minas

السلام عليكم،

اخواني انا مقيم بالكويت و طبعا الكل شايف انو الدينار الكويتي الى النزول.

يعني مثلا بأيلول 2008 كان 170 تقريبا و بأيلول 2009 كان 160 تقريبا.

شو تنصحوني لاي عملة ابدل الدينار مشان ما اخسر اكتر، مع العلم اني رح احتاج المصاري بشهر آذار 2010 للزواج....

وشكرا

NetPro

والله أنا بنصحك تبدل العملة لأسهم
من هون لشهر 3 بيكون سعر سهم سوريا الإسلامي صار بالـ 1300 وبيكون طلع ونزل عدة مرات بما يسمح لك زيادة المربح.
ناهيك عن دخول أسهم جديدة مثل العقيلة والشام الإسلامي وهي أسهم جديدة ستحقق مرابح جيدة بفترة قصيرة

Salem_mestow

والله انامع هالنصيحة لأنوا الاسهم لسعتها باسعار متوسطة بس بنصحك انك تشتري بالاسهم الاسلامية والتكافلية لأنوا هي الاسهم يلي لح يصير عليها مضاربات قوية على المدى البعيد
بس انت قلت انك بدك المصاري بشهر آذار يعني الشهر الثالث وبهاد التاريخ غالب الشركات توزع أرباحها مما يعني انخفاض اسعار الاسهم بهي الفترة من السنة على الاغلب
و بالنهاية التعامل بالاسهم بدو قلب جريء و تكتكة و ف ينوع من المخاطرة

Aziz

أفضل شي حول على السوري هي عملة ما ببتغير كتير وشبه ثابتة
وبعدين حط المصاري بشي بنك اسلامي (على اساس) مشان تخادلك شوية ربح

أما إذا بدك تفوت على البورصة فبنصحك تشتري بالاسلامي واليوم قبل بكرى لأنوا كل مالوا السهم عميطلع وانشالله بدوا يوصل لأسعار حلوة
سلام

minas

شكرا شباب عالردود.

شراء الاسهم شوي صعب لاني انا بالكويت معظم الوقت. فما فيني اتابع بشكل مستمر البيع و الشراء. (عامل حالي مضارب ع اساس )

و الصراحة انا كنت مفكر التحويل الى عملة اخرى مو اسهم يعني. يعني السوري احسن حل؟

Salem_mestow

نعم السوري احسن شي أو إذا بدك اشتري العملة الصينية لأنوا الصين عم تجمع ذهب احتمال تربط عملتاه بسلة عملات و ترتفع

Salam L

استشير اصحاب الخبرة بفكرة انك تشتري ذهب لانو الذهب هم يقولوا طالع. او اشتري صيغة العروس من هلق مشان توفر ههههه ونشالة الف مبروك

omar

انت لا تهدف الى الربح

تهدف الى المحافظة على قيمة النقود فقط

انصحك بالتنويع والتوزيع واليك مثال فقط:

30 % ليرة سورية - 20 % دينار كويتي - 30 % يورو - 20 % دولار امريكي

هيك ما رح تتعب راسك بعد اليوم

اذا عملة ما نزل سعرها رح ترتفع العملة المقابلة لها وتعوض خسارتها

يعني من المستحيل ان تخسر او تربح ( لانها عملات متناقدة مثل اليور والدولار واحد تحت والثاني فوق وبالعكس )

ولك اختيار العملات التي سوف توزع المبالغ عليها لاني ذكرت لك مثالا فقط.

وتقبل خالص تحياتي ولا تنسانا من الدعاء

__________________
مواضيع كتبتها :

التصنيف الاستثماري للشركات والبنوك
ديناميكية عمل النقد والفائدة والسياسة النقدية وتأثيرها الاقتصادي
ديناميكية تعامل المصارف مع اموالها واستراتيجايتها المتبعة
خبرية بـ 500 مليون ليرة "أرباح بنك الشام الإسلامي"
السيناريو المستقبلي لسهم بنك سوريا الدولي الاسلامي

Salam L

اخي انسى فكرة الذهب ممكن يكون فيها نسبة مخاطرة, فكرة عمر فعلا فظيعة هههههههههههههه

ug3;ug3;ug3;ug3;

Aziz

غرام الذهب وصل لـ 1410 ل.س
من شو بيشكوا الذهب التقليد أو ما يسمى الروسي