رد: تحليل سهم الدولي الاسلامي فنيا ونفسيا
اقتباس:
المشاركة الأصلية كتبت بواسطة netpro
شكراً أخي فاروق
مشاركة فنية حلوة. لو كانت قبل شهر اذار لتناقشت معك فيها واستفدت منك أما الان فانا خارج السوق.
زميلة سلام
في الوضع الحالي كما نعلم التحليل الإخباري أسرع من الفني وأي خبر جديد ينعكس على السوق ثم يقرأه التحليل الفني وبالتالي من يجيد التحليل السياسي للوضع سيعرف مسار السوق.
بالنسبة لي غادرت السوق وبقيت علقان ببعض الأسهم غير المدرجة لم اتمكن من بيعها بسبب سرعة هبوطها وعدم وجود زبون فوري عكس المدرجة التي خرجت منها فورياً.
رأس مالي أصبح معظمه فضة ثم دولار ثم ذهب.
قد يسألني بعض زملائي لماذا فضة وليس ذهب ... الجواب بعض مقالات قرأتها عن
gold vs silver investment
واكتشفت أن الفضة مستخدمة في الصناعة وكميتها المتوقعة في الأرض أقل من الذهب وبالتالي مع تزايد طلبها في الصناعة لن تخسر أما الذهب فيخضع للمضاربة أكثر مما هو قيمة حقيقية |
مشكور على المشاركة اخي الغالي ... تمنيت فعلا لو ارى وجهة نظرك ووجهة نظر جميع خبراء التحليل الفني ... للاستفادة منها ومشاركتها
موضوع تحليل فني او تحليل اساسي ومين يسيطر وووو فهاد موضوع طويل ومابيخلص وفيه اراء كتيرة ووجهات نظر كتيرة ...
بس من وجهة نظري ان التحليل الفني بيشمل الاساسي ... يعني من الشارت ممكن تقدر انو في مشكلة بدون ماتعرف شو هي بالضبط ...ممكن تكون مشكلة مالية بالشركة او مشكلة سياسية عامة او مشكلة اقتصادية عامة كالازمة العالمية ... اذا طبقنا واقعنا حاليا على الشارت فلاحظ ان الاسهم كسرت المسار الصاعد منذ بدأ ثورة تونس .. بعدها دخل السوق بمرحلة عرضية لغاية ماانفجرت الاوضاع عنا دخل بعدها سوقنا بمسار هابط .. وهاد شي طبيعي جدا وقت اضطراب وضع سياسي ببلد ما .. الي قصدته ان التحليل الفني شامل التحليل الاساسي اي انه حتى لو كنت معزول عن العالم وماعندك اي فكرة فالشارت حيعكس الواقع وحيعطيك اشارات عن الحاصل والتغيرات الحاصلة لكن بهي الحالة تحتاج خبرة كبيرة جدا بالتحليل الفني لان ادواتك صارت محدودة فيه ... لذلك التحليل الفني والاساسي بيكملو بعض وان كنت محلل فني فالافضل والاحسن يكون عندك مبادئ اساسية بالتحليل الاساسي يعني على سبيل المثال الوضع الحالي ...
ازمة سياسية وجيش ورصاص وقتل وانفلات امني + سوق صاعد = انت بالمريخ او بسبيس تون ... الاساسي ممكن يدعم الفني بشكل كبير خصوصا وقت تكون عندك اكتر من سيناريو وممكن يكون الاثنين عكس بعض تماما فممكن انك ترجح سيناريو على اخر اعتمادا على الاساسي خصوصا ان كان الوضع استثنائي وواضح مثل مايحصل الان ...
وللعلم التحليل الفني مدارس كتيرة وبحر واسع جدا ومافيه 1+1=2