ما وقفنا بوجوهون ما في حكومة ولا قانون قد ما كانوا فاعلين بيوقفوا هالشي. طبعا اكلتلي اكم تلطيشة وكلمة بالعظم بس الحمد لله مية كلمة قاسية والضمير مرتاح وااله رضيان ولا الف مديح والضمير عم يأنب.

بتمنا انو لو نتكاتف كلنا ونبلش بهيك ناس.

اشتكى الناس لسيدنا عمر غلاء اللحم فقال لهم ارخصوه انتم بعدم شرائه.

من عيشتي بالصحراء اكتشفت انو كل شي بالدنيا ممكن تستغني عنو وبتضل عايش ومرتاحز

[najm]

على سيرة اللحم رح احكيلك بأخر 24 ساعة شو صار معي وبلش باللحم
فتت لعند لحام قريب وقلتلو قطعلي 1كغ مفرومة
سألني بدوهنة ولا بلا دوهنة ؟
قلتلو بلا دهنة يعني عندك مدهنة لاني اخر مرة قلتلك حط شوية دهنة ساويتها مسوفة
توقف عن الفرم وابتسم ضحكة صفراوية ولمع سنه الذهبي والساطور بيده فااطررت بأن أغير السيرة لاني احرجته امام الزبائن .
عندي محل البسة اجتني زبونة سمينة وقالتلي اجيت بالنهار واشتريت هالفستان من الصبية يللي كانت محلك وطلع صغير بدي اكبر بعد ما بدلتلها ياه وراحت طلع مفتوق مو مشكلة لكن تأمل والست متدينة على فكرة .
نزلت على الهجرة والجوازات مع تكسي والشرط 200 لان ما عندو عداد بنص الطريق قررت النزول لقضاء امر اخر
طالب بنفس المبلغ 200 بحجة الوقوف الطويل على الحواجز وكانها لم تكن قبل ما اركب معه كمان مو مشكلة .
بالهجرة الموظف يللي شغلتي عنده اخد فرصة لحالو ولما رجع ما حطيتلو بالاضبارة المعلوم مع اني هيك كنت متعود وما بعرف ليش هل المرة كبرت راسي وعم حاكيه وما يرد عليي لحتى سألته بنترة انت حضرتك بتشتغل هون شي ؟
وبتعرف بقى اساليب التسويف والتعقيد تبعهن لكن للامانة الخدمة هلأ احسن من قبل بشوي .
فا شو بدك تصلح لتصلح

[Salam L]

تصرفك صحيح برأيي

ومع اني ماعندي امل انو رح تنصلح الاحوال بهي الطريقة... بس كل واحد واجبه يحاول على اقل تقدير

[arnouri]

اذن السكوت على الغلط هو جرم بحد ذاته
وكلنا مجرمون بحق الوطن وحق انفسنا
- قالوا لفرعون من فرعنك رد عليهم ما وجدت احد يردني -
وهذه تلخص 50 عاما من حياة اوطاننا مع الطغاة

[Tareq]

اقتباس: المشاركة الأصلية كتبت بواسطة najm    على سيرة اللحم رح احكيلك بأخر 24 ساعة شو صار معي وبلش باللحم فتت لعند لحام قريب وقلتلو قطعلي 1كغ مفرومة سألني بدوهنة ولا بلا دوهنة ؟ قلتلو بلا دهنة يعني عندك مدهنة لاني اخر مرة قلتلك حط شوية دهنة ساويتها مسوفة توقف عن الفرم وابتسم ضحكة صفراوية ولمع سنه الذهبي والساطور بيده فااطررت بأن أغير السيرة frown11 لاني احرجته امام الزبائن . عندي محل البسة اجتني زبونة سمينة وقالتلي اجيت بالنهار واشتريت هالفستان من الصبية يللي كانت محلك وطلع صغير بدي اكبر بعد ما بدلتلها ياه وراحت طلع مفتوق مو مشكلة لكن تأمل والست متدينة على فكرة . نزلت على الهجرة والجوازات مع تكسي والشرط 200 لان ما عندو عداد بنص الطريق قررت النزول لقضاء امر اخر طالب بنفس المبلغ 200 بحجة الوقوف الطويل على الحواجز وكانها لم تكن قبل ما اركب معه كمان مو مشكلة . بالهجرة الموظف يللي شغلتي عنده اخد فرصة لحالو ولما رجع ما حطيتلو بالاضبارة المعلوم مع اني هيك كنت متعود وما بعرف ليش هل المرة كبرت راسي وعم حاكيه وما يرد عليي لحتى سألته بنترة انت حضرتك بتشتغل هون شي ؟ وبتعرف بقى اساليب التسويف والتعقيد تبعهن لكن للامانة الخدمة هلأ احسن من قبل بشوي . فا شو بدك تصلح لتصلح

اخ نجم للأسف يلي حكيتو مزبوط مئة بالمئة وبيدل على انو اساس اي تغيير هو إصلاح الذات قبل المطالبة باي إصلاحات تانية . من اسبوع كنت مسافر وجدبتها واخترت الخطوط السورية وا تأخرت الطيارة عن موعد أعقلاعها بس 12 ساعة والموظفين سبحان مين خلقهون شو أكابر كانو رح يضربونا لأنو عم نسال اي متى السفر فما كان ومن غيظي لقيت محل على إماراتية فلغيت سفري على السورية رغم حنق المدير وطلبو عدم الغاء السفر وصار يضرب لي ياها وطنيات . قلتلو علموا موظفينكون الادب منسافر معكون حتى لو أتأخر تو ايام