صالون سيرياستوكس ليومي الخميس19 والجمعة 20-4-2012

[abu mhd]

اقتباس: المشاركة الأصلية كتبت بواسطة غسان    مدير مؤسسة مياه الشرب (الفيجة) عكارة المياه طبيعية لا تؤذي الصحة ولا تسبب أي عوارض صحية..... عم نشوف المي حمرا فيها رمل هل هذا الرمل صحي ..؟؟!!! ياسيادة المدير ؟؟

عادي حبيب هي مناعة
بعدين هي خدمة جديدة عم يلونوا المياه لأنوا قال الشعب مل من اللون الأبيض فحبوا يغيروا
بعدين اذا بس المي حمراء مقدور عليها

[مجرد إنسان]

اقتباس: المشاركة الأصلية كتبت بواسطة غسان    ماذا ترى/ـين في هذهِ الصورة ؟ ماذا ترى في الصورة و بكل صراحة قبل لاتقرا الباقي .ربما يتبادر في ذهن الكثير منا عندما يشاهد هذه الصورة بأني أرى [ نقطة سواد ] ~! وهكذا نحن البشر ،، ننسى البياض الواسع الذي يحيط بهذه النقطة ،، ونركز فقط عليها ،، مثلما نرى عيوب الآخرين ،، فنحن نحاول أن نتغاضى عن حسناتهم ،، أو محيطهم الأبيض الواسع ،، نرمي بنظرنا فقط على سيئاتهم ولو كانت صغيرة ً جداً في وسط هذا المحيط الهائل ~! نحكم على الشخص بالنقطة السوداء التي نراها .. ونتغاضى عن كل هذا ~ البياض إذا لاتحكم على الناس كحكمك على هذه الصورة . . ما رئيكم انتم؟؟ ما الاسباب التي تدفعنا الى سلك هذا الطريق من التفكير بالناس بهذا الشكل ؟؟ والى اي مدى قد نؤذي مشاعرمن حولنا ؟؟

بصراحة : رأيت بياضا كثيرا فيه نقطة صغيرة سوداء ... ^^

شو وضعي أنا ؟

[فهد]

مرحبا

[فهد]

اقتباس: المشاركة الأصلية كتبت بواسطة broker    المقولة صحيحة لكن هنالك حالة استثنائية تسمى "سوريا" يعني بصراحة "المعول" في حال كان في يدي رح استخدمو لهدم ما بناه الاجداد ...... لا تستغربي لاني سوف أهدم "المدن العشوائية" المنتشرة في دمشق .... لن أقول مساكن بل كلمة "مدن" مقصودة ... ما بناه الاجداد في دمشق هو الابراج العشوائية التي تقف برحمة الله ....... وسوف أهدم مجمع يلبغا الذي كان على ايام جدي الى الآن ولم ينتهي من العمل .... وسوف اهدم نفق البرامكة "نهر عيشة" الذي تبدل فيه جيل كامل والى الآن لا زال في بدايته ...... وسوف أهدم بناءين شامخين عند نزلة المتحلق باتجاه الفحامة .... فهنالك بناءين أذكر انني اراهما على حالهما منذ كنت في الابتدائية ...... ربما سأترك الشام القديمة فقط ....فهي وحدها ( ما بناه اجدادنا بدمائهم ) ....

الله حيّو ابو حازم

[فهد]

اقتباس: المشاركة الأصلية كتبت بواسطة arnouri    -------------------------------- الحمد الله ما في مكرمة من الدوله ودعم لنا بل العكس بنزين سيارات الدولة على حسابنا

ليش الدولة بشو عم تدعما لحتى تدعم البنزين

[Salam L]

اذا كنت ممن يواجهون الحالات التالية باستمرار اضغط على Like

جرابات مفقودة (سواء جديدة او قديمة)

اقلام مسروقة من المكتب (حتى قلم الرصاص)
...
كوريكتر ضايع (كمان حدا لطشه من الزملاء بالعمل.. وينطبق الحكي على المقص والخرازة)

مفتاح المكتب حضرتك طبعت نسخ عنو شي خمسين مرة وكل مرة حدا بيستعاره بس "بينسى" يرجعلك ياه....

الريموت كونترول مفقود (بالاخير بيطلع بالمطبخ او على الرخامة جنب باب البيت! وممكن بالحمام في بعض الاحوال!)

المفاتيح سالته على جنب الكنباية او الديوان ومدحوووشة لتحت تحت...

حالات اعارة كتب من شي عشرطعشر سنة وكل ماشافك الشخص اللي مستعارهن بيقلك يييي مارجعتلك كتابك...

بيروح الغرض على الغسيل و يا بيرجع يامابيرجع... واحتمال يرجع بعد شي سنة سنتين وقت تنسى اساسا انو ضاع... لانو بيكون راح بالغلط لخزانة شخص تاني...

بس انو فعلا شو سر الجرابات!!!!

حقوق التأليف محفوظة

[yara991979]

لقد كتبنا .. وأرسلنا المراسيلا
وقد بكينا وبلّلنا المناديلا
قل للذين بأرض الشام قد نزلوا
قتيلكم بالهوى مازال مقتولا
يا شام. يا شامة الدنيا ، ووردتها
يا من بحسنك أوجعت الأزاميلا
وددت لو زرعوني فيك مئذنة
أو علقوني على الأبواب قنديلا
يا بلدةَ السبعة الأنهار .. يا بلدي
ويا قميصاً بزهر الخوخ مشغولا
ويا حصاناً تخلّى عن أعنته
وراح يفتح معلوماً، ومجهولا
هواك يا بردى، كالسيف يسكنني
وما ملكتُ لأمر الحب تبديلا
ماللدمشقية كانت حبيبتنا
لاتذكر الآن طعم القبلة الأولى
يا من على ورق الصفصاف يكتبني
شعراً .. ويزرعني في الأرض أيلولا
يا من يعيد كراريسي .. ومدرستي
والقمح، واللوز ، والزرق المواويلا
يا شام إن كنت أخفي ما أكابده
فأجمل الحب حبٌ بعدُ ما قيلا

نزار قباني

[yara991979]

إذا كان هـذا الكـونُ قبلـة عاشــق
فالشــــامُ عند العاشـــقين شـــفاهُ

[رندة]

اقتباس: المشاركة الأصلية كتبت بواسطة salam l    اذا كنت ممن يواجهون الحالات التالية باستمرار اضغط على like جرابات مفقودة (سواء جديدة او قديمة) اقلام مسروقة من المكتب (حتى قلم الرصاص) ... كوريكتر ضايع (كمان حدا لطشه من الزملاء بالعمل.. وينطبق الحكي على المقص والخرازة) مفتاح المكتب حضرتك طبعت نسخ عنو شي خمسين مرة وكل مرة حدا بيستعاره بس "بينسى" يرجعلك ياه.... الريموت كونترول مفقود (بالاخير بيطلع بالمطبخ او على الرخامة جنب باب البيت! وممكن بالحمام في بعض الاحوال!) المفاتيح سالته على جنب الكنباية او الديوان ومدحوووشة لتحت تحت... حالات اعارة كتب من شي عشرطعشر سنة وكل ماشافك الشخص اللي مستعارهن بيقلك يييي مارجعتلك كتابك... بيروح الغرض على الغسيل و يا بيرجع يامابيرجع... واحتمال يرجع بعد شي سنة سنتين وقت تنسى اساسا انو ضاع... لانو بيكون راح بالغلط لخزانة شخص تاني... بس انو فعلا شو سر الجرابات!!!! حقوق التأليف محفوظة big grinbig grinbig grin

أهلا سلام انا ما بيصيروا معي بس حطيت لايك لانو اشتقنالك من زمان ما شفنا مشاركاتك بالصالون

[رندة]

أن الله أقرب إلى الذين يجتهدون في فهمه من الذين يؤمنون به إيمانًا أعمى

لـ د.مصطفى محمود | مما قرأت