صالون سيرياستوكس للعطلات(17-18-19-20)-1-2013

[مجد]

صباح الخير

[saeed]

صباح الخير
نسأل الله العلي القدير .. أن يكرمنا بالفرج القريب ..

[عابر مجيب]

صباح الخير

[saeed]

[saeed]

[saeed]

عندما قال يعقوب عليه السلام "واخاف ان يأكله الذئب"
اختفى يوسف علييه السلام واصيب سيدنا يعقوب بالعمى
وعندما قال يعقوب عليه السلام "وأفوض امري إلى الله" . عاد إليه يوسف وارتد بصره
اللهم اني فوضت امري إليك
يقول ابن القيم رحمه الله
ل أن احدكم هم لإزالة جبل وهو واثق بالله لأزاله

اللهم زدنا ثقه بك وحسن ظن بمقاديرك

قال احد السلف
اني ادعوا الله في حاجه فإذا اعطاني إياها فرحت مره ... وإذا لم يعطيني إياها فرحت عشر مرات
لأن الأولى اختياري ... اما الثانيه من اختيار الله علام الغيوب
عظيمه هي الثقه برب العباد
"والله يعلم وانتم لا تعلمون "
اجابه كافيه شافيه لنا لتساؤلاتنا لماذا يحدث ذلك لنا
تعثرنا في بعض الأمور في حياتنا ... رحمه من الله ... قد لا ندرك معناها إلا مع الوقت
الأعوام تغير الكثير
انها تغير تضاريس الجبال ... فكيف لا تغير الأحوال وتبدل شخصيات البشر
... لا تهتموا كثيرا ...
أي شئ في هذه الدنيا لن يدوم ... هي لم تسمى دار الفناء عبثا ...
فاستقبلوا الأقدار بحمد الله ... وقولوا الحمد لله على كل حال

[عابر مجيب]

سافر سفيان وعزمي بيك على مصر ، نزلوا الصبح من الفندق الشباب وصاروا مصريين خلص ، قلو شو أخي سفيان بنروح كيدا ولا كيدا ، قلو سفيان ياعمي بنروح كيف ما كان بس الله يخليك ضل عم تحكي سوري وبلا تخانة .
راحو على قهوة الفيشاوي حيث مات الشاعر عبد الحميد الديب ( موتبع الأبنية الخضراء ، غير عيلة ) نعم مات على الرصيف المقابل للمقهى . سفيان بقا رايح قبل هيك صار بدو يتمنفخ بمعلوماتو ، وصار يشرح عن الشاعر واشعاره ، ولما حرف أغنية لأم كلثوم عملها سلو جيبي لما خلا وخاب ، هل له على الفلوس عتابا ........ إلى ان يصل إلى وصف أهل بيته : ومن يمرض فعزرائيل أولى وأوسع في ضيافته رحابا . عزمي بيك هدايا طاير عقلو ومستني يشوف غادة عبد الرازق بالطريق ، لكان هي مصر أم الفن والفنانين .
قعدوا على القهوة وطلبوا اتنين شاي وصلحو ( يمكن هي صلحو بيضيفو حبر صيني ليغمق ) . طبعا شو كان بيعرف سفيان عن مصر خلصو ! ما عنده معلومات زيادة فقعد يخرط عليه من عقله .
قلو شايف هداك الجامع ؟ فرد عزمي أي شايفو . قلو هادا بناه ناصر الدين قلاوون ، قلو غريب كل عمرنا بنشوف بالصور وبيقولوا هاد جامع محمد علي ! العمى الواحد لا يصدق ليشوف بعينو .
قلو طيب احكيلنا شي شغلة فيها عبرة .
اعتدل سفيان وقلو خود على هالقصة : بزماناتو الوالي اللي كان على مصر كان عونطجي ، وكانوا الناس يدايقوا منو ، كان عنده يوم لتوزيع الأرزاق على الناس وكل واحد بياخد حسب طلبو ، الدور طويل ومافي مجال للشرح والوالي وحراسه مقفلين القلعة ومخليين ممر صغير ليمروا منو كل أهل مصر ، يمكن كانوا مليونين ونص بهديك الأيام .
وبس يوصل الدور :
بدك أرنب ؟ يلا هي أرنب .
بدك غزال ؟ يلا هي أرنب .
العمى شو مابيفهم هاد اللي عم يوزع ؟ هيك سأل عزمي بيك .
حبيبي باينتك على نياتك ،هاد الوالي شلون ما بيفهم؟ يخرب بيتو آخدهم بالعبطة ولسا ما بتفتح تمك ، بتلاقي الكرباج على ظهرك منشان الديمقراطية وتترك دور لغيرك .
العمى العمى شو سعدان !
طيب ليش ما اشتكو للسلطان بالأستانة ؟
اشتكوا للسلطان وطلبوا تغيير الوالي ، استغرب السلطان قلهم يخرب بيتكم إذا مشكلتكم بالتوزيع وبالضغط وبالسرعة وبتأمين طلباتكم ، شو جاب الوالي لمشكلتكم ؟ وبعدين خناقة قبل سنتين اللي صارت عند المسلخ، وعملنا فيها محضر ببلد محايد ( قبرص ) على ما أذكر ، هيك هوه قال ، نعم اتفاقية قبرص ما حدا جاب سيرة الوالي شو صارلكون هلأ يخرب بيتكم شو بجم .
شو هالعالم هي ياه ه ه .
شو قصدك ؟ يا أخي إذا المشكلة مبينه واللي ما بيشوف من المنخل أعمى ، لك حتى منخل ما فيها ، شو خرطو الخراط وقلب ومات ؟ وينو هلأ لساتو ؟ مو القصة صارلها شي اربع ميت سنة ومات بعدين وشبع موت ؟!
موتاري صاحب المقهى سمعان القصة ! قلو انا ما حدى بيغلبني بالتاريخ القديم من فين جايب هالقصة ؟ اخدو على جنب وقلو الله يخليك لا تفضحني بس هاد غشيم ومفكرني بعرف مصر اكتر منو لا تطلعني بالخزوة .
حلف صاحب القهوة طلاق بالتلاتة انو ما بيدفعوا وكل طلباتهم على حسابو ، قلو ليش هيك عملت ؟
قلهم انا بحب الناس اللي عندها نظرية ( نظر ) وبتفهم، يبني (يا أبني ) إنت كلامك كبير قوي بس الحركات دي ما كانوش يعرفوها زمان !
تمت

[مجد]

رجعت اسعار الشقق في مدينة 6 اكتوبر الى ماكانت عليه قبل عدة اشهر (انخفضت بعد ارتفاع )

وسبب هذا هو انتقال بعض السوريين الى مدن ابعد لرخص اجارها او وزعت عليهم مجانا من فاعلي الخير

والبعض سافر الى ليبيا للعمل .

[مجد]

من المستغرب ان اسعار السلع لم ترتفع بشكل فوري مقارنة من انخفاض سعر الدولار (10 بالمئة خلال شهر تقريبا)

ربما ترتفع لاحقا .

[saeed]

اقتباس: المشاركة الأصلية كتبت بواسطة broker    مسا الخير .. الحمد لله على سلامة عميد آل النوري (والد أبي معاذ) لا زال في المشفى لكن الحالة مستقرة ان شاء الله بالـــسلامة

تمنياتنا بالشفاء العاجل ..