لماذا زوار صالة العملات لمعرفة سعر الدولار تبلغ( 100) ضعف زوار الصالات الاخرى؟

[Tigerssound]

اقتباس: المشاركة الأصلية كتبت بواسطة ali-roaidi    لا أعتقد ان كل من ادعى الايمان فهو مبارك ومن المؤكد ان الايمان ليس له دور في الاقتصاد "ابسط مثال الصين و امريكا" و ان كتبنا على الاوراق النقدية في سورية نحن نؤمن بالله فلا اعتقد ان الليرة السورية ستصبح وقتها ب 100 دولار و بامكانك ان تضحك على البشر لكن لا اعتقد بامكانك ان تضحك على الله عز وجل فان تسرق المال و تنعم به ثم تقول هذا من فضل ربي .. لن تجعل هذه الجملة المال المسروق مباركا او حلالا.

اخي العزيز شكرًا لك على مداخلتك

ولكن هي كانت بين المزح والجد واذا لاحظت وضعت إشارات تعجب بعدها فئهذا مايقولوه الأمريكان عن عملتهم وانا لاالومهم فهم يعتزون ببلدهم وبعلمهم وبنشيدهم الوطني وبعملتهم وبحكومتهم

اما هم فهي عباره تدل على انهم يعبدون الله ولايعبدون المال كاكثر العرب

ولا ادري ان كنت تعرف قصة الشيخ محدين العربي عندما كان يقول للمنافقين ان معبود كم تحت قدمي فاتهموه بالكفر وقتلوه وبعد ذلك بفتره وجد كنز كبير تحت قدمه حيث كان يجلس وكان قصده ان المنافقون يعبدون المال

على اقله الدولار يقول نحن نؤمن بالله وهو فيه بركه ببلده فتشتري فيه ببلده عشرة أضعاف ما تشتري به في بلادنا وانا استغفر الله ان كنت قصدت غير ذلك فانا لم اقل انه مبارك من الله ولكن قلت مبارك!!!!!!!!!!!

ودمت بخير

[iass]

اقتباس: المشاركة الأصلية كتبت بواسطة عابر مجيب    يسعد صباحك ، يعني إذا الماسوني بيشرب مي ببطل شرب المي بالنكاية ، مع انو الماسونية بعبع ما فهمت ليش ؟ أنا قريت وسمعت عنهم بس ما تيسرلي تفصيلات لأنهم متحفظين من ناحية ولأن بحثي ما كان هادف ، ما بحبشت كتير . يمكن خرجت عن الموضوع بس لقيت مناسبة لطرح الفكرة ، والماسونية آخده حيز أكثر من اللازم ، بدأت معاداتها من خلال وجود عدد كبير من اليهود فيها يمكن ، بس مو كل اليهود بالضرورة صهاينة . دائما في أحزاب علمانية أو دينية أو عرقية ، وكل واحد بينتقد التاني بس الماسونية يمكن كانت أكتر الأحزاب كراهية وبسهولة، لأنو فيها يهود ، مجرد هالكلمة بتخليها من أحزاب الشيطان الرجيم ! إذا حدا بيعرف أكتر ينورنا . تحياتي .

أنت سيد العارفين بس رح أعطي لمحة بسيطة عن الماسونيين. وهي اللمحة مانها كتير دقيقة بس هي نتاج يلي قريتو وغربلتو من خلال سنين طويلة. وبأكد أنو 90 % من يلي مكتوب عن الحركة الماسونية هو غلط وهدفو الإثارة الرخيصة واللعب بالناس وأفكارهن.
الماسونية حركة سرية منشـأها مجهول التاريخ. بس بشكل عام انتشرت الحركات السرية وما يسمى بالطوائف السرية والديانات السرية على مر التاريخ. ليس أولها الكونفوشية ولا آخرها الحقيقة المطلقة.
والماسونية عدة أشكال مو شكل واحد. وأهم ظهور للماسونية كان بالثورة الفرنسية. يلي قيادات الثورة الفرنسية طرحو الشعار الماسوني إخاء حرية مساواة. و أنا برأي أنو تاريخ الماسونية الحقيقي ما بيبعد كتير عن القرن الخامس عشر. يمكن يكون ألو ظهور بأشكال مختلفة كبوادر للحركة ما قبل القن الخامس عشر. بس ما بعتقد أنو كان ممكن أنو تنطرح أفكار ثورية متل شعار إخاء حرية مساواة. إلى بحدود هي المرحلة يلي هي نهاية العصور الوسطى.
الماسونية هي ديانة سرية. متل ما سبق وذكرت. تمجد المهندس الأعظم. ولأنها ديانة انتسبلها كبار المفكرين بالعالم بعصر النهضة وعصر التنوير والثورة الصناعية. فحامت حواليها الشبهات. نسيت قول أنو الشرط الأساسي للديانة الماسونية كان أنو يلي يعتنقها هو مسيحي فقط. يعني كان مرفوض أنو ينتسب ألها يهودي الأصل. هلق ببداية القرن التاسع عشر سمحت الماسونية بانتساب الناس من كافة الأديان. وبعتقد ببداية القرن العشرين. سمحت بانتساب الملحدين والنساء. نتيجة انو هي ديانة سرية. فغرقت بالرموز والرسوم يلي بتشير لوجود العضو ومرتبتو. في نظامين للمرتبات. نظام قديم بثلاث مراتب. ونظام جديد ب33 مرتبة. العلاقات بين المحافل الماسونية هي علاقة كونفيدرالية. يعني لا في تبادل سلطة. ولا في ولاء لبعض. مجرد علاقات صداقة وأحيانا عداء. كتير من اليهود انتسبو للماسونية بغرض الهروب من الديانة اليهودية المكروهة في القرن التاسع عشر في أوروبا. الماسونيين هنن بشكل عام أشخاص غير مؤامراتيين. وفيكن تقولو أنو بالفترة هي تحولو لنوادي اجتماعية لأنو الأفكار الثورية يلي كانت تجمعهن صارت قديمة والزمن تخطاهن . بس يلي بيصير أنو إذا ياباني هز السوق بأميركا بيقولو أنو اليابانيين احتلو أميركا. وإذا يهودي هز السوق بأميركا. بيقولو مؤامرة يهودية. وإذا ماسوني هز السوق بأميركا. بيقولو مؤامرة ماسونية. وإذا أميركي هز السوق بأميركا بيقولو فساد سياسي إذا جمهوري، ومافيوزي إذا ديموقراطي.
أنا بس بدي قول هاد انطباعي عن المعلومات يلي عندي عن الماسونية. وأنا قريت كتير كتب عنها. في منها معنون بخطير وهام. وبيحكي عن وثائق مدري اي محفل. ومذكرات مدري أي محفل.وكلو بيطلع على فافوش. وهيك بيصير لازم تلملم شغلات من الكتب أحيانا. بحيث تقدر تركبها لتطلع بشي منطقي وصحيح ومعقول.
بالنسبة للوطن العربي. دايما ودايما ودايما، بيعيش المواطن العربي خوفه على خيمتو وإبله أمام غزو المدينة والحضارة. لهيك مجرد ما أنو تنبنى بناية حد خيمتو بيعتبر أنو هي مؤامرة بتستهدف هويتو. وبيحط الحق عالماسونيين وعلى اليهود والأمبريالية العالمية والاستعمار الجديد وإلخ. علما أنو هو يلي عطاهن الأرض. وهو يلي طلب منهن انو يعمرو البناية. وهو يلي سكنها وباع الشقق يلي فيها. ومع ذلك. منشان يحافظ على تراثو وهويتو. طلع ناقتين وجمل معو على الطابق 60 من بنايتو. ومنقل الفحم ومغلاية القهوة المرة. ومع ذلك ما بيشرب غير اكسبرسو.
بدي أطلب من الناس أنو ما تعتبر معلوماتي صحيحة. بس هي لملمة مو أكتر. وما كتير بنصح بالكتب يلي فيها إثارة رخيصة عن الماسونية. لأنو أي واحد بيقرا أي كتاب بتأني من هدول الكتب. وبيجيب ورقة وقلم. بيقدر انو يكتشف كمية هائلة من التناقضات والاستنتاجات يلي ما بتعتمد على قواعد صحيحة.

ملحق. هلق قريت شوي من الويكيبيديا عن الماسونية. يبدو أنو يلي كاتب عن الماسونية بالموسوعة بيحكي شي قريب من الحكي تبعي.

[iass]

اقتباس: المشاركة الأصلية كتبت بواسطة محمد ابو علي    [center] على العكس الاخوة اجابوا واجاباتهم تناولت جوانب منطقية سؤالي هو اين كان المتابعون لسعر الدولار قبل الازمة؟ وقبل الازمة كان الدولار كذلك يمثل ما يمثله من قوة اقتصادية ومخزون ذهب الخ.... شكرا لرأيك ونتمنى من احد الاخوة المختصين ان يسعفنا بالاجابة

أنا آسف عملت إجابة على تعليق على إجابة لموضوعك.

الجواب لأنو سعر الدولار بيعكس الأزمة. والناس خايفة على مدخراتها. وأكيد ما عدت تحطهن بالأسهم. لهيك رح تتابع موضوع الدولار.

[عابر مجيب]

اقتباس: المشاركة الأصلية كتبت بواسطة iass    أنت سيد العارفين بس رح أعطي لمحة بسيطة عن الماسونيين. وهي اللمحة مانها كتير دقيقة بس هي نتاج يلي قريتو وغربلتو من خلال سنين طويلة. وبأكد أنو 90 % من يلي مكتوب عن الحركة الماسونية هو غلط وهدفو الإثارة الرخيصة واللعب بالناس وأفكارهن. الماسونية حركة سرية منشـأها مجهول التاريخ. بس بشكل عام انتشرت الحركات السرية وما يسمى بالطوائف السرية والديانات السرية على مر التاريخ. ليس أولها الكونفوشية ولا آخرها الحقيقة المطلقة. والماسونية عدة أشكال مو شكل واحد. وأهم ظهور للماسونية كان بالثورة الفرنسية. يلي قيادات الثورة الفرنسية طرحو الشعار الماسوني إخاء حرية مساواة. و أنا برأي أنو تاريخ الماسونية الحقيقي ما بيبعد كتير عن القرن الخامس عشر. يمكن يكون ألو ظهور بأشكال مختلفة كبوادر للحركة ما قبل القن الخامس عشر. بس ما بعتقد أنو كان ممكن أنو تنطرح أفكار ثورية متل شعار إخاء حرية مساواة. إلى بحدود هي المرحلة يلي هي نهاية العصور الوسطى. الماسونية هي ديانة سرية. متل ما سبق وذكرت. تمجد المهندس الأعظم. ولأنها ديانة انتسبلها كبار المفكرين بالعالم بعصر النهضة وعصر التنوير والثورة الصناعية. فحامت حواليها الشبهات. نسيت قول أنو الشرط الأساسي للديانة الماسونية كان أنو يلي يعتنقها هو مسيحي فقط. يعني كان مرفوض أنو ينتسب ألها يهودي الأصل. هلق ببداية القرن التاسع عشر سمحت الماسونية بانتساب الناس من كافة الأديان. وبعتقد ببداية القرن العشرين. سمحت بانتساب الملحدين والنساء. نتيجة انو هي ديانة سرية. فغرقت بالرموز والرسوم يلي بتشير لوجود العضو ومرتبتو. في نظامين للمرتبات. نظام قديم بثلاث مراتب. ونظام جديد ب33 مرتبة. العلاقات بين المحافل الماسونية هي علاقة كونفيدرالية. يعني لا في تبادل سلطة. ولا في ولاء لبعض. مجرد علاقات صداقة وأحيانا عداء. كتير من اليهود انتسبو للماسونية بغرض الهروب من الديانة اليهودية المكروهة في القرن التاسع عشر في أوروبا. الماسونيين هنن بشكل عام أشخاص غير مؤامراتيين. وفيكن تقولو أنو بالفترة هي تحولو لنوادي اجتماعية لأنو الأفكار الثورية يلي كانت تجمعهن صارت قديمة والزمن تخطاهن . بس يلي بيصير أنو إذا ياباني هز السوق بأميركا بيقولو أنو اليابانيين احتلو أميركا. وإذا يهودي هز السوق بأميركا. بيقولو مؤامرة يهودية. وإذا ماسوني هز السوق بأميركا. بيقولو مؤامرة ماسونية. وإذا أميركي هز السوق بأميركا بيقولو فساد سياسي إذا جمهوري، ومافيوزي إذا ديموقراطي. أنا بس بدي قول هاد انطباعي عن المعلومات يلي عندي عن الماسونية. وأنا قريت كتير كتب عنها. في منها معنون بخطير وهام. وبيحكي عن وثائق مدري اي محفل. ومذكرات مدري أي محفل.وكلو بيطلع على فافوش. وهيك بيصير لازم تلملم شغلات من الكتب أحيانا. بحيث تقدر تركبها لتطلع بشي منطقي وصحيح ومعقول. بالنسبة للوطن العربي. دايما ودايما ودايما، بيعيش المواطن العربي خوفه على خيمتو وإبله أمام غزو المدينة والحضارة. لهيك مجرد ما أنو تنبنى بناية حد خيمتو بيعتبر أنو هي مؤامرة بتستهدف هويتو. وبيحط الحق عالماسونيين وعلى اليهود والأمبريالية العالمية والاستعمار الجديد وإلخ. علما أنو هو يلي عطاهن الأرض. وهو يلي طلب منهن انو يعمرو البناية. وهو يلي سكنها وباع الشقق يلي فيها. ومع ذلك. منشان يحافظ على تراثو وهويتو. طلع ناقتين وجمل معو على الطابق 60 من بنايتو. ومنقل الفحم ومغلاية القهوة المرة. ومع ذلك ما بيشرب غير اكسبرسو. بدي أطلب من الناس أنو ما تعتبر معلوماتي صحيحة. بس هي لملمة مو أكتر. وما كتير بنصح بالكتب يلي فيها إثارة رخيصة عن الماسونية. لأنو أي واحد بيقرا أي كتاب بتأني من هدول الكتب. وبيجيب ورقة وقلم. بيقدر انو يكتشف كمية هائلة من التناقضات والاستنتاجات يلي ما بتعتمد على قواعد صحيحة. ملحق. هلق قريت شوي من الويكيبيديا عن الماسونية. يبدو أنو يلي كاتب عن الماسونية بالموسوعة بيحكي شي قريب من الحكي تبعي.

زينة الانسان عقله ، وانت ذو عقل راجح .
شكرا .